الحلقةة التآسعةة
#الحلم_يتحقق
((عند المعهد ))
أغلب البنات روحن ومبروكة مازالت اتراجي في خوها
أنس مصبي برة وتسطر فيه الشمس 😤 مازال يراجي في شروق ..شوي أخرى درست قريب منه
درست قريب منه سياره 🚗 نزل منها شاب طويل ابيض لابس ومتأتق 👤 ...قدم شور أنس
الشاب : السلام عليكم
أنس : عليكم السلام
الشاب : انت أنس
انس : اها انا أنس
الشاب وهو ماد يده ويسلم : كيف حالك
أنس سلم عليه وهو مستغرب من الشاب هضا
الشاب : طبعا ما عرفتنيش 🙇
انس : لا محصليش الشرف من انت ؟
الشاب : اسمعني انا جايك اليوم ونبيك تسامحني لأني غلطت معاك بجد
أنس : مش فاهم عليك !!!
الشاب : انا شروق ...قصدي الى كنت نهدرز معاك على اساس اني بنت
صدمة شلت لسان أنس قعد مصبي ويبحت في الشاب ومش عارف شن يقول يعني لاه اكتر من شهر يحكي مع شاب ويحسابه بنت ....يعني طول الفتره إلى فاتت كان مضحوك عليه ومن من !!!!من شاب كيفه 😨
أنس بصوت عالي : انت شن قاعد تقول ...من جدك انتي ولا تستعبط عليا 😠
الشاب بصوت هادي : والله هضا إلى صار ..وأنا قتلك جاي اليوم نعتذر منك بسبب الحركة إلى كنت دايرها خسرت ناس واجد
أنس مسك الشاب من سوريته وقعد يهزب فيه : انت داير روحك راجل خزي عليك وعلى وجك هذين حركات فروخ صغار
انت مش متحشم على وجك انت
تضحك ع الناس وداير روحك بنت
الشاب وهو يدق في أنس : حول هكي ...اهدي شوي عارف روحي غلطت
أنس : تفووو على خلقتك يا امسخ 💦
الشاب مسك أنس وضربه بوني : تتفل على وجي يا كلب 👊
أنس : تمد في يدك تي والله نوريك ال .....طوووط طووووط 💪
وقعدو يتعاركو ويتضاربو في الشارع وجو الشباب وقعدو يحزو فيها وفكوهم من بعضهم
الشاب ركب سيارته وعدي وهو يهزب ويشتم
أما انس مازال مش قادر يستوعب إلى صار وكيف انصحك عليه بالطريقه هذي
رن ع مبروكة طلعت من المعهد ومشى
أول ماطلعت مبروكة وشافت وجه خوها ومنظره انفجعت وخافت عليه 😨
مبروكة : أنس توه تحكيلي كنك مع من متعارك
انس ............ساكت 😣
مبروكة : أنس وجك بكل رآه احكيلي شن فيه
أنس : سكريلي فمك والله ماني طايق نسمع كلمه
سكتت مبروكة وكملت طريقها وهي تفكر ( زعما شن صاير مع خوها 😓👫
YOU ARE READING
الحلم يتحقق ( روايات ليبية )
Romanceقصة كفاح بنت ليبية بدينة للوصول الي الرشاقة و أيضا الوصول الي حلمها الذي انتظرته طيلة حياتها ؟ فما هو حلمها ؟ و كيف كانت قصة كفاحها ؟ للكاتبة : تهاني إدريس
