سلام عليكم ❤️
قراءه ممتعه ♥️
مؤيد 😍
اتفاجات بكلام ملاك على الضابط يمكن شايله حقد جبير على الضباط كملنه عشه وطلعت يم جماعتي بقيت اسولف وياهم على نفس الموضوع كل واحد انطاني وجهت نظره بقينه انسولف حد ما ودعتهم ورجعت للبيت صعدت الغرفتي لكيته نايمه بالكاع ردت اشيله بس كعدت ماقبلت اتنام بالجربايه عفته ورحت على الجربايه بس ما كدرت انام لان افكر بكلامه اهواي واتكلب حد ماكالت
ملاك : هسه انته ليش تتكلب اهواي
مؤيد : هاا وياي
ملاك : لا ويه الجربايه
مؤيد : يمكن
ملاك : ممكن بعد ما تتكلب لان صوت الجربايه مزعج
مؤيد : ما اكدر لان ما جايني نوم
ملاك : شي اكيد اذا انته نمت العصريه وماكعدت غير على للعشه اشلون اتنام
مؤيد : اي صحيح
ملاك : عندي سوال الك وأريدك اجاوبني عليه
مؤيد : بدئ التحقيق
ملاك : اي
مؤيد : اي اسالي
كعدت على حيلي وكلتله
ملاك : شنو شغلك
جان نايم ومن كلتله هيج ابساع كعد
مؤيد : ليش تردين اتعرفين
ملاك : لازم اعرف حتى احفظ وقت دوامك واكعدك من الصبح
مؤيد : لا اني اكعد بحدي ما متعود شخص يكعدني
ملاك : دوامك يتعب موو
مؤيد : اي بس اتعودت عليه
ملاك : اي تكلي شنو دوامك والله فضولي صار يعد الالف
مؤيد : اذا اكلج شنو اسوين
ملاك : اهلهل شسوي مثلا عادي كلشي ما اسوي
مؤيد : خوش ضابط اداوم
ملاك : هههههه والله نكته حلوه شي اكيد جذب لان كلت قبل اشويه ما احب الضباط جاي اسوي هيج موو
مؤيد : لا مو نكته ضابط اداوم اني
ملاك : هاااااا ضابط انته
مؤيد : اي
ملاك : بيش الساعه تكعد اتروح للدوام
مؤيد : ب7 الصبح
ملاك : ماشي لعد تصبح على خير
مؤيد : اجمعين
رجعت راسي على المخده ماتفاجاه اهواي من عرفت ضابط بقيت افكر اهواي حد ما نمت
كعدت الصبح ب6 شلت الدوشك اخذت ملابس وطبيت سبحت وطلعت بقيت يم المرايه امشط شعري رتبته وخليت عطر رحت على مؤيد اكعده
