.......لهفة عشك.......
للكاتبة (zainab) عطر الورد
.........البارت ١٥......
تصووويت....تفاعل
اباوع ع ولد بمحل كلها تباوع ع عمتي امي ماتعرف شسوي من الفشلة حسيت بشار همين متفشل وهي
يم البدلة وايصيح شدعواكم هيج وليش غالين احنا
شمأجرين ...جانت اكو همين عروس وياها مرة ..
ضلت تباوع بشار يحاول يحجي وياها ....
بشار ...يمه قابل منج الفلوس مني خلصينه رحمه لهلج منا ناس تباوع ...
ام بشار...اي انته اصرفهن ع هاي شغلات ضل ضل هيج ...
اني واكفة ما حجيت اي شي لان بس احجي راح اطلع اني السبب بقيت ساكته اجه بشار يمي ..
بشار..حبي معليج بامي اخذي اليعجبج تعرفيها
مرة جبيرة استحمليها...
رحت طلبت من الولد البدله رحت لبستها طلعت اجنن عليه...
بشار ضل صافن عليه ..ماما ضلت تقرا ايات من الحسد عمتي ما حجت شي ...
بشار راح اتفق وي الولد ابو المحل ..ع السعر وقت
رحت نزعته..بعد ما اتفقنه طلعنه كال بشار خلينه
نمر ع يبيع غرف عمتي كالت تعبانه خليها ع باجر
اني هم...طول الطريق وهي ساكته حسيتها كلش
ضايجة وصلت لبيت نزلت سلمت عليها ما ردت
خليت ودخلت لبيت اني وامي بس دخلنه ماما
ضلت تحجي عليها..
ام أديان.. هاي عمتج ما راح ترتاحين وياها احنا كلنه الج من بداية وشوفتيها اليوم بعد من تزوجين اشلون بيج ...
شمس...ماما اهم شي بشار وياي شريد منها ...هي تحجي و تسكت..
ام أديان...والله بشار مبين يسمع كلمه امه وهاي اذا هيج راح شتحجي عليج يصدك يمه اني خايفة ..
عليج منها وانتي مو مال هيج ...
شمس..يمه لاتخافين الله عليج سدي سالفه لان اني
يوم دخت ...
ضلت امي تحجي واني صعدت لغرفتي ..افكر معقولة بشار ماراح يوكف وياي لان هو كلش متعلق
بامه بس لا اني اصير زينه وياها وهي ما تحاجيني
بس على اليوم الشفته الله يستر من راح اشوفه بعد
نمت من تعب ما ادري بروحي كعدت وي أذان المغرب
هواي نايمه لكيت بشار مخابر عليه ...واني احس راسي
مو الي من الوجع ..اتصلت عليه..
بشار...هلا شموستي وين جنتي آخابرج عليج ماكو
شمس..واني اثاوب هلاو حبيبي والله نعسانه ونمت من التعب ما ادري بروحي ..
بشار..نوم العافيه يعمري خاف يوم ضجتي ..
شمس..تنهدت..لا حبيبي عادي ما صار شي
بشار..فدوة لحبيبتي العاقله ردت آكولج باجر نروح
نشوف الغرف حظري نفسج ..
شمس..اوك ...
سديت الموبايل نزلت اريد اشوف خاف امي يوم حجت لبابا لان هي كلشي تحجي واعرف أبويه
عصبي شفتهم كاعدين عادي همزين مبينه ما حاجيه شي اني دائما اسوي العشة لكيت امي اسوي عشى
رحت يمها بمطبخ ..
شمس...يمه بشار هسه خابرني علمود باجر نروح نشوف الغرف ..تروحين وياي ..
ام أديان..لا ما اروح هاي غرفتكم انتو اختاروها
ما اكدر اترك بيت فارغ واخوانج باجر دوامهم صباحي...
شمس..ها خوش ...رحت سويت زلاطة اتعشينه بابا سالني ع بدلة كولتله اجرتها خابرتني أديان كالت
حجزت الج بصالون لعرس جان صالون معروف وشغله كلش حلو يطلع العروس تخبل ..
