الملاك الحزين
الحلقة الخامسة والعشرون
❄❄❄❄❄❄❄❄❄
مر وقت كبير وأخيرا استيقظت ملاك من نومها وعندما فتحت عيونها نظرت فى الغرفة لم تجد أحد حاولت تقوم لقت حد نايم جمبها فعتقدت انها قمر
ملاك بتعب : قمر قمر اصحي
زين بلهفة : ملاك يا عمري
ملاك بخضة : انت بتعمل هنا ايه وفين قمر
زين : عاوزة ايه وانا هجوبك
ملاك بكسوف : خلاص بقي
زين بابتسامة : عاوز تخشي الحمام صح
ملاك بكسوف زيادة : ايوة
زين بضحكة : يا خراشي علي العسل تعالى
قام زين بحمل ملاك ودخل بيها الحمام ووضعها على حرف البانيو وخرج وترك ليها الحرية وتوجه الى الباب وطلب من الحرس احضار اكل وعصائر شوكولاته وعاد الى الداخل ووقف امام باب الحمام فى انتظار خروج ملاك
بعد فترة خرجت ملاك ووجدت زين أمامها فامسكها ولكن رفضت
ملاك باعتراض : ممكن متقربش انا تعبانة اه مش مشلولة اعرف امشي لوحدي
زين بلهفة : بعد الشر عنك يا قلبي طيب عاوزة ايه
ملاك : عاوزة اصلي ومش عارفة فين القبلة ولا الهدوم مينفعش اصلي كده
نظر زين حوليه وتوجه الى الدولاب وأحضر عباية الصلاة وطرحة وساعدها على لبسهم وجعلها تجلس على الكرسى
زين : هدخل اتؤضا وهاجي اصلي معاكي
ملاك بعند : لا
زين بزعل : يعني بترفضي الصلاة معايا ومش عوزانى اصلي وادخل النار كمان
ملاك ببرائة : لا والله مقصد اسفة انا كنت بعند بس خلاص روح اتؤضا وتعالى امني كمان وناخد ثواب صلاه الجماعة
زين بابتسامة : حالا يا عسلية
توجه زين الى الحمام حتى يتؤضا وقامت ملاك بأداء ركعتين لوجه الله وخرج زين وجدها بتصلي وانتظرها حتى انتهت
زين بزعل : بردو صليتي
ملاك : انا صليت ركعتين لربنا ولسه مصلتش فيالا ممكن علشان مش قادرة اقعد
زين بلهفة : مالك حاسة بايه
ملاك باطمانان : متخفش انا كويسة وكل حاجة بيعملها ربنا خير وحلوة
زين : ماشي يا عسلية
وقف زين فى الأمام وقام بأداء الصلاة وهي خلفة الى ان انتهي ودعا ربنا ولف ليها
زين بغمزة : عقبال مصلي بيكي كده يوم جوازنا
ملاك بحزن : ده بعدك
زين بصدمة : ليه ان شاء الله
ملاك بحزن : لانى عمري مهتجوز مين هيردا يجوز واحدة رد سجون او مريضة وممكن تموت فى اي وقت
زين بامل : انتى وثقة فى ربنا
ملاك : طبعا انا عيشت كل الوقت ده فى امان بفضل ربنا و انا عارفة انه شايلي الخير والسعادة والحب وعمره مهيخرجني من الدنيا وانا حزينة عارف نفسي اموت وادفن فى حضن ابويا هو الوحيد الى بيحبني طول السنين الى فاتت وهو معايا عمره مسابني لحظة كمان ربنا عملي حاجات كتير اوى يعني بعتلي قمر وكانت ونعمه الأخت والصديقة و بعتلي طنط سارة وكانت ونعمة الام أقصد العمه وعمرو و يوسف وكانت احسن أخوات وغير دول كرمني وكملت تعليمي ومعايا شهادة كبيرة يمكن لو فضلت برا السجن كنت ممكن يحصل حاجة وضيع نفسي وضيع سمعه وشرف ابويا كل حاجه ربنا بيعملها فى حياتنا ليها سبب وأحلى حاجة انى عمري مخلفت طاعة ربنا حتى لو مت مش هزعل لانى الحمد لله عشت وهموت وانا فرحانه لان حقي ظهر
زين : وربنا بيعمل كل خير تعالى بقي على السرير
ملاك : لسه مش عاوز تعرفني انت مين وليه انت هنا
زين : تعالى بس
