بين الحاضر و الماضي ( روايات ليبية )

حلقة 8

رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 8

طلع برا يتعود من شيطان
ليث : ليندا اني اسف
ليندا : علي شن دكتور ؟
ليث : علي حركات و تلقيحات ساره
ليندا : لا عادي معندكش علاش تتاسف دكتور ... حقا نسيت نقولك ..
ليث : ان شاء الله خير ؟؟
ليندا : اني الاسبوع جاي امتحاناتي و مش ح نقدر عياده و امتحانات ..سكتت شويه .. بنوقف اسبوعين خدمه و نرجع تاني طبعا بعد ادنك!!
ليث : صورة الاحباط علي وجهه .. هلبا اسبوعين ليندا
ليندا : هكي جدولي طلع ... اني استادنت منك و بنستأدن من دكتور محمد حتي كان بيخصمولي الاسبوعين هدم عادي امتحاناتي اهم
ليث : لا لا هو مش قصه خصم او خدمه .. اني تعودت عليك كيف اسبوعين كاملين مش ح نشوفك ؟ و بعدين توه طلعوا امتحاناتك اهم ؟؟
ليندا : لا طبعا نحكي اهم من فلوس بس حتي انت مهم عندي
ليث : شن عاوديها حتي اني شن ؟؟؟؟
ليندا : بصوت خجول حتي انت مهم عندي
ليث : الله اول مره نعرف روحي مهم هكي
ليندا : هههههه به توه شن دكتور بتخليني او لا ؟
ليث : في قلبه .. حكايه بظلم عندي من غير ما نشوفك .. و اخيرا تكلم بصوت بسيف يطلع اي عادي نصبر معليش علي خاطر امتحاناتك راه
ليندا : شكرا
ليث : بس بشرط ؟؟؟
ليندا : اشرط شن تبي اني موافقه
ليث : عندك علم لي توه معنديش رقمك ؟؟ لا نبي تعويضا علي كل يوم بتغيبيه عليا
ليندا : امممم به موافقه 092.......
ليث : تمام كان يوم مكلمتينيش فيه عقوبه راه
ليندا : هههههه حاضر
عند ساره ...
اوووف عليا شويه و كان بيبوسها مصح وجهه الحقيره ادير في جو عليه تحسابني بنخليهولها غير تعبي توه نوريك ساره شن ادير فيك....
عند اسمهان ....
اسمهان : الوو كمال !!
كمال : نعم
اسمهان : جاي علي الغدي ؟
كمال : لا عندي خدمه هلبااا
اسمهان : به به و اختك شن تروح و لا ؟
كمال : عندك رقمها كلميها و اساليها
اسمهان : لا ولله نخدم عندها تحسابني
كمال : رجعنا رجعناااااا .. صكر علي وجها
عند خديجه
اسمهان : حي علي امه صكر علي وجهي ولله لما تشوف
خديجه : شن رايك في ليندا محمد ؟
محمد : مشاء الله عليها ناشطه و كلهم يحبوها و اني لحظتها و شفت حتي من زبائن يحبوها
خديجه : هي البنت اصلا محبوبه
محمد : حقا كلمك كنان !!
خديجه : اي و صدمني الصراحه
محمد : ههههه علاش ؟
خديجه : مكنتش نحساب ولدي شاطر لهدي درجه بسرعه فاتت فترة الامتياز متاعه
محمد : طالع لي بوه ههههه
عند ليث ....
ساره : ممكن نخش .. خشت و خلت باب مفتوح
ليث : تفضلي
ساره : قاعد زعلان مني ؟
ليث : اني مش زعلان بس اضايق فيا حركاتك
ساره : قربه منه و حطت ايدها علي ايده خلاص اسفه اهو تعلمت
ليندا : واقفه تشبح في حركاتها ....طقت الباب
ليث : شبحلها و شبحها تشبح لي ايده و ايد ساره ... نحي ايده نعم ليندا تبي حاجه ؟
ليندا : اني جيت بنستادنك ؟
ليث : نعم تفضلي و ناض من مكانه و مشالها
ليندا : اني بنطلع من اليوم تبدا عطلتي
ليث : بس اليوم الاربعاء و توه احني ضهر
ليندا : بناخد حاجات ناقصيني و بنبدا نقرا
ساره : عطلة شن ؟؟
ليث : و لا كانه يسمع فيها ... بصوت واطي احني متفقناش علي هكي انتي قلتي اسبوعين مش اسبوعين و 3 ايام ...
ليندا : تتكلم بسيف بس دكتور لان فيه مناهج ناقصيني
ساره : و لا ليندا بس عندها حق في عطلات شن جو واسطات ؟؟
ليث : بصوت متعفلق لو سمحتي ساره اصكتي مش وقتك كان معندك شي اهني اطلعي شوفي خدمتك
ساره : مصدومه
اسماء : ليندا تي وينك من امبكري ندور عليك
ليندا : نعم شن فيه ؟
اسماء : دكتور محمد يبيك
ليندا : تمام اهو مشيتله و طلعت من غير ما تشبح لي ليث
ساره : طلعت متعفلقه
ليث : اسماء شن يبي دكتور محمد من ليندا ؟؟؟
اسماء : ولله ما نعرف قالي ناديلي علي ليندا بس
عند دكتور محمد ....
ليندا : استادنت و خشت .. السلام عليكم
دكتور محمد : و عليكم سلام
ليندا : اسماء قتلي انك تبيني دكتور ؟؟
دكتور محمد : و عليكم السلام تفضلي خيرك مخلوعه خير خير بنتي
ليندا : قدمت خطوات و قعمزت علي الكرسي و تفكيرها في يد ساره اللي تلعب في ايد ليث بصوت متقطع ان شاء الله خير
دكتور محمد : سمعت انه امتحاناتك قريب
ليندا : اي دكتور و طلبت اسبوعين عطله منغير مرتب
دكتور محمد : انتي اخدمتي معانا الاسبوع هدا كله من 9 صبح لي 8 في الليل و مطلبتيش زيادات ؟؟
ليندا : اي دكتور عادي وحضرتك كان متقدرش تعطيني عطله عادي و نزلت راسها
دكتور محمد : لا اني معنديش مشكله في العطله صح بتخلي مكانك معانا بس عطله بنحسبهالك كأنك تستشغلي معانا و اصلا اني ناوي نعطيك حسابات العياده بلكامل لما تكملي جامعه ان شاء الله
ليندا : بصوت متفاجه من آخر جمله اي ان شاء الله شكرا دكتور علي تقتك هدي كلها
دكتور محمد : انتي بنتي اي شي تحتاجيه تعالي اطلبيه مني ولا يهمك
ليندا : دموع في عيونها و ادكرت بوها سالم شكرا دكتور مش عارفه شن نقولك بس اني نبي ناخد عطلتي من توه لان فيه مناهج ناقصيني
دكتور محمد : اي عادي زي ما تبي المهم باش ماننساش اخطمي علي مروان قوليله بعتني دكتور محمد
ليندا : تمام شكرا دكتور
طلعت من مكتب جتها اسماء
اسماء : خيرك ليندا شكلك هكي ؟؟

#يتبع في الحلقه ال9 ❤
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة