زين العابدين (باللهجة العراقية)

الفصل الثالث

💔💔💔💔💔💔💔

سأظل أذكر تلك الأشياء التي لم نبصرها ..

والطرقات التي لم نسلكها ..

والأبواب التي لم ندخلها ..

والشرفات التي لم نفتحها ..

والحدائق التي لم نزرعها ..

والألحان التي لم نسمعها ..

والأشواق التي لم نروها ..

وقلبي الذي ضاع مني عندما أخذته معك

💔💔💔💔💔💔💔💔💔💔💔💔

كانت جنان تستلقي على يد والدتها اللي كانت تمسح على شعرها بحنان ...صحت من نومها فإبتسمت الام و قالت : حبيبتي جنونه وين اختج نايمه لو كاعده ...

توترت جنان فأردفت : اختي ...ءاا ...قطع كلامهه صوت الجرس....

ام سارة: منو يجينه بهالوقت

وقفت جنان لتفتح الباب : هسه نشوف

فتحت الباب ونظرت لسارة المبتسمة : امي سمعت الباب
سارة : صار كل شي واضح لازم نكلهه

دخلتا الاثنتان في ظل تفاجأ والدتهما من سارة التي ترتدي العباءة
: وين كنتي يا بنتي بهاللليل ...

سارة : يما لكيت شغل و بهذه الشغل بالشهر الواحد 9000 دولار

شهقت الام وبفرح : يا الله و شنو هذه الشغل وليش المبلغ عالي ...

قررت سارة ان لا تذكر جانب الاتفاق الذي يخص زين
: مو اني خبيرة تجميل ف اكو ممثله مشهورة تريدني هي بأمريكا تعاقدت وياهه قبل شوية .

ام سارة: بنتي وين نروح هناك بلد الفسوق وين نكعد حتى بيت ما عندنه

سارة: لا يما ، لا تخافين بالعرض ما لتهم النه بيت ايجار بأمريكا شنو رأيج يما ...

ام سارة: على اساس عدنا خيار ثاني وهذه شغل بالحلال فليش لا الله يوفقج بس شوكت راح يبدي شغلج ...

سارة تتكلم ببطء : الساعة ب 12

ام سارة : بهاي السرعه شوكت لحكوا يحجزون وغير هاي الامور شلون حظروا البيت .

سارة ستوهه لاحظت هذه الشي / صدك هاي شوكت لحكوا السالفة بيهه ان ربي يستر .
: اي يما مو احنه متفقين

هسه لازم نروح اني وجنان نحضر نفسنه والجنط يما بالاذن

ام سارة: لو بيدي كان ...

سارة تقاطعها : يما حتى لو بيج حيل ومو مريضة ما راح اخليج ساعدينه هيه كم جنطه ...يله تعالي جنان

أخرجت كل من سارة و جنان الاغراض و الحقائب في الحديقة لكي لا يتأخروا عند مجيء فرح