Penchant
Ep _ 20"အဲ့တာတုန်းက သွားတက်နဲ့ ကိုကိုက ကိုရှင်းလား "
"အင်း "
"အာ ကျွန်တော်တို့က ဟိုးအရင်ကတည်းက သိနေကြပြန်ပြီ "
"မမှတ်မိဘဲနဲ့များ "
"ကိုရှင်းနဲ့ တော်တော် ရေစက်ဆုံတာပဲ "
ကိုရှင်းက ရယ်ပြီး ခေါင်းရမ်းနေသည် ။ ခုလို ဆိုတော့လည်း တကယ်ကို အဲ့တုန်းက ကိုကို ရယ်ပြသည့် အပြုံးကြီးမှန်း သေချာသွားတော့သည် ။
"ကိုယ် မင်းလွယ်အိတ်က သော့ချိတ် မြင်ကတည်းက အကုန် မှတ်မိခဲ့တာ "
"ဒါများ ပြောတောင် မပြောဘူး "
"အဲ့တုန်းက မင်းက ကလေးလေး ဆိုတော့ မေ့သွားလောက်ပြီ ထင်လို့ "
"ကိုရှင်းမှ မသိတာ ကျွန်တော် သောက်ဖူးသမျှ ထောပတ်သီး ဖျော်ရည် တွေထဲမှာလေ အဲ့တုန်းက ကိုကို ဝယ်တိုက်တဲ့ ဖျော်ရည်က အကောင်းဆုံးပဲ "
"အဲ့တုန်းက ကိုကိုက ကိုယ်ပဲလေ "
"အဲ့တာကြောင့် ရေစက်ဆုံတယ် ပြောနေတာပေါ့ ကိုရှင်းရဲ့ "
"အိပ်တော့ စကားများ မနေနဲ့ "
"ဟုတ် "
>>>>>>>>>>>
"ဘာကိစ္စလဲ "
"မှိုင်း ကို လာခေါ်တာ "
"အိပ်နေတယ် "
"နှိုးပေးပါလား ကျောင်းသင်္ကြန် ရှိလို့ "
ထိုလူကြီး မျက်နှာထားကြီးက တည်တင်းနေသည် ။ နည်းနည်းလေးမှ မပြုံးသည့် အပြင် စိတ်တိုနေပုံရသည် ။
"မနေ့က မွေးနေ့ဆိုပြီး ခေါ်တာ မင်းလား "
"ဗျာ ဟုတ်တယ်လေ ဘာလို့လဲ "
"ကလေးတစ်ယောက်ကို အဲ့လောက်ထိ အများကြီး တိုက်စရာလား "
"ဗျာ "
ကလေး ? ကလေးတဲ့လား ? What the .... !!!!
နေပါဦး ဟိုအကောင်က သူ့ဘာသာ ယုတ်မာပြီး သောက်တာလေ ! ဘယ်သူက အတင်းတိုက်လို့လဲ ?
ငါ အခု မတရား စွပ်စွဲခံနေရသလိုပဲ ။
"ဒီမှာ ဦးလေး ! မှိုင်း က မိန်းမတောင် ယူလို့ရနေပြီဗျ ပြီးတော့ သူ့ဘာသာ သောက်တာ ဘယ်သူမှ အတင်း မတိုက်ဘူး "