ملاك هزت راسها بالرفض
الممرضه - ابيك بالاول تهدي اعصابك و تسترخي .. الموضوع راح يستغرق منك نص ساعه بالكثير ..
ملاك - طيب
الممرضه ابتسمت لها - تمام .. جبرتي سحبتي دم من قبل؟
ملاك بعين فيها لمحت الخوف - ايوا
الممرضه - حلو .. راح اثبت الابره فيك و راح اشبكها في هذا السلك الي راح ياخذ دمك للكيس .. هذي كل العمليه و تقريبا راح تاخذ ٢٥ دقيقه الين النص ساعه .. ما تحسين في دوخه ؟ وضعك تمام ؟
ملاك هزت راسها
جهزت الممرضه الاغراض و كلها و ٥ دقايق و هيا تثبت الابره في يدها - حلو .. اذا حسيتي في شيء مثل الم لو دوخه لو اي شيء خبريني و ناديني انا واقفه برا اسمي ريم اذا راح اسهل عليك .. راح اجي اتطمن عليك كل خمس دقايق
ملاك - طيب ..
رفعت عينها الى ابوها الي واقف عند الباب مع صالح .. كانت ملامح وجههم محيره جدا ! ودها تسأل عنه بس ما تبي تسمع الكلام المحبط او المزعج .. ما تبي تؤمن بخسارته ولا تبي تفكر حتى ..
--------------------------------------
كانت توها صاحيه من النوم من غفوتها و بعد ما صحصحت جلست في غرفتها على اساس انها راح تذاكر و تحضر لاختبار بكرا .. جهزت المكتب و المحاضرات كلهم سوى .. بس فجأه لقت نفسها فاتحه التويتر تبحث عن اسم حسابه .. الاسم الي ما فارقها طول يومها .. الاسم الي يفز قلبها لا سمعته !
دينا - اممممممممم !! شنو عائلته ! .. الشهاب لا لا .. الش .. اااا .. ياربي نسيت !! كيف انسى .. الش .. ال ايش يا دينا فكري شنو اللقب !!! و صارت تناظر في الاسماء و لمحت الاسم و رفعت صوتها بحماس - الشرييييف !!!! عبدالعزيز الشريف !!!! .. ااا طيب و بعدين كيف راح اطلع حسابه !!
صارت تبحث و تدور لفتره طويله و هيا على هذي الحاله
دينا باستسلام - شدعوه و هذا انا موقفه راسي !! .. و جى ببالها ان ممكن اياد ممكن متابعه ! بس اياد ما يستخدم التويتر الا للكوره و هذي الحوسه .. فتحت حساب اياد و لقته متابع ٥٠٠ شخص - احاا !! بقعد اقرأ كل هذا !!!
و تنهدت و هيا تناظر الساعه الي طارت بسرعته و هيا لسا ما حضرت للاختبار ..
بعد عناء بحث دام فتره اخيرا لقت الحساب و صار يدها ترجف ! قرأت الاسم " عز " و قلبها صار يرجف اكثر من قبل ! عشان كذا ما طلع لها اسمه بالبدايه لانها كانت باحثه غلط ! .. و بحذر مسكت الجوال و صارت تتصفح حسابه .. كان يسوي ريتويت للاشياء اكثر من انه يكتب .. و يعلق على اصحابه غالبا كمان !!!
YOU ARE READING
شفت الحياه في عيونك
Romanceيتقن موت الملامح و جمود القلب .. حتى جاءت على حين غره ، بعثرت جموده وحتى حياته
الجزء السادس و الاربعون (٤٦)
Start from the beginning