اندروفين

٢٣

لوتس خلت خالها وامها هايجين وبتكلمو بصوت عالي...اتسحبت منهم براحهه وخاتا يدينها في راسها...دخلت غرفتها...قعدت في سريرها وشالت مسندها..ختتو في وشها وبقت تصرخ وتبكي.....

جاسم...تعال شوف خالي ضربني...انا ليهه بحصل معاي كدا!!...ياخ انا بكرهم كلهم ياخ...م دايره منهم حاجهه...ضربني في نفس خدي ال انت لمستني فيهو...آلمني شديد ي جاسم...ي ريتك لو كنت معاي ...ابكي قدامك وم دايرهه حاجهه تانيهه...انا زعلانهه شديد لانو م قادرهه اكون انسانه طبيعيهه ...انسانه انت ممكن تكون معاها طوالي ...انا م زولهه كعبهه والله م زوله كعبهه...انا دايرك تكون معاي وما دايرهه شي تاني .....ام لوتس جات داخلهه عليها وسابت خالد هايج برهه براهو...بقت ماشهه وجايه في الغرفهه ومتوتره شديد...لوتس ماسكهه مسندهاا وبتتكلم براها وبتذكر اسم جاسم....
.................................

ريم وسامي في العربيهه...كانو ساكتين...لمسافهه ماف زول اتكلم مع التاني...ريم كانت بتعاين بالشباك ..السماء كانت مغيمه والجو رهيب💜...
سامي: ريم..تتذكري الاغنيه الغنيتها في شارع النيل ديك!
ريم(بابتسامه): اي
سامي: الاغنيه دي بتشبهك شديد 💜
ريم(بتضحك): لكن انا ما ...دقيقه هووي اقيف
سامي(بضحك): مالك ي بت!
ريم: واااي م مصدقهه اني لقيتو

سامي وقف بالعربيهه قدام كشك صغير...كان فيهو ناس كتارر..ريم نزلت من العربيهه سرعهه ...سامي نزل وراها...
سامي: ي بت دا شنو!!
ريم: دا محل بتاع اقاشي ياخ ليهو زمن كان واقف...استنى هنا دقايق بس

ريم مشت سرعهه وقفت في الصف ...سامي واقف قريب ليها وبضحك فيها...لاحظ انو في شاب كان بعاين ليها..نظراتو م كانت كويسهه!..وبقى يمشي براحهه داير يقيف وراها...سامي عرفو ومشي سرعهه وقف ورا ريم طوالي...ريم اتلفتت عليهو.....
ريم: دا شنو !مش قلتا ليك استناني...
سامي(قاطعها): قبلي قدامك ي بت
ريم: الله عليك ي رمز الصرامه والحسم 😂

ريم طلبت سندوتشين...سامي اتلفت لقى الراجل اختفي...مرق من الصف...ريم جات شايلهه سندوتشين ومعاهو كيس شطهه.....
سامي: قلتي لي بتحبي الاقاشي!
ريم: جداا
سامي(بضحك): انتي عارفه دي لحمه شنو !

ريم بقت تعاين لسامي البضحك فيها وصاره وشها....
ريم(بصوت عالي): ياخ انت مالك عايز تقرفني...بعدين عمو دا زول رهيب وكدا يعني لحمتو ما اي كلام ..وبعدين انا من زمان بشتري منو

سامي وريم ركبوو العربيهه...سامي وصلها لغايهه موقف المواصلات...ركبت المواصلات وسامي دفع ليها...بقت تأشر لسامي لغايهه م الحافلهه اتحركت...وصلتت البيت..سلمت علي امها وابوها...دخلت غرفتها بس عقلها مشغول مع جاسم...حاسهه بيهو اتغير شديد...يمكن احساسها يخونها بس هي م مرتاحهه!...دخلت غيرت ملابسهاا...مشت المطبخخ واختها معاها...لاحظت لاختها انها سرحانهه...
ريم: مالك ي بت!
سوزان: الليله مشينا المحكمه انا واحمد
ريم: اها الحصل شنو!
سوزان: اطلقنا خلاص
ريم: ي زولهه لخير...م تفكري كتير في الموضوع ...والحضانهه ليك انتي صح
سوزان: اكيد.. اصلا هو متفهم الحتهه دي وخلاني احترمو..بس هو ح يجي يشوف ولدو من فتره لتانيهه....