رواية ألم
الحلقة 9
وداد إتكلمت مع سماح
_أنا عارفة إنتِ هسي مستغربه وما مستوعبه الحاصل ، بس عايزاكِ تحاولي تنسي الماضي مهما كان وتبدي معانا صفحة جديدة
بس قبل دا دايره أسألك سؤال ، هل صحي مرة خالك بتعاملك بطريقه كعبه؟
سماح هزت راسها بالايجاب ، وقتها هزت وداد راسها برضو بحزن بتقول
_ الله سخرنا ليك لمساعدتك ، صعب وشديد كمان إنك تنسي الماضي بس كمان في قادر عظيم وهو الله .
أبوش جّرا توب وداد ينادي
_ تونه ، تونه
(أبوش بيقول لحبوبتو تونه ،اسم ختاه ليها عشان بتحب أكل التونه )
_ هي مالها ما قعد تتكلم ؟ لمن أسألها ما قعد ترد لي!
_إنت عارف تتكلم متين؟
_متين؟
_ لمن تبقى صاحبها وتتكلم معاها كتير وتحبها .
أبوش قعد ينطط بفرحة
_ ييييي بقى عندي أصحاب كتار .
وداد بحذر
_ اشششش ، براحه ، يلا عشان نمشي
سماح لأول مرة تحس إنو الحياة تضحك ليها ، فرحتها كبرت كتير ، وعرفت إنو الله قادر وعظيم ،جاها الفرج من حيث لا تحتسب .
بجاي عمر خاتي كوع يدينو الاتنين علي فخدو وشابك أصابع يدو و بيحمر لإنصاف وما رفع عينو منها
بعد زهجت من نظراتو المستمره كشرت وشها وقالت ليه
_ مالك بتحمر لي كدا ؟
عمر ساكت ولا رفع عينو منها وحِده نظراتو خّوفت إنصاف
قامت عشان تشوف ناس وداد بيعملو شنو ، عمر وقفها بسرعه
_لحظه! ، هسي بيجو، خلينا ندردش مع بعض
_ أنا ما قعد أدردش
_ كان عندي صحبي مات .
_ الله يرحمو .
_وما دايره تسأليني مات كيف ؟
ردت بإنفعال
_ما قلنا الله يرحمو ، مالك ؟
عمر بنفس هدوءو وحميرتو لانصاف
_ كان بيعذب أختو معزوره
بأي شئ بالنار ، بالمويه ومره ما يديها أكل وكدا ، شفتي قلبو أسود كيف؟وشدد علي الكلمه أسود
إتوترت فسألت بتمتمة
_ ووو هو مات كيف يعني؟؟
عمر بابتسامه بارده
_ اتعذب بمرض ما ليه علاج لحدي ما مات ، ولسا الجايه إكتر عند ربو الضاقو شويه بالنسبه ليوم الحساب .
YOU ARE READING
روايه ألم
Romance🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن