شفت الحياه في عيونك

الجزء الواحد و الخمسون (٥١)

اتمنى تقولون لي رأيكم و اتمنى يعجبكم الجزء يا جميلين

لا تنسون التصويت

\

دخل القصر و بصراخ - ملاااااااااااااااااااااااااااااك ... و ركب لفوق و صار يطرق الباب بقوه عليها

بدور طلعت هيا و اولادها اليه مخترعين من صواريخ بو سلمان - خير يا اخوي ؟

بو سلمان بعصبيه لدرجة ان عروقه بانو - وين اشوف الخير وهذي بنتي !!!! قلت افتحي الباب لا اكسره يا ملاك

بدور و قلبها يرجف من منظر اخوها و صارت قدامه - طيب اهدآ بالاول

بو سلمان - ابعدي عني يا بدور مو وقتك ..

بدور - اكيد نامت الحين ..

بو سلمان - راح اكسر الباب لو ماتفتحينه

بدور التفت الى ولدها و بنتها - عزيز خذ اختك و روحي لداخل الغرفه يالله ! و سمعو كلام امهم ..

بو سلمان يصارخ - ملاااااااااك !! قلت افتحي الباب

فتحت ملاك الباب و بعدت منه بخطوات لورا و عيا خايفه من نبرة ابوها ..

بو سلمان جرها من ذراعها و حفر اصابعه بقوه من شدته - ماتستحين ؟؟!! فصختي الحيا ؟!! ماعاد تعرفين شنو يعني الحيا ؟!! ولا انا ماعرفت أربيك و هذي نهاية الدلع و الثقه الي انا اعطيتك وياها

ملاك و تحس ان راح يغمى عليها من الخوف ..

بو سلمان و النار تتطاير من عينه .. صفعها بقوه على خدها لدرجة انها نزفت من قوته الي اعتاد انه يضرب فيها المجرمين - انا اللي تفشليني عند الموظفين في سواد افعالك !! شنو الي موديك اليه المستشفى ؟ شنو تسوين عند فهد ؟ " وشد على مسكته لها مما هيا تألمت بوجع و صارت ترجف مهيئه للبكي "

بو سلمان - انا بعرف كيف اربيك من جديد والله ثم والله لاعلمك ان الله حق ان الدلع مايفيد معاك !! و ترك ذراعها و توجه للطاوله الي جنب سريرها و اخذ جوالها و اللابتوب الي على السرير .. و انتبه الى شنطتها جنب عباتها محطوطين على الكنبه و رمى الاغراض و اخذ بطاقات الصراف الي في بوكها و التفت لها بصراخ لان ذنبها لا يغتفر ولا يكفَر عنه .. احرجته قدام سامي و عبدالله و احمد !!!

و بتهديد قال - ان شفتك معتبة باب غرفتك لا اعلق جثتك في نص البيت .. و التفت الى اخته و في نفس التهديد - ان شفتك اعطيتيها جوالك والله راح ازعل و اغضب عليك .. و اطلعي عنها خليها تحس بقيمة الدلع اللي كانت عايشته .. انا الغلطان يوم عطيته وجهه و دلعتها و طلع و طلعت وراه اخته و هيا ماسكه دموعها على حال بنت اخوها