زين العابدين (باللهجة العراقية)

الفصل الاول

الو ...السلام عليكم

....: وعليكم السلام ورحمة الله وبركاته منو حظرتكم

....: اني فرح اتصلت بيج لان كالولي إنج خبيرة تجميل ومكياج زينه كلش اسمج سارة مو صح ...

سارة : اي اني سارة بشنو اكدر اساعدج

فرح : اني اكون صديقة كاميليا جاستن الممثلة الأميركية المشهورة ..
سارة واختها جنان شهقن : شنوووووووووو !!!

فرح بإبتسامه: اي نعم اتصلت بيج حتى اكون صفقة وياج انج تصيرين خبيرتهه للمكياج مقابل سعر عالي جدا وهو 9000 دولار بالشهر ....

جنان تأشر لسارة انها تقبل العرض وتمسكها من ايدها وهي بقمة التفاجأ ...

سارة تفاجأت من المبلغ هذه المبلغ شهر واحد يخليني اعيش ملكه واعيش امي واختي اللي ذاقوا الفقر والمهانة والقرف بهذه البيت...

فرح : الوووو...الوو مدام سارة انتي وياي

سارة صحت من شرودهه : اي نعم وياج

فرح : لازم نلتقي علمود نتناقش بالتفاصيل واتمنى توافقين واذا كان المبلغ صغير فلا تخافين من هاي الناحيه ...

سارة تضحك على جنان اختها اللي خاله اذنها يمها : إن شاء الله نلتقي بكوفي جنة المختار اذا تندليه ونتفاهم اليوم بالليل الساعة 7:00 واني افكر بالعرض وارد لج خبر ...

فرح : اوكي ...اتفقنه

نهت المكالمه وتنهدت بألم

جنان : سارة راح توافقين مو ...

سارة : تدرين .. ما اعرف اذا وافقت شلون لازم اروح لأمريكا ويمكن كوريا وانتوا شلون انتي و امي وحدكم مستحيل اعوفكم وثاني شي اني البس بوشيه واغطي وجهي شلون راح اعيش بدولة غير إسلامية صعبة جدا....

جنان بحزن : لا سارة لا تفكرين بهذي الطريقة اني و امي نتدبر علما ترجعين وسمعتي المبلغ 9000 دولار شهر واحد كافي ان نعالج امنه المريضه ...

سمعوا صوت امهم تنادي بصوت ضعيف : سارة ...جنان وينكم حبيباتي ...
ركضوا جنان وسارة لغرفة امهم ...دخلوا وهي متمدده على الفراش بتعب وابتسامه حنينه ظاهره على محياها
سارة بلهفة تمسك ايدها : ها يما ها كولي محتاجه شي بشنو تحسين ...

جنان : يما أجيب لج شي تاكليه ...

ام سارة كامت ومتمسكه بسارة من جهة و جنان من جهة
الثانية : سلامتكم ماريد شيء بالدنيا إلا تكونون بخير و تبقون يمي قبل ما اموت لان احس نهايتي قربت ...

سارة ناظرت اختها بحزن وهي تفكر مستحيل اعوفهم واروح حتى لو كان المبلغ كبير بس شلون راح ادبر علاج امي وكلية اختي ..

جنان كانت حابسة الدمعه : يما شنو هالكلام

ام سارة : هاي واقع الحياة يا بنتي كلنا نروح مثل ما مات ابوكم واخوكم علي بحادث اني اموت بمرضي ...