اندروفين

٢٩ الجزء الثاني

جاسم بعاين لرغدهه وهي بتعاين ليهو ومقربهه منو شديد...جاسم طلع من جييو علبهه سودااء صغيرهه...فتحها وختاها جمب ريم ...كان فيها خاتمين...ورغدهه اتفأجات شديد وبقت تعاين لجاسم... ريم شالت العلبه ومسكت واحد من الخواتم وبقت تعاين ليهو...محفور فيهو حرفين (g.r)💜...

جاسم: رأيك شنو في الخواتم دي ي ريم!
ريم(بفرحه): حلوهه♡واحلي شي الحرفين المحفورين فيها
رغده: جاسم!
جاسم(بابتسامه): اي...ال في بالك♡

ريم بتعاين ليهم الاتنين...ما فاهمه شي...وسبب وجود رغدهه هنا!بس كل الحاجات الشاعره بيها دي كان بطغى عليها شعور الفرح ال هي حاسهه بيهو اول م شافت الخواتم والحرفين الفيها💜....
جاسم: تتذكري ي ريم ... الامنيه الكاتباها في دفترك ...انك حابه تدخلي السعادهه في قلب انسان واحد بس♡...ووقت شفتها وجيت سألتك من الزول دا...متذكره قلتي لي منو!
ريم(بابتسامه): اي...رغده...هي كانت الانسانهه الوحيده ال كنت بتمني اني ادخل السعادهه في قلبها...لانو انا عارفهه قدر شنو هي عانت!...اول م سافرت دبي م كنت فرحانهه لسفرها دا وكنت حابهه انها تكون معاي وبس...ولمن جات هنا وشفتها بالحلاوه ال هي فيها اسي فرحت وحمدت الله انها بقت كويسهه
رغده: حبيبتي انتي ♡
جاسم: انا قابلتها في دبي ي ريم
ريم: واو...جد!
جاسم: اي...اتعرفت عليها هناك..بس فترهه كدا كانت مختفيه...سبحان الله جيت قابلتها هنا!لا وكمان اول يوم جيت فيهو من دبي شفتها في بيتنا!وطلعت بت عم اغلي انسانهه في حياتي
ريم:ههه ...دقيقه!طيب مدام انتو الاتنين اتلاقيتو في دبي!ليه اول م شفتو بعضكم م اتكلمتو!لا جاسم ولا انتي ي رغده وريتوني انكم بتعرفو بعض!
رغده(بابتسامه): لانو كنا متزاعلين من بعض
ريم: خير!😄
جاسم: تتذكري لمن كنتي بتسأليني ليه مضايق!وليه متغير!السبب كانت رغدهه...اول يوم قابلتها فيهو كانت قربت تعمل حادث!وانا وديتها المستشفي...ودي كانت بدايه تعارفنا...بمرور الايام اتقابلنا كتير...وعملت لي قهوه عبارهه عن مويهه بس هههه...وفتشنا سوا انا وهي شغل ليها...اليوم الرسمي ال كان مفروض تشتغل فيهو اختفت!م كنت عارف مالها!سألت منها كتير...كنت بجي كل يوم نفس العماره الساكنين فيها وبسأل عنها ... والاجابهه بتكون ياها زاتها كل مرهه هههه...اول م شفتها هنا اضايقت منها شديد لانو اختفت بدون م تقول لي حاجه..بدون م تحكي لي عن مشاكلها!...واتفأجات وفرحت في نفس الوقت اني لقيتها♡...بس شرحت لي وفهمت اي حاجهه حصلت ليها...
رغده: بالجد انا كان قلبي واجعني شديد...هههه انا اصلا م كنت عايزه اجي السودان...امي حاولت كتير تقنعني اني ارجع بس كنت برفض...وإجبار خالي لي اني ارجع بالقوهه دا شكلو كان لمنفعهه لي هههه
جاسم(قرب منها): انتي عارفهه انو انا حبيت خالك دا شديد بعد إجبارو ليك تجي هنا...لولاهو هو م كنت شفتك تاني ي لوتس💜
ريم: خلاص ياخ م تقول ليها لوتس..يعني م عندها اسم!
جاسم(بضحك): تصدقي البت الحيوانه دي ..اول م اتلاقينا م كانت بتوريني اسمها...وخلتني اناديها بأسم لوتس...ولآخر لحظه لينا هناك انا كنت بناديها بالاسم دا...كتر خير سلسلك الالهمني بالاسم دا...علقتيني تعليقه شينه ي بت
رغده: البريدك بعذبك 💜
ريم: انا م فاهمه شي!
رغده: شوفي ي ستي...زي م قال ليك اتلاقينا انا وهو هناك...وبعدين حصلت مشاكل معاي وكدا...دكتوري المهتم بحالتي النفسيه كان عايز يعتدي علي ي ريم...اصلا هو كان سبب تدهور حالتي بعد م رجعت كويسهه
ريم(بصوت عالي): شنو!!كيف يعني!
رغده: دا الحصل ...انا ضربتو في راسو وبعديها رقد في المستشفي وحاليآ م عارفاهو بقي كيف!خالي خالد اول م عرف بالكلام دا هههه بسبب مرتو طبعا...جا هاج فيني..وطلعنا انا وامي سبب مصايبو كلها...كانت شكلهه لرب السماء الساكنين جمبنا سمعونا كلهم تقريبآ ههه...وبعديها خالي قرر انو يرجعنا السودان بحجه انو تعب مننا او بالاحري تعب مني انا ومن مشاكلي...وانا كنت رافضهه فكره الرجوع دي ..بالرغم من إلحاح امي علي...والصراحهه انا كنت برفض عشان جاسم بس💜م كنت عايزه اخليهو...امي كانت مكلماكم قبل فترهه اننا جايين ...بس بالاول ح ننزل عند جدو وحبوبه في القضارف ... وبعدين ح نجيكم...وبسبب اصرارهم وإجبارهم لي بالقوهه ..جيت هنا السودان...وفعلا قعدنا عند ناس جدو اسبوع وبعديها جيناكم وبس كدا يعني دا الحصل
جاسم(بضحك): لمن جيتونا وقت امي عزمتكم فطور..وشافتني امك...م قادر اوصف حجم الخلعه الدخلت فيها اول م شافتني وكانت ظاهره عليها
رغده(بتضحك): انت عارف انو هي كانت بتوصي جارتنا عزيزه الساكنه جمبنا انو م تقول ليك اي معلومه عننا...كانت عارفاك بتجي كل يوم تسأل مني
جاسم:جارتكم كانت بتقول انكم ناااس انطوائيين وماف زول بعرفكم ولا بعرف اسمائكم حتي!بس ليه خالتو سناء عملت كدا!
رغده(بتضحك): ااااا ...عشان شايفاك شاب طائش وما بتستاهلني طبعآ..وحبت تبعدني من طريقك بس...لدرجه كانت مانعاني اتواصل معاك..ومسحت رقمك من تلفوني بدون علمي...وانا م كنت لاقيه طريقهه عشان اتواصل بيها معاك ...وفقدت الامل اني ارجع اشوفك او اتواصل معاك واستسلمتا للواقع...
ريم(بعد سكوت طويل): طيب...صدفهه حلوه انكم رجعتو اتلاقيتو هنا...بس ي رغده انتي ليه كنتي رافضه انك ترجعي السودان!
رغده: لانو اي شي هنا بذكرني بابوي...بذكرني بتعنيفو ومعاملتو لي...م كنت طايقهه فكره الرجوع هنا...ولولا المشكلهه الحصلت بيني وبين خالي وإجبارو لي ارجع ما كنت ح ارجع