الحلقةة العآشرةة
#الحلم_يتحقق
الصبح الساعه 7:30 ⏰
ناضت لوجين ع صوت المنبه بكسل
خشت دارت دوش سريع ووتت روحها ولبست وقمعزت فطرت مع هلها وطلعت
نزلت لقت جلال يبتسم من بعيد ردتله نفس الابتسامه 😊
فتحت الحافله وخشت : صباح الخير 😊
البنات : صباح النور
لقت كرسي فاضي حدا مروه قمعزت حداها
مروه : شن الجو
#يتبع
ن : تماممروه : شفتي جلال ؟
لوجين : كنه !
مروه : قصدك ملاحظتيش😒
لوجين : شنو فيه أحكي 😓مروه : ناقص قال نقص 25 كيلو 😃
لوجين بشهقه : كذابه 😨
مروه : والله 😅
لوجين : صاح حقيت وجه بس نحسابه مريض ولا حاجة
مروه : تي اى مريض غير توه مش باين بس بعد يصبي توه تحقيه تنفجعي
لوجين : وانتي وين شفتيه
مروه : أمس شالنا الجامعه عشان تجديد القيد نزل من الحافله .. البنات كلهن انصدمنلوجين : معقوله 😓
مروه : والله زي مانحكيلك
لوجين : يعني طلع جديات يدير في رياضه زي ماقالي
مروه : تغير ورايح سمح حتى وجه بان 😄
لوجين بفضول : سهفتيني بيش نشوفه
مروه ببصارة : كلميه قوليه صبي بيش نشوفك 😜
لوجين : لا ياحنه كني ...أسمعي أمس بنات واجد جن الجامعة
مروه : تي زحما بكل روحت الساعه 2
لوجين : وااااو إن شاء الله اليوم مافيش زحمه 😥
مروه : إن شاء الله
وصلو الجامعه نزلت لوجين وهي خاطرها تشوف منظر جلال
قعدت تبحت فيه وهو يضحك وكأنه عرف فيش تفكر قعد يبتسم 😊
بعدها بشوي وصلت الجامعة ونزلت وهي قاتلها الفضول( في الحوش )
سلوى : والله مازال مابدينا نشرو بكل شوف انت كم عندك
عامر : انا سألتك سؤال محدد كم تبي
سلوى : نبي واجد
عامر : كم يعني
سلوى : اسمع نحن العشية ماشيت السوق نبو نبدو نشرو حاجات المطبخ عطيني 500
عامر : خلاص خلاص بعد انروح من العمل توه نعطيك
سلوى : انا من توه نفكر في العرس زعما هيسدنا الوقت
عامر : مازال وقت طويل إن شاء الله تكملو
![](https://img.wattpad.com/cover/215047416-288-k503638.jpg)
YOU ARE READING
الحلم يتحقق ( روايات ليبية )
Romanceقصة كفاح بنت ليبية بدينة للوصول الي الرشاقة و أيضا الوصول الي حلمها الذي انتظرته طيلة حياتها ؟ فما هو حلمها ؟ و كيف كانت قصة كفاحها ؟ للكاتبة : تهاني إدريس