رشاد: من اليوم الاشتغلت فيهو شيماء هنا وانا كنت عارف انت بتفكر فيها كيف!م غبي انا بالمناسبهه...حتي سكرتيرتك القبل شيمااء سبب رفضك ليها كان غير منطقي!وحسيت انك عايز تتخلص منها والسلام عشان تجيب شيمااء...انك تمارس قذاراتك في الشركهه قدام الموظفين دي حاجه م بقبلها...انت عارف الموضوع دا ممكن يعمل لينا فضيحهه قدر شنو اذا البت دي مشت ونشرت الكلام!قول لي عملت كم علاقهه لحدي الان !انا مستعد اعمل اي حاجهه عشان الشركهه دي م تخسر سمعتها ...الشركه دي بنيتها بعرقي انا ي استاذ ما ح اخلي قذارتك تدمر لي اي شي بنيتو اسي...واسي دخل في الحكايهه ولد!اسمعني كويس تمشي تنسق مع البت براحه...وتحددو موعد العقد بتاعكم وي ريت تكون حاجهه بسيطه ...واذا الكلام دا م اتنفذ ي معتز في اسرع وقت ...واسم الله اخليك تنسى انك شغال في الشركهه دي ..وتنسى انو عندك عم..وشوف زول يلمك بعد داك ...اتفضل اتخارج من وشي
في جهه تانيه.....
قاعد في الكنبه وخالف رجولو...بشرب في سيجاره...وبعاين ليها وهي بتلعب مع كلب وتضحك وتجري معاهو...الكلب جاري وراها وهي وقعت ...ضحك ضحكه خفيفه وقام علي حيلو ...مشى ناحيتها..وقف قدامها ومدا ليها يدو...عاينت ليهو مسافه وابتسمت...مسكت يدو وقامت علي حيلها...بدت تنفض في هدومها.....
جاسم: ياخ انتي عندك روح حلوه شديد💜 ...ليه م تتطلعيها للناس!ليه تحبسي الحاجات الحلوه فيك!
---: لانو ماف حاجهه حلوه في حياتي
جاسم: ليه انتي م تكوني عكس الحياه دي وتضربيها شلوت هي وهمها!دايما بتتعصبي مع انو عندك روح حلوه شديد 💜
---: اسي انت عرفت انو عندي روح حلوه من لعبي مع الكلب!
جاسم(بضحك): انتي م شفتي نفسك كنتي كيف لكن...بريئه ذي الطفل💜م تخلي ماضيك مهما كان يأثر عليك
---: م انا الاخترتا اكون كدا ...للاسف اقرب الناس لي هم الخلوني كدا ...انت عارف انا احيانا بزهج شديد وبفكر انتحر وخلاص انهي حياتي دي!انا جواي حاجات كتيره واجعاني شديد ياخ...م بلقي زول احكي ليهو ...م عارفه اصلا ليه انا واقفهه اسي وبحكي ليك!!والخلاني اقول ليك الكلام دا شنو ذاتو!!اكيد ح تقول علي مجنونه اسي
جاسم(بسمه خفيفه): لمن يرتاح قلبك لانسان ماف بينك وبينو سابق معرفه بتكوني مستعده تحكي ليهو اي شي ...والدليل انك اسي بتحكي لي بدون م نعرف اسماء بعض للان !وبعدين كلنا بتجينا لحظات بتاعت غضب وزهج ...بس انتي بتكتمي جواك شديد وم بتفضفضي ودا م كويس...احكي لصحباتك طيب ياخ م تكتمي
---: م عندي صحبات
جاسم: اكتبي الحاجه المضايقاك في ورقهه..اي شي مضايقك...وبعديها احرقي الورقه دي واحرقي اي شي كعب مضايقاك وراها وم تفكري فيهو تاني
---(بعد سكوت طويل): دايره امشي البيت
جاسم: ح اوصلك انا...يلا
YOU ARE READING
اندروفين
Romanceرواية سودانية بقلم سجى اليزيد حب...صداقهه...خوه..وغيرهاا كتيير من المسميات ال ممكن نوصفف بيهاا اتنين قريبين من بعض شديد..بس لمن الحاجاات دي كلهاا تدخل في علاقهه وحده ح نسميهاا شنو؟!اكيد ماف زول ح يقدر يسميها ويحددها...لمن تكون متعلق بانساان شديد لد...
