لهفة عشك

البارت الأخير.

.....لهفة عشك.....

الكاتبة(zainab)عطر الورد

.....البارت ٢٢ والاخير.....
تصويت ...تفاعل...

طلعت من البيت اركض بس بلعباية حتى ما اعرف شلابسه دموعي ع خدي تجري شايلة بناتي شفت اخوية حسن بلباب شافني تفاجأ من حالتي ...
اجة عليه شال ملوكة ..
حسن..شبيج شمس هاي شصاير بيج شسولج...
بشار ضربج..
شمس..خلينه ندخل وبعدين نحجي ..
حسن..والله اروح لبيتهم اهجمة عليهم شايفة حالتج..

دخلنه لبيت امي شافتني لطمت ع صدرها ..
ام شمس..يمه هاي شبيج ..
رميت نفسي بحظنها واني ابجي ...
ام شمس..يمه اروحلج فدوة احجي شصار ..
شمس..يمة بعد ما اتحمل اعصابي تلفت ما اكدر
حتى بشار ما يسمع مني اني هناك انهانيت وانضربت
وكلشي صالي...

ام شمس..غير كلتلج من بداية لا تختارينه ما يفيدج
هل شوفي حالتج يوميه ضاربيج وترجعيلهم ...
هسه يجي ابوج ويشوف شيسوي ...

كعدت ابجي ع حظي وع زواجي من بدايته ما شفت الراحة مشيت ورا عاطفتي وما استخدمت عقلي ..
ملوكة تبجي واتريد بشار لان متعلقة بيه هي يمه
تبجي واصيح بابا..من حركة كلبي ضربتها ...
ام شمس..ولج يمه هاي ليش هيج شسويتي بلبنية
تخبلتي شوفي شسويتي بيها ...
كلبت الدنيا بعياط وامي تحجي عليه ومريم ع صوت اختها كامت تبجي ..وصلت لحالة اتهسترت
بيها ...

الله لا ينطي الجان السبب...
اجه أبويه شافني ...
ابو شمس..هاي شكو شصاير ..
كعدت امي حجتله...اجه ابوية كعد يمي ...
ابو شمس..بوية انتي يومية جايتنه لو مكتولة لو مسويلج شي عيالج ولا انتي مرتاحة ولا احنا اني وامج نام ونكعد نفكر بيج لان نعرف عيالج شنو ..
فيا بنتي القرار يمج اتريدين انتي تتطلكين عن بشار لو ترضين بهذا وضعج...

من سمعت تتطلكين حسيت كلبي انقبض واني نفسي
ما اعرف شريد شوي وسمعنه الباب اندك  فتحه اخوية دخل بشار وعمتي ...اني ع كعدتي بشار سلم أبويه ما رد السلام اجت عمتي يم أبويه...
ام بشار..خوية لا كبرون المشكلة هي بنتكم هم ماترد
السانها ويومية مشكلة بس احنا شنكول زغيرة وبعدها من تكبر تتعلم ابني لان يحبها ما يحاجيها ..
حتى اني تتجاوز عليه بس اعتبرها مثل بنتي وكل مرة اسامحها..

ضليت صافنة عليها اشلون تغيرت امي تباوع عليه
بشار ما حجه شي مخلي ملوكه بحظنه لان من اجه هي راحتله...
ابو شمس..خويه اني الحجي بعد وي ابوكم وابنكم هم ما مقصر يومية ضارب بنتي انطيناها الكم وردة
مفتحة شسويتو بيها يجي ابو قائد واتفاهم وياه ..
ضلت تنافخ خلت وراحت ...

ابوية راح لشغلة...
ام شمس..هاي عمتج شتحجي صدك تجاوزين عليها
شمس..يمة شجاوز هي تبط ببطن يوم واحد ما تحمليها..
ام شمس..وتالي اشلون تبقون هيج مو حتى البنات
تعبن من مشاكلكم شوفي ملك اشلون تبجي ع أبوها
ومهما يكون عمتج مرة جبيرة بكلمة الطيبة تكسبيها