زين العابدين (باللهجة العراقية)

الفصل السابع عشر

💝💝💝💝💝💝💝💝

عندما تقرّرينَ
أن تذْهبي مع رجُلٍ آخرْ
لا تنسَيْ أن تأخذي معكِ
.مِعْطفَ المَطَرْ
...فالجوُّ مُتَثَلِّبْ
..والرياحُ باردَه
وأخشى، أن ينسى صديقُكِ الجديدْ
.. أن يضَعَكِ في جيب معطفِهِ
.....كما كنتُ أَفْعَلْ

*نزار قباني

💝💝💝💝💝💝💝

##########################

الساعة 7:00
صباحا

چانت جنان تروح وتجي بالغرفة وهيه تردد
/ اگوله لو لا
أگوله لو لا
أگوله لو لا

: گوليله جنان..

ناظرت جنان طيف علي اللي گاعد على الشرفة و گالت بحيرة : بس گلبي يوجعني ومتوترة ...

علي : بالنهاية راح تگوليله

جنان : بس..

علي : و مراح تخسرين شي

جنان : اي والله صدگ بالنهاية مراح اخسر شي. بس اذا مگتله راح اخسر..

علي : بالضبط

گعدت جنان و گالت : بس شلون اگله؟

علي : وجها لوجه

جنان : لا لا مستحيل صعبة

علي : لعد شلون؟

اخذت جنان تليفونهه : هسه تشوف

فتحت المحادثة وشافته نشط

/ يله جنان تشجعي... أما الان أما ف لا.. يا الله

كتبت جنان
أح ب ك ❤
"أرسال"
و غلقت المحادثة و التلفون وضمت وجهه بكفوفهه

تلاشه طيف علي المبتسم : خبلة ، متعقلين ابد...

/ ليش الجو حار يربي اوووف اووف...

اما بالجهة الثانيه كان ليان يغمض ويفتح ممصدگ نفسه
احبك... ماصدگ جنان كاتبتلي احبك

كتب بسرعة
: جنان انتي ما تشاقين مو
: جنان هاي صدگ

سمعت جنان صوت وصول رسالة فدگ گلبهه

وصلت وراهه كم رسالة بس

قررت جنان تجاهل الرسائل على الاقل بالوقت الحالي من شدة التوتر
و گامت تجهز نفسهه للكلية...