سلام عليكم ♥️
قراءه ممتعه ❤️
الصبح ☀️
كعدت الصبح فتحت عيوني لكيت نفسي بالجربايه ابساع كمزت لكيت مؤيد يلعب بالتليفون ونايم بالجربايه
ملاك : صباح الخير
مؤيد : صباح النور
ملاك : اشلون نمت على الجربايه
مؤيد : البارحه نمتي على الكرويته وركبتج انكسرت وشلتج وخليتج بالجربايه
ملاك : هااا بيش الساعه هسه
مؤيد : ب7 ارجعي نامي محد يكعد هيج وكت
ملاك : لا عادي شبعانه نوم من اشوكت انته كاعد
مؤيد : شي ربع ساعه من كعدت
ملاك : لعد راح اخذ دوش وانزل اسوي ريوك
مؤيد : على راحتج
رحت للكنتور اخذت ملابس وطبيت سبحت وطلعت لكيت مؤيد على نفس الكعده رحت يم ميز مشطت ورتبت شعري وخليت عطر ونزلت اسوي ريوك بديت احظر بي واسوي جاي كملت و مؤيد ماكو صعدت فوك لكيته يرتب بروحه
ملاك : كملت الريوك
مؤيد : اي راح انزل هسه
ملاك : لعد راح انزل قبلك
مؤيد : اي
نزلت جوه صبيت الجاي وهوه نزل كعدنه اتريكنه ما حجينه شي كملنه ريوك غسلت الماعين مؤيد راح يم جماعته اني صعدت للغرفه رتبته ونزلت رتبت البيت وعزلته ونظفته كملت شغل البيت كله ونزلت ساره
ساره : صباح الخير
ملاك : صباح النور
ساره : ليش اتكعدين من وكت
ملاك : لان اشبع نوم واكعد ومتعوده اكعد الصبحيه عادي
ساره : بعدج على كعدت الدوام مو
ملاك : اي صحيح لان جنت اكعد من وكت
ساره : من تتعودين يبدي الدوام بعد ما تعرفين اشلون اتلحكين
ملاك : اي صدك مال مي البارد يله اكعد
ساره : ههه اتريكتي لو بعدج
ملاك : اي اتريكت صدك نسيت اسالج الدكتوره شنو كالتلج
ساره : صحت الطفل تمام وبعد اسبوعين اروح اله
ملاك : ليش ترحيله
ساره : حتى اعرف اجيب طبيعي أو عمليه
ملاك : هاا انشالله طبيعي لان العمليه بيه صعوبات اشويه
ساره : اي صحيح حتى اهلي هيج يكلولي يله اني لازم اروح اسوي ريوك
ملاك : اي واني راح اطلع بالحديقه اشويه
