رواية_ألم
الحلقة 20
_ متين وكيف إتكلمتي ؟
ردت سماح ببسمة
_ قبل المرة كنت بتمتم محاولة أنادي أبوش فجأه طلعت نبره من صوتي ،أنا إتهجمت وحسيت نفسي بتوهم ، بعد التدريب قدرت إتكلم ونويت أعملها مفاجئه وما خليت زول يعرف
نرجس اتكلمت بفرحة
_ أنحنا كنا مندمجين مع البرنامج لمن سمعنا اسم سماح قبلنا لقيناها بتتكلم ،صدقونا إتسمرنا في مكانا وفاتحين خشمنا بنعاين ليها وهي بتتكلم.
صفا : أنا قايله نفسي بتوهم.
سماح : هههه والله الصريخ الصرخو فيني أشك الجيران سمعوه .
إسلام : أول من سمعت الصوت عرفت إنو دا صوت سماح ،وجيت هنا بسرعه .
وداد : كدا أنحنا ماشين كويس ،ولو إجتهدتي معانا بتمشي أسرع مما إتخيلنا .
عماد : أنا لمن ضربت لي نرجس وورتني ،ما صدقتها عديل الا لمن أدتني إتكلمت معاها .
.
صفا : الحمد لله للان ما مصدقه
عمر : وأنا آخر من يعلم يعني؟
سماح : دي فكرة أبوش ، هههه قال ما نوريك الا تجي تتفاجئ براك
عمر : أممم كويس يا أبوش
أبوش : هههه
عمر : وبمناسبه الفرحه دي الليله لازم نطلع نتفسح وما داير ولا عذر من زول
نرجس : أنت موافقه جدا
صفا : وأنا كمان
سماح : يا ريت .
ابوش وهو بينطط : ييييي حنتفسح ..حنتفسح
جهزوا نفسهم للطلعه ، وجهزو معاها كيك وشاي لبن وغيرها للطلعه
وداد وإسلام ركبو في عربيه واحده ، أما عمر ونرجس وأبوش في عربية واحده
عماد مع سماح في عربيه معاهم صفا
دخلوا المتنزه ومعاهم الحاجات ،
عماد نزل سماح من العربيه في الكرسي المتحرك ...
وداد : يا أولاد تعالوا افرشوا الفرشه هنا...
عماد : أنا بنزل الحاجات ، عمر إنت رتب مع صفا ، نرجس نظمي الحاجات ، يلا سرعه
عمر : هو قايل نفسو في مطعمو ولا شنو شغال فينا أوامر كدا...
عماد : علي فكره سمعتك ،أمشي يلا
اسلام : ههههه ،أنا ودكتوره وداد حناكل بس
ابوش : طيب وأنا وسماح حنعمل شنو
عماد : إنتوا عندكم أكبر مهمه ،تراقبو عمر لانو ما حيشتغل
سماح : ههه مهمه صعبه
YOU ARE READING
روايه ألم
Romance🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن
