Colors of Passion 3: Taint Me

Chapter 6

Matapos magkulong buong maghapon sa hotel room ay lumabas si Lavender nang alas-sais y media ng gabi para mag-dinner sa isang restaurant sa baba. She'd been reviewing some of the cases she handled after she woke up at 3. She skipped breakfast and lunch kaya nakaramdam siya ng gutom nang ganito kaaga. Usually ay 7:30 or 8 ang dinner niya.

She just ordered grilled lamb cutlets and whole mango pulp cake for dessert. Nang maubos niya ang main course ay excited niyang sinimulang kainin ang dessert. Napapangiti siya habang kinakain iyon. Mango cake was heaven talaga. Any kind of mango cake can always brighten up her day. Dadalhin niya sa kwarto niya ang matitira at doon kakainin.

"Lavender?"

Nag-angat si Lavender ng tingin nang may tumawag sa kanya. Bahagyang tumaas ang kilay niya—that's her impolite way to ask someone's name—particularly men. Kaya yata natatakot sa kanya ang mga lalaki dahil ganito siya.

Sinulyapan nito ang bakanteng silya sa harapan niya at hindi na nagpaimbita pa at naupo na ito.

"Who are you?"

"Nakalimutan mo na agad? It's Callum... ahm... Benedict's friend."

Agad na umikot ang mga mata ni Lavender. Hindi niya mapigil.

"Oh, sorry! I know this is not the right time to mention his name. And I'm... ahm very sorry for what happened. I know you are upset—"

"Do I look upset?" Muli ang pag-arko ng kanyang mga kilay. Karamihan talaga sa tao hindi marunong magbasa ng emosyon ng tao. Kakairita.

Itinikom nito ang bibig na parang nananantiya ng sasabihin. Finally, naramdaman siguro ang iritasyon niya.

"You were at the church?" she asked, gazing back at him.

"Yeah."

"So, what happened?" Bigla ay naging interesado siyang kausap ito. Gusto niyang malaman ang nangyari.

"The scene was a little bit intense. Nagkagulo nang hindi ka dumating. Biglang umalis ang mga Razon. Nalaman na lang namin kay Benedict kanina na may sex tape pala sila ni Mikaela. That idiot!" Umiling ito pero bahagyang nakataas ang sulok ng labi. "He didn't know what he lost. He lost a rare gem."

Hindi umimik si Lavender. Nanatili siyang nakatitig sa lalaki.

Rare gem? Who? Siya o ang benefits na maaaring makuha ni Benedict sa pamilya niya kapag nakasal sila?

"And, oh! Did you visit your grandfather already?"

Nabitawan ni Lavender ang hawak na tinidor at bigla ay kumabog ang kanyang dibdib. "W-why do you ask?"

"Dinala ang lolo mo sa ospital. I just saw him at Makati Med."

"What!?" bulalas ni Lavender. Wala namang sakit sa puso ang lolo niya, but he's old, he's in his mid-90s already.

Walang paalam na iniwan ni Lavender si Callum at tinakbo ang elevator. Nang marating ang palapag kung saan naroon ang hotel room niya ay patakbo siyang lumabas ng elevator at tinungo ang silid. Kinuha niya ang mga gamit saka muling nagmadaling bumalik sa kinaroroonan ng elevator.

Habang nasa elevator ay tinawagan niya si Soft. Si Lilac sana kaso alam niyang magtatanong lang ito nang magtatanong. Pero ganoon din naman si Soft. Hindi agad niya nakuha ang sagot na gusto dahil sa daming tanong nito. Na-guilty naman siya bigla. Masyado niya palang pinag-alala ang mga kaibigan niya. Ano pa ang pamilya niya?

"How's Lolo, Soft? May balita ka?"

"He's okay. He's out of danger. Stress at pagod lang."

"Okay. I'll go there now."