زين العابدين (باللهجة العراقية)

الفصل الرابع عشر

💕💕💕💕💕💕

واعرف ان الطريق الى المستحيل طويل
واعرف انك ست النساء
وليس لدي بديل
واعرف أن زمان الحبيب انتهى
ومات الكلام الجميل

💕💕💕💕

أحبك
أحبك جدا ..وجدا وجدا وأرفض من نار حبك أن أستقيلا
..وهل يستطيع المتيم بالحب أن يستقيلا
وما همني..ان خرجت من الحب حيا
وما همني ان خرجت قتيلا

💕💕💕

*نزار قباني

##############################

7:00am الساعة

الاستوديو....

چان محمد وانجلي ينتظرون حضور زين حته يبدون بالشغل... لاحظ محمد نظرات انجلي فگال
: نعم ، رايده شي

ابتسمت انجلي وگالت: لا ولا شي بس احس نفسي شايفتك قبل..

ضحك محمد و تقرب يمهه : طبعا شايفتني اني ممثل عالمي..

وكفت انجلي وگالت : عالمي!!

محمد : اي بالظبط شرقي + غربي = عالمي..

انجلي: اهاا

محمد: انتي يا مرحلة سمعت بعدچ تدرسين..

انجلي : مرحلة اخيرة راح اتخرج..

باوعلهه محمد بشك : بس غريب تشتغلين بالوظيفة قبل متكملين دراسة .. اقصد قبل التخرج..

ضحكت انجلي و گالت : اي صحيح كلامك لكن اني عندي واسطة ،

محمد: واسطة!!

انجلي: اي، المخرج يكون خالي..

ضحك محمد وگال : هسه افتهمت ، بس وين العدل بالموضوع.. اتمنى يكون شغلج زين..

رفعت انجلي حاجبهه وگالت : هسه تشوف..

محمد: نشوف ليش لا..

##########

وگفت سارة گدام القصر وهي تشوف طفلة واضح عليهه الفقر و ملابسه خفيفة و وسخة تطلب من احد رجال الحماية ينطيهه فلوس
وهي تتوسل بكلمة please
دفعهه الرجال بطريقة قاسية وگال...

Get out of here
ارحلِ من هنا

لكن الطفلة ماتحركت من مكانهه إنش واحد!
ركضت سارة وحضنتهه وهي تمسح على شعرهه وتباوع للرجل بنظرات حاقدة بعدما حست انه راح يضربهه ..

: مو من حقك تعامل طفلة بهاي الطريقة واذا ماتريد تساعدهه ليش تأذيهه جسديا

الرجل : اسف، لكنها تأتي كل يوم وتزعجنا

: مهما كان مايحق تعامل انسان بهاي الصورة المهينه انته منو حته تعاملهه هيج...

باوعت سارة للطفلة الي جانت اقرب لملاك بشعرهه الذهبي وعيونهه الزرق وبشرتهه البيضة.. مسحت دموعهه وگالت : لتبچين حبيبتي، وين اهلچ... امج ابوج...