سلام عليكم ❤️
قراءه ممتعه ♥️
الصبح ☀️
كعدت من وكت غسلت وجهي ورتبت الغرفه غيرت ملابسي وخليت عطر ونزلت محد كاعد رحت للحديقه كعدت بالمرجوعه على الشميسه احله شي من الشخص يشوف الشمس من تطلع بقيت كاعده واشويه انفتح الباب وكمزت باوعت لكيت مؤيد راجع بقيت صافنه اتقرب عليه وكلتله
ملاك : الله يساعدك
مؤيد : ويساعدج الله ليش كاعده من الصبح
ملاك : شبعانه نوم وكعدت عبالي تجي العصريه
مؤيد : لا اني اجي الصبح دائما خل انطب جوه
ملاك : اي متريك لو لا
مؤيد : لا ما متريك وانتي
ملاك : ولا اني راح اسوي ريوك شتحب تاكل
مؤيد : بيض وطماطه مثل الي سويتيه ذيج المره
ملاك : ماشي بين ما تروح تسبح و تبدل تلاكاني مكمله
مؤيد : اي راح اروح
صعد مؤيد واني بقيت اسوي بالريوك بين ما كملت نزل صبيت الجاي وكعدنه اكلنه وكال
مؤيد : اي وين رحتي هذاك اليوم
ملاك : رحنه للمول و للمطعم و تمشينه اشويه وجعنه
مؤيد : اشتريتي شي
ملاك : لا لان ما محتاجه شي
مؤيد : يعني ما اخذتي افلوس مو
ملاك : لا انته كلتلي اخذي اخذت وياي بس ما صرفت ورجعتهن لان ما اشتريت شي
مؤيد : الي رجعتيهن اخذيهن
ملاك : بس اني ما اريد عود اذا احتاجيت اخذ منك
مؤيد : اشكد اخذتي
ملاك : 10 الاف
مؤيد : والله اهواي جان اخذتي خمسه
ملاك : هااا لا المره الجايه اخذ ربع احسن
مؤيد : ههههه تحجين صدك انتي
ملاك : اي احجي صدك ليش
مؤيد : اني فكرت اقل شئ تاخذين وياج خمسين الف
ملاك : شسوي بيهن هيه عشره وما صرفته تريد الخمسين اصرفه
بقينه انسولف وناكل خلصنه هوه صعد ينام اني اخذت الماعين وغسلتهن بقيت كاعده اشويه ونزلت ساره
ساره : صباح الخير
ملاك : صباح النور
ساره : اشعندج كاعده
ملاك : شبعانه نوم وكعدت
ساره : اجه مؤيد لو بعد
ملاك : اي اتريك وصعد ينام
