لهفة عشك

البارت ٦

.....لهفة عشك....

للكاتبة (zainab) عطر الورد

.......البارت ٦.......

شمس...راحت واني احس روحي مخنوكة اني اعرفه بشار ماعندة سوالف بنات ومتأكدة من هذا شي بس قهرني امه اذن هي ما تريدني احسن شي ابتعد عنه لان مستحيل اكدر اعيش وي ناس ما يرديوني..

دخلت وما خليت واحد يشوفني مابيه حيل ادخل تحقيق صعدت لغرفتي واني منهارة لان مجرد تفكير انو ابتعد عن بشار يموتني ما اكدر ابتعد بعد اتعلقت بيه اشلون اكدر افاركه بس امه مبنية ما تحبني وخاف اسويلي مشاكل ..

صحيح القرار راح اخذه صعب عليه بس ما بيدي شي لازم ابتعد ...

مر اسبوع واني اتهرب من بشار ما اطلع بوكت طلعته وحتى برجعة ما اخلي يشوفني صحيح اشتاقله واتمنى اشوفى بس من اذكر حجي امه اصر ع قراري بابتعاد..

مرة جنت راجعة من دوام ضهر ومحد بشارع واني امشي سريع لان جوء جان حار وشارع فارغ ..
وصلت فرع بيتنه واسمع واحد يصيحيني عرفت هذا صوت بشار درت وجهي شفته واكف ..
اجه اتقرب يمي احسه اعصاب بس كوة لازم روحة

بشار...وبعصبيه شمس شبيج صايرة تتهربين مني وما تخليني اشوفج ..  وبنفس النبرة ..
انتي ليش اسوين هيج احجي شنو قصة ..
شمس..التفت خاف اكو واحد بشارع ويشوفنه
بعد ما اتاكدت ماكو شارع فارغ ..
واني اباوع لبشار وهو  مركز عليه منتظر الجواب ..
بس احسه نار ..

جريت نفس ..بشار روح اسال امك وانته تعرف سبب
حسيته انصدم من سمع جوابي ..
بشار...احجيلي شكالت الج وخلتج هيج تبتعدين عني ..
شمس..شوف بشار اني مامستعدة  اعيش وي ناس ما يردوني فلاحسن خلينه ننهي هذا شي من بداية احسن لالي ولالك..
بشار...انته هاي شتحجين لعد وين حبج لج اني مستحيل اتركج تفهمين انتي نفس الاتنفسة..
اما ع امي اني احاجيها لاتفكرين با اي شي شمس لاتخلين اي واحد يخرب علاقتنه ...
شمس..ما عرفت شجاوبه اني همين احبه شفت لهفة بعيونه اعرف نفسي ما اكدر افاركه..
راح اروح خاف واحد يشوفنه وما اريد ايصير مشاكل ..
بشار ..روحي بس لاتمنعي من شوفتج..
هزيت راسي اله وابتسمتله ورحت ..

احس بشعور حلو مثل واحد جان عليه حمل وانزاح
عرفت نفسي اني حيل متعلقة بيه لان مجرد اليوم شفته خلاني ارتاح طول الاسبوع جنت عصبيه وما اتحاجه ويحاجيني اصيح عليه وضايجة وبس ابجي
بس هسة من شفته ارتاحيت شوفته مثل العلاج بنسبة الي غبية اني اشلون اكوله خليني نفترك ..

مر اسبوعين بشار محاجيه امه حتة ما تجينه
بعد احسن..
قرب زواج اختي لان  رادو يقدمون الزواج ..

بدت تحظيرات  العرس وانخبصنه بتجهيزات من ملابس وصالون  كلشي بسرعة واني وياه ما تركتها

بيوم الحنة لبست بدلة سمائي جانت طالعة كلش حلوة اجو بيت جدو من بغداد وخالتي وبناتها وبنات عمي وصديقاتها بيت انترس واجو اهل عريس اني لبست فستان قصير همين لونه سمائي نفس البدلة مالتها وخليت مكياج وعدسات طلعت اخبل كل يشوفني يكول طالعة تخبلين...