الحلقةة الرآبعةة
#الحلم_يتحقق
(في مكتب العقار )
صهيب كان مقمعز وكل شوي يبحت في الساعة يفكر في هديل صاحبة أخته ...من أول ماشافها عجباته ويفكر فيها ... يتمنى لو يشوفها كل يوم اصلا هو قعد يجي قبل الوقت بيش يشوفها ويراقبها من بعيد
بحت في الساعة لقاها 1:30
قال نمشي توه توه انراجي صفاء لعند تطلع من المحاضرة
وعلى السريع سكر المكتب وطلع
(في الجامعة )
كملت لوجين محاضرتها وطلعت هي وصفاء
سمعت صوت وحده أتنادي : صفاء لوجين
برمت لقتها هديل
لوجين بصوت واطي : ييييه علينا
صفاء : أهلا هديل
هديل : أهلا شخباركن
صفاء : تمام
لوجين هزت رأسها
هديل : وين ماشيات
صفاء : كملنا محاضرات ماشين كافيتريا وبعدها البارك
هديل : خلاص توه نعدي معاكن
مشن مع بعضهن للكافيريا
وفي الطريق طبعا لوجين في كم واحد قعدو يعلقو عليها
وهي خاشة الكافتيريا كانت مصبية جنب الباب سمعت صوت حد من وراها : وسعى الطريق يادبه وانتي دايرة سد
برمت عليه وبحتت فيه من فوق اللوطة ومشت
والأخر يشفط عليها وقال : انتي امهن السمحات هضين (قصدة ع صفاء وهديل )
قعدت لوجين من جوه تغلي بس مستحيل تبين أنها مقهوره من هديل
وصلن البارك وهن ماسكات النسكافيه ويشربن
شافن صهيب مدرس ومصبي بره السيارة
هديل : صفاء مش هضا خوكي
صفاء : اها هوا
لوجين : مسرع ماقعدتي تعرفيه
هديل انحرجت بعدها قالت : لا غير شفته كم مره بس
شير صهيب بيده لأخته يعني خليك
صفاء : شكله
مش مستعجل خليني معناها لعند نكمل نسكافيه
لوجين متعقده تحق في صهيب كيف يبحت في هديل من بعيد وقريب تموت
صفاء : بعد خطرها شن قصت الاشارب إلى دزيتيه ليا الصبح
لوجين بارتباك : مش كنتي تبي مني اشارب
صفاء : لا امتي قلت نبي اشارب
لوجين : أمس بعد كنتي عندي ...(تكذب طبعا )
صفاء : لا والله ماقلت كنك تخرطي انتي
لوجين : مش عارف نحسابك قلتي تبي اشارب دزيتيه لكي وخلاص
صفاء : لالا انتي دايخه انا لانبي اشارب لاشي اصلا بروحي استغربت
رن موبايل هديل هلها جوه
هديل : مع السلامه بنات هلي يرنو عليا
YOU ARE READING
الحلم يتحقق ( روايات ليبية )
Romanceقصة كفاح بنت ليبية بدينة للوصول الي الرشاقة و أيضا الوصول الي حلمها الذي انتظرته طيلة حياتها ؟ فما هو حلمها ؟ و كيف كانت قصة كفاحها ؟ للكاتبة : تهاني إدريس
