سلام عليكم ♥️
قراءه ممتعه ❤️
تسريع الاحداث تتكلم : علاقت ملاك و مؤيد يوم عن يوم يزيد الحب والاهتمام بيناتهم متفاهمين اهواي ماكو اي مشاكل بيناتهم و هيام صارو يعتبروهه مثل بنتهم وأكثر سعاد و عبد العزيز يصرون عليهم علمود الطفل بس ما يهتمون همه لان مؤيد ما يريد اله تكمل دراسه ملاك و من مؤيد يروح الدوامه يتواصل وياهه يوميه بعد فتره قصيره ملاك ترجع اداوم ويه دلال صار عمر هيام 4 أشهر
❤️❤️♥️❤️❤️
الصبح ☀️
اليوم كعدت مثل العاده لكيت هيام كاعده غيرتله ولبسته ملابس جديده كمت غسلت وجهي واخذته ونزلت لكيت همام و ساره جوه بالمطبخ كاعدين صبحت عليهم
همام : نطيني هيومه
ملاك : اي دير بالك عليه
همام : ههه من عيوني
ساره : والله اتحبيه
ملاك : اموت عليه
همام : من اترجعين للجامعه اشلون
ملاك : والله ما ادري شسوي يمكن اخذه وياي
ساره : لا تبقى اهنا عمتي واني اعتني بيهم
ملاك : ليش انتي ما اداومين هاي الفتره
ساره : لا اداوم بس اني دوامي يختلف عن دوامج الصبح اني اهتم بيهم من اترجعين انتي و دلال تهتمون بيهم
ملاك : ماشي
سويت ريوك الي واكلت وكملت بقيت اشتغل صعدت الغرفتي واني بس افكر ب مؤيد البارحه ما خابر خايفه اهواي عليه بقيت انظف الغرفه اشويه انفتح الباب باوعت شفت مؤيد مقابيلي بقيت جامده ما اعرف شسوي ابساع نزلن ادموعي ورحت ركضت عليه بقيت ابجي وشابكته
مؤيد : ليش تبجين اجيت اني
ملاك : ليش ما كلتلي هاا لو ليش البارحه ما خابرت صالك 10 أيام انته ما راجع للبيت والله جاي اتخوفني اعليك اهواي
مؤيد : لا تخافين بس جان عندي شغل وتاخرت شسوي
ملاك : لا تتركني حباب والله ما استحمل غيابك عني
مؤيد : لا تبجين وعد مني بعد ما اطول كل اسبوع انزل
ملاك : اشتاقيتلك فوك ما تصور
مؤيد : واني اكثر اشتاقيتلج
بقيت شابكته حيل وما اريده يروح مني وابجي
مؤيد : لا تبجين ما اكدر اشوف ادموعج كافي يله
ملاك : توعدني ما اتعوفني
مؤيد : اي وعدج ما اعوفج لو شنو يصير
بقه يمسح بدموعي وباسني بعيني
