......لهفة عشك......
للكاتبة (zainab)عطر الورد
......البارت ٥ ......
شمس....انصدمت من شفته بشار ما اعرف شحجي جان ضاغط ع حلكي ولازم ايدي حيل ..
بعدين وخر ايده عن حلكي واني ارجف خاف واحد يشوفنه ..ضليت ساكته واني اباوع عليه احس روحي ما اكدر احرك نفسي ولا اكدر احجي ..
جان ضاغط ع زندي حجه بعصبية...
بشار..ولج اني اضحك عليج ..وادور علاقات مو صوجج صوجي اني حبيتج.. ولج اخاف اتقرب منج اخاف عليج وع سمعتج خاف واحد يشوفنه ولج حبيتج بعمري ماخليت وحده بالي ولا حبيتها واني شغلي بوسط البنات بجامعة بس انتي دخلتي كلبي
وحبيتج واخاف عليج من نسمة الهوة التمر بيج ..
وانتي وديتلي رسالة واتكولين العب عليج ...
هو يحجي واني صافنة احس روحي متبنجة..
اني همين احبه بس اخاف من هذا حب ..
بس اريدة اني غاب اسبوعين وبس افكر بيه ..
..
بشار..ماتحجين كولي اي شي انسي الرسالة وانسي الرقم كوليلي انتي همين تحبني همين تحسين مشاعر اتجاهي ..صدكيني اني احبج ..وأريدج زوجة مو علاقة بس خلي شوي ايصير عندي فلوس صدكيني اجيب العشيرة كلها تطلبج من ابوج .
شمس..بشار اني بحياتي ما محاجية ولد ومن شفت رسالتك ما عرفت شجاوبك بس اني حتى موبايل ماعندي وما ادور علاقات ..
بشار..واني ما طالب منج علاقة انسيها رسالة ..
كل الاطلبه منج تنتظربني لحد ما اجمع مهرج واجي اطلبج من اهلج ..هسة بس كوليلي انتي تحبيني ..
شمس باوعت لعيونه وهمست اني همين احبك ...
بس ما اريد علاقة ومستعدة انتظرك ..
شفت الفرحة بعيونه ..واني احس حراره طلعت من وجهي اريد بس اشرد موقف صعب بس فرحانه وبنفس وكت خايفة ضليت اباوع لباب خاف يجي احد ...
بشار..توعديني تنظريني لحد ما اكون نفسي واجي اخطبج..
شمس ..اوعدك ...انتظرك .
بشار ..ما اريد منج اي شي ولا اضغط عليج بس الاريدة تنتظريني...
هزيت براسي وكولتله ..
راح ادخل خاف واحد يشوفنه ..
رحت ركض واني ارجف ومتوتره وفرحانه كل مشاعر اجمعت عندي خوف ع فرح ..
بس ما متندمة لان اني فعلا احبه وهو طلع ما يدور علاقات ..دخلت لبيت واني طايرة من فرح وبس اضحك ..
صعدت فوك بعد ما اتاكدت محد شايفنه سديت باب عليه واني اذكر كل حجي مالته واضحك اذكر اشلون لازمني ..هاي بس حجه وياي وهيج صار بيه صحيح هو مابيه شي يجذب يعني جماله عادي بس بعد احس روحي اتعلقت بيه يمكن اهتمامه بيه ولهفته من يشوفني كل هاي خلتني اتعلق بيه ..وأحبه..
مرت الايام واني علاقتي بشار مجرد نظرات ومثل قبل همين من اروح لدوام هو يطلع وياي ومن ارجع همين صار الوسط بيناتنه اذا راد شي مني لو اني ..
بس يوم اجت علينه اخته جبيرة ..هي مزوجة مرات تجينه وي امها يوم وحدها اجتنه قمنه احنا بضيافة
وماما كعدت يمها وضلت اسولف اني همين شوي وندك الباب ماما كامت بقيت بس يمها اني اخته كلش حبابة واسبورتيه باوعت عليه وهمست ..
ندى...بشار هواي يسولف بيج ..وخابصنه بيج ترة بشار حيل يحبج لاكسرين كلبه..
