سلام عليكم ♥️
قراءه ممتعه ❤️
ملاك : اهووو شكلك ما تعرف اخبالاتي دمد ايدك وشوف شسوي اخليك تندم والله
مؤيد : شسوين
ملاك : اقل شئ اخابر عليك الشرطه وارفع عليك قضيه
مؤيد : قضيه مال شنو
ملاك : شنو ما تعرف الي يضرب بنيه ينحبس أو يتعاقب
مؤيد : ليش انتي اتعرفين هذا الشئ حلو زين انتي اتعرفين البنيه الي ماتسمع كلام زوجه شنو عقوبته
ملاك : لا لان ماكو هيج شي لان لازم يكون بين الأزواج تفاهم
مؤيد : حلو واذا تردين نتفاهم ملابسج اتلبسين اعرض مو ضيكات وشال على راسج
ملاك : ميخالف بس الشال اعذرني ما البسه لان ما احبه لاتحاول تجبرني على شي واني ما اريده لان يصير غير شي بعدين
مؤيد : ليش اتهددين بكلامج
ملاك : ما جاي اهدد اني يمكن انته هيج اشوف اهدد
مؤيد : عندج شي بالغرفه لو لا
ملاك : ليش
مؤيد : لان اريد انام ولا ازعجيني لان عندي دوام باجر
ملاك : مو ما عندي شغل وعمل ازعجك تي يا الله
وخرت منه واخذت ملابس طبيت للحمام غيرتهن ونزلت جوه ما شفت البنات بقيت يم الدرج كاعده
دلال : مرت اخي تعاي ويانه
ساره : اشبيج كاعده تعاي
ملاك : ويايه تحجن
دلال : هههه لا ويه الحايط الي بصفي
ملاك : ههه ما ادري يمكن اجاي اسون
ساره : جاي انفكر شنو انسوي العشه بعدنه ما مقررين
دلال : ما عندج اكله اسويه سريعه
ملاك : هاا تردين اكله سريعه مني وين الكالج
ساره : ليش ما اتعرفين اكلات سريعه
ملاك : لا لان اني ما اعرف الاكلات اهواي بس انتن شنو مختارات اكله
دلال : اني قررت انسوي بيزا انسوي وساره اتكول لحم بعجين وانتي
ملاك : سوهن ثنينهن لعد
ساره : ههه احسن حل
دلال : يله لعد كل وحده على شغله ساره انتي سوي العجينه اني اسوي الحشو ملاك انتي بس اتركزين عليهن لا يحتركن
ملاك : اي عادي
بقن البنات يشتغلا واني بس اباوع عليهن اشلون يسون أول مره اشوف وحده تعجن صحيح امي تعجن بس ما اكعد يمه ابقى ادرس أو يم المزعجين ركزت عليهن اهواي من يشتغلا
