بين الحاضر و الماضي ( روايات ليبية )

حلقة 1

رواية #بين_الحاضر_والماضي
( واقع ممزوج بلخيال )
للكاتبة #راوية
الرواية بلهجة الليبية
الحلقة 1
مقدمة صغيرة جدا ❤️

ملاحظة ( رواية مكتوبلي تم توقيفها لان الكاتبة انقطع الاتصال بها مند أيام )

تعريف بشخصيات ...
ليندا:بطله راويتنا عمرها 20 سنه تقرا اقتصاد سنه اخيره في جامعه تحلم بهلبا حاجات متمنيه تكون حاجه كبيره في مستقباها بنت طموحه ومتقفه و طيبه و تحب تساعد اي حد يطلب مساعده و من احلامها تكون عيله من راجل تحبه و صغار
كنان:بطل راويتنا عمره 25 دكتور اسنان يحضر في امتياز في مصر هو و بوه عندهم عياده اسنان كبيره و معروفه هلبا في طرابلس
انسان عصابي منظم لابعد حدود يحب شغله و يطمح انه يطور من نفسه
خديجه:ام كنان مراء طيبه و هي دكتوره في جامعه اقتصاد مفيش حد في جامعه من طلابها ميحبهاش و مفيش حد يطيح في مشكله الا و يمشيلها طول
محمد: بو كنان شبه نفس شخصيه ولده انسان منظم و شاطر في شغله شاف الويل باش يوصل للمكانه اللي هو فيها
حنان: اخت كنان اكبر منه متزوجه و عندها ولد اسمه قيس وزوجها اسمه اسامه مهندس طياران و عايشين في مصر شخصيه دلوعه و جكتوره و هي محاميه
كمال: خو ليندا عمره 30 سنه متزوج بس ربي مرزقاش بي صغار و يشتغل موظف في شركه
اسمهان: زوجت كمال شخصيه انانيه و متحكمه جدااااا متحب حد حتي زوجها تزوجت بيه باش تهرب من زوجت بوها لانها زرعت فيها صفات هدي لا حد يحبها او يتحملها شرانيه جداا
و اكيد ح تعرفوا الاحدات في باقي سرد الرواية ...

#الحلقه الاولي ....

ليندا: صباح الخير
كمال: صباح الخير اختي وين ماشيه افطري قبل
ليندا:لا لا كمال معنديش وقت يادوب مسافه طريق للجامعه
اسمهان:كأني مش موجوده شفاف اني؟؟
ليندا:كمال اليوم مرات نعطل لان عندي محاضرات و بنمشي للمكتبه بنكتب موضوع طالبه منا الدكتور
اسمهان:اسمعي اني مش شغاله جبهالك خوك باش تخدمك وواحني مش جمعيه خيريه نصرفوا عليك بري دوري خدمه خير من دوتك الفاضيه هدي اهي اختي سيبت قرايتها و تخدم علي راسها
كمال:توه بتسكتي انتي ولا صبح يا فتاح شن دخلك بينك و بين اختي
ليندا:حست بلحق انها متقله علي خوها كمال اني كنت بنفاتحك في موضوع خدمه اني بندور خدمه لان هلبا زاد عليك الحمل و اني نبي نعاونك
اسمهان: باهي ولله اللي طلع عندك دم و تحسي
كمال: صكري فمك خير اسمهان ليندا لا تقل ولا شي اني وعدت امي و بوي انه مستحيل نخليك دقيقه
قبل 6 سنوات....
كمال: بوي هيا معاش وقت علي مطار
سالم:اني واتي هدي اختك و امك معطلينا
زينب: تبكي و تمسح علي شعر ليندا بنتي حبيبتي ياسر من البكي مش ح نعطلو كلها اسبوعين و نكون عندك رد بالك علي روحك و علي خوك قرايتك هي اهم سلاح عندك اسمعي كلام خوك وين ماهو وين ما انتي
ليندا: وهي صوت يبكي ماما بنستاحشك هلبا بالله اقعدوا علاش بتمشو توه حرام تخلونا
كمال و سالم: هيااااا معاش وقت واااك منكم
زينب:تمسح في دمعوها كمال اختك في عيونك رد بالك عليها
سالم:تعالي اميرتي علاش تبكي ا هو خوك معاك و احني نكلموكم اول مانوصلوا
كمال:علاش البكي بالله من غير نكد بادن الله كلها اسبوعين و ترجعوا و ادير ماما العمليه و تنوض بالف سلامه و باس علي رأسها
سالم: ردبالكم من بعض كمال ليندا
ليندا تبكي و شاده فيهم كأنه حاسه فيه حاجه بتصير
لما وصلو سالم و زينب لالمانيا دارت عمليه و في نص العمليه وقف قلبها و ماتت طلعوا دكاتره قالو لي سالم
طلع من مستشفي مصدوم ضرباته سيارة علي طول مات
المستشفي اتصلو بكمال و قالوله و من وقتها كمال رافع مسؤوليه اخته
اسمهان: اني معاش نقدر ندير كل شي بروحي و اختك تروح تاكل و ترقد اني مش شغالتها
كمال:خلاص اسمهان ضمي فمك خلي يومك يفوت
ليندا:مرت خوي اسفه حقك عليا خلي كل شغل الحوش لين نروح اني نضف و ندير كل شي(في قلبها متبيش ادير مشاكل وتنكد علي خوها)
اسمهان:يكون احسن
طلعت ليندا من حوش و هي قلبها معبي وصلت للجامعه و حضرت محاضراتها و مشت للمكتبه
ليندا:صباح الخير استاده خديجه
استاده خديجه:صباح الورد علي بنتي الحلوه اليوم انتي مش عجبتيني شكلك تاعب و مرهق ومهمومه احكيلي شن فيه؟
طبعا الاستاده خديجه تعرف كل شي علي ليندا وتحب تساعدها
ليندا:لا استاده غير شويه تعب مش اكتر
استاده خديجه: ليندا متعرفيش تكدبي قولي الحق انتي تعرفيني قداش نحبك و نعتبر فيك زي بنتي
ليندا:تفجرت بابكي و جت في حضن الاستاده و قعدت تبكي و تقول ااااانيي تعبت كل يوم مشاكل مرت خوي مش راحمتني ديما تسمع فيا في كلام بديت نحس ان اني عاله علي خوي استحشت ماما و بابا مشوا و خلونا و احني مزال محتجينهم
استاده خديجه:تأترت و بدت تبكي معاها معاش تقولي هكي سلم بنتي مرت خوك هي هكي فاضيه مش لاقيه ماادير و اصلا هي غايره منك لانها موصلتش زيك و كانك علي خوك اني متاكده انه يحبك و مش حاس بي شي و امك و بوك ربي يرحمهم هدا ربي شن كاتب
ليندا:ربي يرحمهم
استاده خديجه: توه امسحي دموعك و اطلبي مني شن تبي !؟
اني كيف نساعد بنتي الحلوه و نخليها تفرح و تضحك؟؟
ليندا :وهي تمسح في دموعها اني مستعده نشتغل اي شي عادي كان نشتغل نظافه في حوشك او حوش اي حد من اللي تعرفيهم الخدمه مش عيب
استاده خديجه: صح الخدمه مش عيب بس متمشيش مع بنت زيك شوفي..

#يتبع في الحلقه التانية ❤❤

إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة