BHO CAMP #3: Clash Of The Private A1

CHAPTER 5 ~ A Leader ~

"Puro na lang akong pahinga. I'll help. Kapag inantok ako eh di matutulog ako dito." pagpupumilit niya.

"You can't sleep here." said Freezale.

"Yeah, right. Kaya pala ang himbing ng tulog ng asawa mo."

Hindi na nakaimik si Freezale at hinayaan na si Sky. Kumuha ng swivel chair si Sky na nakanguso pa habang napapabuntong-hininga na tumabi sa kaniya ang asawa niya na si Adonis.

Hinarap ko na ulit ang monitor. Tinignan ko ang iba pang mga properties ng mga BHO agents pati na ang mga sa The Camp. Speaking of that, nasaan na kaya si Triton? He should be helping us.

Nagbukas ako ng isa pang monitor at may pinindot ako doon. Lumabas ang numero ni Triton sa screen.

Habang hinihintay ko siya na sumagot ay pinagpatuloy ko ang ginagawa ko kanina. Mukhang ang mga properties lang na may kinalaman sa Greene, Night at Roqas ang target ngayong gabi na ito.

"No sign of threat for the other agents." pagbibigay alam ko.

Expected na namin na mangyayari ito. We just didn't expect that it would be this early. Dahil kasi sa ginagawa naming pagbulilyaso sa mga plano ng Claw Organization, inaasahan na namin na gaganti sila pabalik. There's no way they'll attack the headquarters. So it's quite obvious that the public properties will be their target.

"Naapula na ang apoy sa bahay ng mga Roqas." sabi ni Freezale.

"Got it."

Tinignan ko ang monitor kung saan nandoon ang numero ni Triton. Hindi pa rin siya sumasagot. Damn it! If that man got himself in trouble, I'm gonna kill him.

Nagsalita si Sky na nakatutok din ang mga mata sa mga screen sa harapan namin. "This can't continue Dawn. And even if it will, we need to find a way to get that organization to take us seriously. Nakikipaglaro lang sila sa atin."

"I know, Sky."

"Hindi sila natatakot sa atin. They know how to play the game. Kahit na direkta pa nila tayong atakihin at magapi natin sila hindi pa rin natin iyon pagkapanalo. Because the boss himself is not threatened. If this will continue we will be the one who will get trapped."

Tama si Sky. Naglalaro lang ang Claw. Kahit na magpadala pa sila dito sa headquarters ng tauhan at mapigilan namin sila hindi ibig sabihin niyon ay panalo na kami. Dahil pinapagalaw lang ng head ng organisasyon na iyon ang mga tauhan nila at kami ang kalaro nila. At sa bawat laro, isa sa miyembro ng BHO CAMP ang nasasaktan. Hanggang sa kami ang mawawalan.

Ang rason kung bakit ginugulo namin ang mga plano ng Claw ay dahil gusto namin silang takutin. Pero imbis na iyon ang mangyari ay para bang naging laro na lang ito ng tennis.

"I know, Sky." I repeated.

"May plano ka na ba?"

"Yes."

Hindi ko na sinundan pa ang sinabi ko. We need to create a plan and to do that I need to talk to my father and Craige Lawrence.

"Hello sweetheart?"

Napapitlag ako mula sa pag-iisip nang sa wakas ay kumonekta na ang tawag ko sa taong kanina ko pa tinatawagan. "Triton Lawrence."

"Yes sweetheart slash master?"

Kumunot ang noo ko ng may marinig ako na mga ingay. Lalong nagsalubong ang kilay ko ng may marinig ako na boses ng babae. "Nasaan ka? Nakita mo ba ang mga message sa'yo?"

"Err...no?"

Napahilot ako sa sentido ko. "At least man lang nakita mo siguro ang alarm sa BHO CAMP bracelet?"