اندروفين

١٩

جاسم: دايرو لزول محتاج ليهو وكدا 

---: خلاص ي حبيب موضوعنا بعد بكره ينفع!

جاسم: خلاص باسطه

جاسم بعد انتهى من الكلام مع صحبو...بقى بفكر في لوتس💜انو هي الوحيدهه هنا ممكن تساعدو بخصوص موضوع صاحبو ...داير يطلعها من الجو ال هي فيهو وتغير مزاجيتها شويهه ...فكر يمشي ليها في البيت عشان يكلمها...تلفونو رن الرقم كان غريب م رد بالاول ...رن مره تانيهه ...جاسم رفع الخط وبقى بتكلم ...بس م كان في رد ...زي الزول الاتصل بس عشان يسمع صوت جاسم💜 .....

---(بتبكي): جاسم ...انا تعبانهه شديد ياخ 

جاسم: اااا لوتس!يااخ م عارف زاتو كلو منك م دايره توريني اسمك ...مالك ي بت!في شنو ليه بتبكي كدا!

---: انا ما كويسه 

جاسم: انتي وين طيب !وصفي لي 

البت وصفت مكانها لجاسم ...جاسم طلع من المكتب بسرعهه ...ركب عربتو وماشي عليها ......

في جهه تانيهه ........

راقدهه في سريرها وبتقرا في كتاب (غاده الكاميليا💜) ...جا زول وضربها في كتفهاا...اتلفتت عليهو.....

سلمي: ووواويوو انا جيت 

ريم: يكلبه ...مشتاقينن يااخ

سلمي: عان اسمعيني خليني من طلسك دا اسي في....

ريم(قاطعتها): اصلا م بتجيني ساي انتي...خير في شنو !

سلمي: ما وقتو اوضح ليك....عايزاك تمشي معاي السوق ي بت عندنا عرس وقرب شديد كمااان...اسي م عارفهه اعمل شنو ياه!

ريم: انتي اقعدي حومي كدا من عرس لعرس...هااا عرس منو!

سلمي: معتز ولد عمي

ريم سكتت مسافهه م قالت حاجه بقت تعاين لاختها...اختها هزت ليها راسها نظام م تتكلمي وتقولي شي...

سلمي: خير ي جوز اللوز مالكم بتعاينو لبعض 

ريم: ياخ تمي اها...ماشاء الله والله ربنا يتم علي خير ..العروس منو!

سلمي: وحدهه معاهم في الشركهه اسمها شيماء...امبارح ابوي كلمنا والليله ماشين يخطبوها...ياخ انعل وشك ي معتز مستعجل لشنو كدا! قالو م دايرين حفلهه وبتاع بس ح يعملو شي بسيط والعقد بعد اسبوعين 

ريم: اسبوعين بس !!

سلمي: اتخيلي بس...يلا م اشكال زاتو لقينا موضوع وانتي ح تمشي معاي فاهمه من اسي كلمتك 

ريم: لالا يا بت م بقدر عندي امتحانات انا 

سلمي(قربت منها): ريم😄حركاتك م علي انا يعني معاك في نفس الجامعهه وما اكون عارفه امتحانتك متين!عليك الله ي ريم بطلي سغاله وارح معاي