الحلقةة الثآمنةة
#الحلم_يتحقق
في الصبح
زي كل يوم ناضت لوجين ع صوت موبايلها بس المره هذي في حاجة متغيره .....لقت رساله من صهيب مكتوب فيها ( صباح الورد والفل والياسمين على احلي هدوله شفتها )
قرت الرساله وقعدت تبتسم حست أنه احلي صبح يمر عليها في حياتها ...ناضت تغني وجوها رايق...دارت دوش ولبست وطلعت تفطر مع هلها
لوجين : صباح الورد
كلهم قعدة يبحتو فيها
لوجين : كنكم
مبروكة : مستغربين
أنس وهو يحط في يده ع جبهتها : حرارتها مرتفعه
لوجين : توه هضا كله عشان قلت صباح الورد أتقول أول مره نقولها
امها : صح أول مره اتقوليها
أنس : هههههه مافيش داعي للطروح لأنك أول مره اتقوليها
لوجين : ومن يوم وغادي كل يوم تسمعوها
انس : ربي يشفي وخلاص
لوجين ببرود : أنس انا مانبيش نتعارك معاك ع الصبح تمام
أنس بهزوه : لالا فيك حاجة اليوم
لوجين : باتي حبيبي
عادل : كم تبي
لوجين : كنكم معايا انتو
عادل : بنتي وعارفك خشي في الموضوع دغري
سلوى : ههههههه
لوجين : 10 جنيه نبي تشري مذكرات
عادل طلع عشره ومدهن لها
لوجين : احلى عادل والله ههههه
عادل : ربي يدوم الضحكة
لوجين : أمين
بعدها بشوي سمعت صوت بيابه خذت شنطتها ونزلت
وهي ع الدروج سمعت صوت خطوات قعدت تدعى واتقول : إن شاء الله صهيب إن شاء الله صهيب
قعدت تمشي بشوي بيش تعرف من نازل برمت لقاته صهيب قلبها قعد يدق بسرعه ومن الارتباك وقريب وتعكفت الدروج
صهيب : بسم الله
لوجين : ااه
صهيب وهو قريب منها : صارلك حاجة
لوجين وهي دايره روحها تتألم : ااااه كراعي مش قادره
صهيب : بالك مكسوره ولا حاجة نشيلك المستشفي
لوجين : لالا مافيش داعي
صهيب : لابأس بحتي كويس وانتي نازله
لوجين هزت رأسها
نزل صهيب وقعدت هيا أتبع فيه بعيونها لعند ما اختفى وريحة عطره مازال عالقه في خشمها
فطنت لصوت التبيب قالب الدنيا وموبايلها رن وخده من البنات تتصل بيها ... طلعت تجري لقت الحافله مدرسه تراجي ركبت ع السريع
YOU ARE READING
الحلم يتحقق ( روايات ليبية )
Romanceقصة كفاح بنت ليبية بدينة للوصول الي الرشاقة و أيضا الوصول الي حلمها الذي انتظرته طيلة حياتها ؟ فما هو حلمها ؟ و كيف كانت قصة كفاحها ؟ للكاتبة : تهاني إدريس
