#اقتباس_ناري
ولج للداخل بها ويديه تغلق فمها بأحكام بعد أن كادت بأن تصيح بأسم والدها ، أنتبهوا لوجوده فأقترب منه "رائد" بصدمة :_الله يخربيتك أنت بتحاول تقتلها وجاي تلبسنا بلوة ؟ ..
تطلع له بغضب ومن ثم لها ليسحب يديه سريعاً حينما وجد وجهها شاحب من شدة كبته لأنفاسها فصاح بغضب :_مش أحسن ما روحي أنا الا كانت هتطلع مهي الهانم كانت هتنادي على بابا عشان يشوفها وهى سكرانه كدا ويولع فيا وفي القصر ..
"ياسين" بصدمة :_أيه ؟
"عمر" بحذم :_أنت بتقول أيه يا حيوان ؟ .
تعالت ضحكاتها بجنون فصاحت بصوت مرتفع :_هو فييين أبني يا أحمد ؟
صعق الجميع فوضع "جاسم " يديه على فمها مجدداً قائلا بحذم :_أخرسي لو حد من أعمامك سمعك هتروحي زيارة سريعة للمقابر وأبقي قابليني لو أحمد عرف يخرجك منها ..
جذبه "عمر" بغضب :_هتفهمني في أيه ولا أنادي أنا لبابا واللي يحصل يحصل ..
"ياسين" :_ما تتكلم يا زفت ..
زفر بغضب :_الحيوان اللي أسمه "حازم" جايبلها عصير فيه نسبة عاليه من الكحول وزي مأنتوا شايفين حالتها كدا وشوية كمان وهنلاقي الدنيا أتقلبت علينا هنا وأبقوا شوفوا هتلموا الموضوع أزاي واااااااه ...
صاح بها بألم ليجذب يديه سريعاً حينما قضمتها "أسيل" ...
تأمل يديه بغضب :_يا بنت المجنونه .
زفر "عمر" بتفكير :_طب ودي هنفوقها أزاي دي ؟ .
تدخل "معتز" قائلاٍ بغرور وهو يتأمل ضحكاتها الزائدة عن الحد :_حلها عندي ..
تابعه الجميع بنظرات أهتمام فأذا به يقترب من المزهرية فألقي الورود وجذبها ليلقي بالمياه بوجه "أسيل" التى تحلت بالصمت لثواني ومن ثم تعالت بالضحك مجدداً ..
وضع "معتز" المزهرية على الطاولة ثم وقف جوار "جاسم" قائلاٍ بهدوء :_دي تاخدها وتطلع على أي كوبري وتحدفها فى الميه لمدة 3 أو 4 ساعات وهتبقى زي الفل متقلقش ..
"رائد" بغضب :_دا وقته أنت وهو ...أحمد فييين ؟ ..
تطلع له "عمر" بسخرية :_دا سؤال ؟! ..
بغرفة "حازم" ...
كان مستلقي على الفراش ويتحدث بالهاتف بضيق :_يا بنتي أفهمي أنا خلاص مش قادر أعيش من غيرك الله أفهمك أزاي أنا حاسس بالوحدة صدقيني ممكن أعمل فى نفسي حاجه أو أنتحر عشان أثبتلك حبي بجد تعبت ...
:_وعلي أيه يا حبيبي أنا هريحك أوي هخليك ترتاح راحة مش هتشفها فى حياتك قبل كدا لو فضل عندك حياة ...
صاح بها "أحمد" بعد أن حطم باب الغرفة ليقف أمامه كالديناصور الذي يقتص من فريسته ويظل هناك سؤال يجوب بخاطر "حازم" ما الذي فعله هذه المرة ؟!
_________......______******
لقائنا اليوم الساعه السادسة مساءاً أن شاء الله 💖
