اندروفين

٣٠ الجزء الثاني

في جهه تانيه.....
سوزان(بتوتر): ااي اي...لسه م جات ي رغدهه والله...الوقت إتاخر شديد وما عارفاها مالها وتلفونها مغلق!...طيب اول م اعرف حاجهه بكلمك...يلا سلام حبيبه
سماح: ريم دي ليه بتعمل كدا!البت دي اتغيرت شديد!الحاصل عليها شنو ي ربي
ادريس(بصوت عالي): كلو منك...منك انتي...انتي دلعتيها زيادهه عن اللزوم...اي حاجهه هي عايزاها هي انتي كنتي تتطاوعيها...في داعي لفكرهه الشغل دي اسي!ي ريتني لو م سمعت كلامك...انتي وبتك دي يوم بتشلوني
سماح: ي راجل مالك انت اسي!الشغل عيب يعني!لمن قررت انها تشتغل عشان تساعدك علي الاقل في مصروفها هي وما تشغلك بيهو...عيب يعني!
ادريس(بنرفزه): ياخ انا م دايرها تشتغل...عشان عارفها بت راسها م تمام ومجنونه ساي...بس الحق م عليك انتي براك...الحق علي انو برضو لانو برضي بأي حاجهه انتو دايرنها...انا لو كنت بعمل زي م اخوي كان بعمل لبتو رغده...كان ريم انعدلت ومشت صح
سوزان: كويس يعني انك تضرب بتك وتهينها قدام الناس ي ابوي!كويسه الحاجهه دي!لمن بتك يجيها مرض نفسي وتتعالج عند دكاتره نفسيين وتخليها تكرهك!
ادريس(بصوت عالي): اسكتي ي بت...جايه تعلميني انتي ال كويس وال ما كويس شنو!

سماح بقت تأشر لسوزان عشان تسكت وما ترد لابوها...ابوها كان متعصب ومتنرفز شديد...تلفون سوزان رن...كانت ريم بتتصل عليها...سوزان فتحت الخط سرعهه...وبقت تتكلم معاها وتسألها سؤال ورا التاني وهي متوتره...ريم حكت ليها بأي حاجهه وهي بتبكي...عايدهه...وعن البيت...ولغايه م الشرطه جات داهمتهم...اختها كانت مصدومه في البتقول فيهو ريم!...وسماح قعدت تكورك وتتحسبن بصوت عالي...وادريس بسكت فيها...سألتها من القسم المحتجزنها فيهو...قفلت منها ورسلت رسالهه لرغده...وورتها انو لقو ريم...سوزان مشت غرفتها سرعهه لبست عبايه عشان تمشي هي وابوها ويحصلو ريم في القسم...وسماح ح تقعد في البيت وتمسك ولد سوزان...في اللحظه الهايجين فيها وبتكلمو وادريس منفعل في الكلام وهايج...جات جارتهم داخلهه عليهم...حست انو في شي م طبيعي...م قعدت معاهم!سلمت عليهم وطلعت....
..............................

جاسم وسامي كانو قاعدين في الصالون...فاتحين ملفات وبتناقشو في موضوع الشغل...جات داخلهه عليهم رغدهه شايله كبابي شاي وكيك...جات وقفت بورا جاسم...وهو عاين ليها...وملامح وشو ما كانت طبيعيه!...بقو يعاينو لبعض هم الاتنين...وسامي منتبه ليهم...
سامي: في شنو!
جاسم: راجل ومرتو بعاينو لبعض.. مالك انت ي انسان!
سامي: لا بالجد في شنو!باين انكم م طبيعين
رغده: ريم
سامي: مالها!
رغده: ريم طلعت الصباح بدري...وللان م جات راجععه البيت
سامي: كيف يعني!اتصلتو عليها!
رغده: اي بس تلفونها مغلق
سامي(بزهج): وهي البقعدها بره البيت للوقت دا شنو!!ليه بتعمل كدا ياخ!غبيه
رغده: كانت ماشهه عشان تشتغل مع مره...هي كانت محتاجهه شغل...بس في شي غريب حاصل...حاسه في شي حاصل مع ريم
سامي: انتي كمان م تقولي كدا...ماف شي بحصل ليها...اصلا هي انسانه مجنونه وبتكون بتتشالق ليها في موضوع...بترجع ان شاء الله