#رواية_ألم
الحلقة 7
صفا وهي بتعاين بالشباك لمحت ليها مرة ، إتكلمت مع السواق
_لو سمحت أقيف للمره ديك .
السواق وهو بيأشر
_الابسه عبايه ديك ؟
_ أي هي
بعد ما وقف السواق نادتها صفا
_يا خاله، يا خاله ، تعالي أركبي أنحنا واصلين البيت هناك
الخاله ابتسمت لصفا وجات ركبت العربيه معاهم مبسوطه
_ صباح الخير ، أخبارك شنو وصحتك؟
_ بخيير الحمد لله وإنتِ كيف؟
_ بخير الحمد لله ، دي صحبتي نرجس
ونرجس ! دي البتشتغل في بيت أستاذ إسلام
نرجس بابتسام
_أهلا بيك يا خالة
الخاله بادلتها الابتسام
_أهلا بيك
بعدو عاينت لصفا ببسمة واتكلمت
_إنتِ عارفه يا صفا لو ما لقيتك هسي ، كان حإتأخر وست إنصاف حترفدني .
نرجس : هي المره دي مالا كدا ؟
الخالة : أنحنا هينين ، المشكله في سماح ، لو ما إستحملناها نقدر نبعد ، لكن المسكينه سماح تعمل شنو لا تقدر تبعد ولا تقدر تشكي ؟
صفا: ما تخافي يا خاله ، سماح كلها كم يوم وترجع طبيعيه إن شاء الله .
الخاله : ما دي المشكله ! كنت مضطمنه عليها ، لاني كنت زمان بديها أدويتها بنفسي ، وبديها أكلها برضو ،
بس حاليا ما عارفه حالتها بتتدهور وتسوء وبقت هزيله
بصراحه كدا خايفة إنصاف ما بتديها أدويتها بإنتظام .
صفا بخوف
_معقول ؟! ما أظن يا الخاله ، إنتِ إتأكدتي من كلامك دا .
نرجس : أيوا يمكن حالتها دي من مرضها ، وإنتِ ممكن تتأكدي إنها بتديها أدويتها ولا لا؟
صفا : ايواا ممكن تشوفي أدويتها ناقصه ولا لا .
الخاله بحزن : ما هنا المشكله خزانه الادوية زاتها غيرتها
والمقلقني أكتر وأكتر لمن بكون بنضّف غرفتها بتكون إنصاف واقفة في راسي وما بتديني فرصه حتى أعاين ليها .
ومرات كتيره بلقاها نايمه ،حتى نومها دا ما مضطمنه ليه .
نرجس : يعني قصدك بتديها منوم مثلا ؟!
الخاله : والله دا الخايفه منو ، لإنو ما معقول بضرب وبنضف بأعلى صوت عشان أخليها تصحى إتكلم معاها بس ما بتصحى
صفا بتوتر : أنا بعد دا خفت ، إنصاف دي مره ما مضمونه
الخاله: أنا مستحمله إهانتا لشنو ؟!
ما عشان إنعدم الشغل من البلد ، عشان بس أبقى جنب سماح ما أكتر وأقيف جنبها
DU LIEST GERADE
روايه ألم
Romantik🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن
