بين الحاضر و الماضي ( روايات ليبية )

حلقة 13

رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 13

دكتور الحمد : توه حالها كويس لو سمحتوا معاش تخلوها تتعرض لي حالات زي اللي صار توه
ليث:حاضر دكتور
كمال : نتأسف
ليث : بعد ما مشي دكتور طلع حتي هو و مشي لي سيارته ركبها و مروح للحوش لانه كان تعبان هلبا و ميبيش يفكر في اللي صار شويه و قاطع تفكيره صوت رنين تاليفونه
ليث : الووو
اسماء : الوو دكتور ليث صباح الخير
ليث : صباح نور
اسماء : دكتور عندك مواعيد و انت تاخرت علي الوقت و هما من امبكري يستنو فيك وينك انت جاي؟؟
ليث : اوو نسيت نكلمك اسماء لو سمحتي الغيلي كل مواعيدي اليوم
اسماء :حاضر بس ان شاء الله خير دكتور ؟؟
ليث : ليندا صار معاها حادث و هي في مستشفي توه و اني كنت معاها و تعبان مش قادر نشتغل
اسماء : حي شن صار لي ليندا ان شاء الله هي كويسه ؟؟
ليث : الحمد لله توه احسن
اسماء : الحمد لله به دكتور انت ارتاح و اني توه نتصرف
ليث : شكرا
اسماء : العفو ولوو ... بعد اذنكم دكتور صايرله ضرف و مش ح يقدر يجي ممكن نأجلولكم مواعيدكم ...
ساره: علاش تأجيل شن فيه ؟؟
اسماء : دكتور ليث مش ح يقدر يجي
ساره : اي علاش ؟؟
اسماء : قالي ان ليندا دارت حادث و قعد معاها و مرقدش و ميقدرش يجي
ساره : و شن دخله هو و اصلا شن كان يدير عندها مصح..... اووف نسكت خير
اسماء : دكتور محمد صباح الخير
دكتور محمد : صباح نور شن فيه شن صاير ؟؟
ساره : صباح خير دكتور حضرته مقدرش يجي علي خاطر كان عند ليندا
دكتور محمد : خيرها ليندا ؟
اسماء : دارت حادث هكي قالي دكتور ليث
دكتور محمد : ياساتر ان شاء الله حالها كويس البنت
كنان : السلام عليكم صباح الخير
اسماء : كنان اهلا روحت امتي وصلت حمدلله علي سلامه
كنان :هههههه بشويه اسماء الله يسلمك ليا ٤ ايام من اللي روحت
اسماء : به كويس
كنان : شبح لي ساره كيف والعه ... شن ساره شفاف اني ؟؟
ساره : حمدلله علي سلامه و مشت وخلاته
دكتور محمد : اتصليلي بي ليندا و حوليهالي خلي نسئل عليها
اسماء :حاضر دكتور
كنان : من ليندا هدي
اسماء : وحده جديده تشتغل معانا ... اوووف مصكر فونها .. اه عندي رقم خوها ترا نجرب ... الووو
كمال : السلام عليكم
اسماء : وعليكم السلام كمال معاي ؟؟
كمال : اي تفضلي مني؟؟
اسماء : اني اسماء اللي نشتغل مع ليندا عرفتني ؟
كمال : اي اي عرفتك تفضلي
اسماء : اسمعنا بي ليندا اتصلت بيها علي فونها لقيته مصكر حمدلله علي سلامتها كيف حالها
كمال : الله ايسلمك فيك الخير شكرا هي توه راقده اتصلي بيها بعد شويه
اسماء : اوكي عادي براحتها غير دكتور محمد يبي يطمن عليها اهو بنحولك ليه ...
كمال : تمام
كنان : تي شن الخليطه هدي من البنت هدي ؟؟
اسماء : ماهو قتلك تشتغل معانا جديده
كنان : زعمك بوي يخون في امي ؟؟
اسماء : هههههههه علاش !
كنان : يبي يطمن عليها و جو ماهو يا حاط العين عليها يا تطلع بنته في اخر حلقه
اسماء : ههههههههه يسااااتر منك متتغرش انت بكل .. لاا متخافش اصلا استاده خديجه هي اللي جابتها
كنان : لا خلاص تاكدت شكلها بتطلع اختي و اني منعرفش
اسماء : هههههههه يساتر منك برا شوف خدمتك خير ما يلزوني اليوم
كنان : هو فيه حد يلزك و اني موجوود جميل انت
اسماء : كنان بطل
كنان : اخر سؤال و نمشي
اسماء : تفضل
كنان : حلوه ؟؟؟
اسماء : من هي ؟؟
كنان : البنت هدي جديده
اسماء : امممم اي حلوه
كنان : هلبا ولا شويه !
اسماء : كنان
دكتور محمد : كنان وينك ؟؟؟
كنان : دوله تنادي هي بعدين نزيد نقزقزك عليها ...
اسماء : باااهي
عند اسمهان ....
آية : صبح يا فتاح متسمعوش في باب
أصيله : افتحي باب و اسكتي
آيه : اووف باهي ... مني ؟؟
و نفتح الباب بلقوه ....
كمال : اختك وين ؟
آيه : كمال خيرك شن فيه ؟
خش يدور علي اسمهان ... و يعيط و بنادي باسمها...
كمال : وينها ؟؟
أصيله : صبح يا فتاح خيرك يا كمال شن فيه ؟
كمال : بنتك وينها عندي حساب معاها بنصفيه وينها ؟؟؟
آيه : مهناش مش اهني
كمال : كيف مش اهني ماله وين امشت وين هربت بعد عملتها ؟؟
اصيله : شن فيه شن صاير !!!
كمال : ساد ما فوتوها عليا اني و اختي شن دنبها المسكينه ملوحه في المستشفي
اسمهان : طلعت من الدار قصدك مماتتش ؟؟
كمال : انتي اهني مشالها شدها و قعد ضاغط علي ايديها
اصيله : شن طلعك انتي ؟؟
آيه : كمال استهدا بالله اختي ولله ما تستاهلك خليك انت خير منها
اسمهان : تبكي اني مش قصدي انديرلها هكي يا كمال ولله
كمال : و كلامك علي يوسف !!!! حتي هو كدب ليندا حكتلي كل شي
أصيله : غير استهدا بالله كل شي يتصلح
كمال : يتصلح شن ؟ انتي عارفه بنتك هدي شن دات مخلت علي اختي كلمه وتاني شي قريب قتلتها الا ستر ربي و اخيره يوسف كانت تخون فيا معاه توصلني دوه وندير في روحي احول و واتق منها نحسابها مش هكي بس طلعتي اوسخ منك مفيش
أصيله : طبست راسها و معرفتش شن تقوله
آيه : عندك حق في كل شي يا كمال بس خلاص مش طلقتها خلاص موضوعكم تم
اسمهان : تشبحله و تبكي
كمال : اهدي شويه دف اسمهان لين طاحت علي الارض و طلع من حوشهم
آيه : اوووف الحمد لله عاجبك هكي حشم حالك زي ما محشمتنا
اصيله : بنتي معليش ولله لما نخليه يرجع يتمني فيك زي الكلب
اسمهان : خلااااص خلااااااص معاش نبي نسمع منك ولا كلمه بسسبك انتي اني هكي بعتيني علي يوسف و خليتيني نتزوجه و اني منبيشي باش نغيظ يوسف حرام عليك لعبتي بحياتي
عند ليندا ....
فاقت علي صوت تاليفونها يشرين .....
ليندا : الووو
ليث : كيف حالك توه
ليندا : الحمد لله و انت ؟؟
ليث : مدام انتي الحمد لله حتي اني الحمد لله
ليندا : اسفه ليث علي اللي صار امكري امسحها...
ليث : قطع عليها اسسس فوتيها دوه هدي اصلا اني نسيت بس علاش مقلتيليش هكي صار ؟؟؟
ليندا : دموعها نزلوا و بدت تبكي صعبه ياليث مرت خوي تخيل دارت البلاوي هدي كلها و لا زياده متحبش خوي و هي حياتنا كلها منكده علينا وموريتنا الويل
ليث : معليش توه خلاص كل شي تم المهم صحتك انتي توه ارتاحي باش تبدي تقري معاش مزالك هلبا
ليندا : اي ان شاء الله ... ليث لحضه بنرد علي استاده خديجه
ليث :به ردي و ديري بالك علي حالك
ليث :به ردي و ديري بالك علي حالك ...نحبك
ليندا : صكرت قبل ما تسمعه شن قال ... الووو ستادة
استاده خديجه : ليندا حبيبتي كيف حالك شن صاير فيك توه قالي محمد
ليندا : الحمد لله ا استاده الحمد لله علي كل حال توه حالي احسن
استاده خديجه : الحمد لله خلاص اني بعد شويه نمر عليك تبي حاجه ؟؟
ليندا : فيك الخير لالا سلامتك
استاده خديجه : خلاص بادن الله شويه و نكون عندك اني و محمد هي مع سلامه توه
ليندا : تفضلو مرحبتين مع الف سلامه
عند ليث ....
مهبوله صكرت قبل ما تسمعني .... ههه شكلها عاودت
ليث : ايوه شن شكلك سمعتيني شن قلت ؟؟
ساره : لامسمعتكش
ليث : ساره !!!
ساره : علاش من تحساب ؟؟
ليث : لاشي كيف حالك ؟
ساره : الحمد لله وينك خيرك مجيتش اليوم ؟؟
ليث : مشغول شويه
ساره : ومن شاغلك ! ليندا طبعا تجري في جرتها و هي مش معبراتك
ليث : ساره راسي مصدع و مش متحمل كلامك و لو سمحتي هدي حياتي و اني حر انتي معاش تدخلي
ساره : صح نستاهل اني خايفه عليك
ليث : مش صغير اني و معندك علاش تخافي هيا سلام توه بنرقد ...
ساره : به براحتك و تسمع في خط تصكر علي وجها
باهي يا ليث يا اني يا هي المسكسكه .....
#يتبع في الحلقه 14

إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة