خلينا نعترف بنقطة مهمة،رحمة في زيها بنات كتير أوي،البنت اللي اتربت على الطاعة لحد ما الضعف بقى مسيطر على شخصيتها، مين قال ان ضعفها شيء ايجابي!
بالعكس من اهم نقاط واساسيات الجزء الخامس معالجة مشكلتها زي ما في كسور كتيرة قصرنا فيها بالجزء الرابع جينا بالخامس نوضحها زي علاقة مليكة بياسين اللي البعض انتقادها،فحبيت اني اوريكم اد ايه علاقتهم قوية يمكن مكنتش بسلط الضوء سابقا على علاقتهم ولكن كان سياق الاحداث بيندرج لعلاقة عدي بياسين اكتر، فيا جماعة احنا مش جابينلكم اشخاص الرواية كلهم من الخيال.. في شخصيات واقعية واهمها عدي ورحمة..
الشخص العصبي المندفع اللي بيدفع نتيجة تهوره بتبقى الزوجة.. وحتى لو شخصيتها قويى صدقوني اللي زي عدي مش بس هيلغيها لا هيطفيها.. وهنا دور ياسين الجارحي وهتفهموا كل حاجه مع الاحداث وكمان متنسوش حياة رحمة من قبل ما تشوف عدي كانت عامله ازاي والضرب والاهانة اللي شافتهم في بيت عمها فبالطبع شخصيتها ضعيفة وبتخاف من اقل حاجة
فرجاء للمرة العاشرة متحكموش على رواية ليا الا لما تلاقوني كتبلكم تمت بحمد الله... حاليا نزل من الرواية 3فصول كلهم فوق ال6000كلمة يعني بينزل فصل طويل ومليان احداث وكل ده نقطة في بحر في اللي جاي.. كان ممكن انزلكم فكرة الجزء اللي قررت اعملها من 2021 بس انا رفضت وحبيت اضيف لمسات ومعالجات لاخطاء ونواقص بالاجزاء السابقة لاني عارفة اد ايه السلسلة دي غالية عندكم.. فارجوكم ادوني طاقة صبر وعيشوا مع الاحداث.. بالبداية هنحل شوية مشاكل ونقوي علاقات شبه متوترة زي ياسين وابنه وحفيده وهنختمها بالاخر بعشر فصول فيهم المرح ولم الشمل وكل الخطط اللي كانت في الاصل للجزء يعني الفصول الاولى باحداثها دول الافكار الجديدة... بحبكم في الله ❤
