مرحبا!
فيلمنا لليوم هو فيلم عربي! ورغم اني بفضل الافلام الاجنبية اكتر بس احياناً حلو التغيير.
فيلم اليوم اسمو كفرناحوم
اعلان الفيلم موجود فوق وفي اعلان تاني ممكن تشوفوه على اليوتيوب.
الفيلم بيحكي عن طفل عايش بحي فقير بأحد احياء لبنان بين اهلو واخواتو الصغار، بتصير معو ظروف صعبة بتخليه يهرب ويبلش حياتو الخاصة.بصراحة حاولت اختصر الشرح كتير لحتى ما احرق الأحداث لما تحضرو الفيلم.
الفيلم غير عائلي بتاتاً بسبب الالفاظ النابية والفكرة المؤثرة يلي فيه.
هاد الفيلم حاليا من افضل الافلام العربية يلي حضرتها بكل حياتي لحد الان! حرفيا مؤثر جدا الى ابعد الحدود لدرجة اني بكيت.اداء البطل خرااافي بخليكي عنجد تصدقيه وتفكري انو مستحيل يكون هاد عم يمثل!
تم انتاج الفيلم عام 2018، وتم تصنيفو كفيلم دراما.
بطولة الممثل السوري زين الرافعي كان عم يعمل دورو باللهجة اللبنانية واداها بإتقان مبهر
الصورة هي صورة غلاف الفيلم
التقييم الحاصل عليه الفيلم هو 8,4 من عشرة
و انا اوافق وبشدة وبعطيه اكتر كمانلهون منكون خلصنا
هلا شاهدت/ي الفيلم؟
و شو رأيكم فيه؟
YOU ARE READING
Watch a Movie
Randomشفت من قبل فيلم وندمت انك شفتو؟ وانا كمان. لهيك هالكتاب عشان احكيلكن عن اجمل الافلام يلي شفتا. ❤️