زين العابدين (باللهجة العراقية)

الفصل الخامس عشر

🙌❤🙌❤🙌❤🙌

أأقولُ أحبكِ يا قمري
آهٍ لو كان بإمكاني
فأنا إنسانٌ مفقودٌ
لا أعرفُ في الأرضِ مكاني
ضيّعني دربي.. ضيّعَني
إسمي.. ضيَّعَني عنواني
تاريخي ما ليَ تاريخٌ
إني نسيانُ النسيانِ
إني مرساةٌ لا ترسو
جرحٌ بملامحِ إنسانِ
ماذا أعطيكِ أجيبيني
قلقي إلحادي غثياني
ماذا أعطيكِ سوى قدرٍ
يرقصُ في كفِّ الشيطانِ
أنا ألفُ أحبّكِ.. فابتعدي
عنّي.. عن ناري ودُخاني
فأنا لا أملكُ في الدنيا
إلا عينيكِ... وأحزاني

*نزار قباني

🙌❤🙌❤🙌❤🙌❤🙌

##################################

خلصت جنان المحاضرات وراحت تفتح اللوكر حته تاخذ كتبهه
من گالت صديقتهه جورية : شفتي ليان شبيه شكله مو تمام
جنان: شبيه

جورية : چان كلش عصبي اليوم وماحضر ولا محاضرة

رفعت جنان حاجبهه / اني لاحظت اختفائه من المحاضرات... ياترى صاير شي وياه..

: ♡♡♡♡♡♡♡♡♡♡♡♡♡♡♡♡♡♡♡

تفاجأت جنان من الموجود داخل اللوكر.. التفتت يمين ويسار و ابتسمت وهيه ترفع الوردة و الرسالة

فتحت جورية عيونهه بتفاجأ وگالت: هاي من منووو!

جنان: مادري لگيتهه باللوكر
/أكيد منه.. ياگلبي عليه...

جورية: زين فتحي خلي نشوف من منو..

بعدت جنان الرسالة و گالت : لا لا خلي افتحهه بالبيت..
وبعدين اگلچ من منو..

باوعت جورية بشك: تمام ولو شكلچ ممطمني

ابتسمت جنان وهي تمشي : شنو عنوان البحث مال الجيولوجيا..

رفعت جورية حاجبهه و گالت: حلوة التصريفة..

#########

وگف زين العابدين گدام المراية وهو يحرك وجهه يمين ويسار غمز لنفسه وگال
: يومه فديت الجمال 💖 ...
بعثر شعره الاشقر الطويل.. التفتت على السرير ورفع البدلة اللي راح يلبسهه بالحفلة و كانت السترة باللون الاحمر الغامق و البنطلون باللون الاسود ..

رتبهه على السرير ورفع عينه فشاف طفلة صغيرة واگفة يم الباب.. استغرب من وجود الطفلة الفقيرة اللي شافهه الصبح ويه سارة..

راح و وگف يمهه وگال: شنو تسوي الحلوه هناا بغرفة الأمير وبدون أذن..

ابتسمت الطفلة وهي تحضن رجله: انته حلو و تشبه ديفد

جمد زين من حركتها المفاجأه و گال: ديفيد؟؟؟

بعدت الطفلة وگالت: ديفد اخي كانت عيونه زرقة و شعره ذهبي مثلي و مثلك..