رواية #بين_الحاضر_والماضي
( حقيقة ممزوجة بلخيال )
للكاتبة #رواية
الرواية بلهجة الليبية
حلقة 6
ليت : قرب منها و قاملها راسها فوق لين تلاقوا عيونهم مع بعض و بصوت حنين اسفه ولله نبصر انتي نضمي وقتك بس ... قصدي ميجيش وحده زيك في آخر سنه في جامعه و متعرفش تنظم وقتها عيب صح ؟
ليندا: متفاجئه و دايبه في عيونه و حنيته حاضر دكتور ليت بصوت متقطع و تاخد في نفس بسيف ... نحاول اكيده نقسم وقتي ونظمه
خشت ساره ...
ساره: دكتور ليث بصوت متفاجئه اسفه مكنتش نحسابك مشغول
ليث : و هو متوتر لا عادي مش مشغول تفضلي
ليندا: مزال قاعدة دايبه
ساره : ليندا شن معندكش خدمه اديريها مش عطيتك ملفات و المواعيد ترتبيهم ؟؟
ليندا : اي رتبتهم و كملت
ساره : كويس
ليث : شن فيه ساره كنتي جايا بتقوليلي حاجه ؟
ساره : كنت بنهدرز عليك شويه و... سكتت لانه ليندا قاعدة مطلعتش
ليندا : بصوت مرتبك تمام نخليكم ناضت و طلعت من المكتب
ليث : به كملي !!
ساره : ولله يا ليث شن بنقولك في واحد خطبني بس اني منعرفاش شن رايك انت ؟
ليث : راي في شن !!
ساره : نوافق عليه او لا !!
ليث : هدي حاجه تخصك ساره هدي حياتك انتي و انتي الشخص الوحيد اللي بيقرر قرارات مصيريه زي هكي
ساره : بس اني جيت ناخد في رايك
ليث : ولله لو انتي عاجبك وولد كويس اقبلي ولو عكس فوتي و زيدي فكري
ساره : بتنرفيز تمام صحيت عندي حاله توه اني
.....
عند اسمهان ...
آيه: شن راجلك ميبيش يحس علي دمه و يجي يراضيك
اسمهان : اسمعي فكيني منك خير
اصيله : آيه خلي اختك في حالها
آيه : ماهو مش معقوله من اللي جت مره وحده اتصل تي كلميه انتي اللي غالطه تبعي في كلام امك امك بتوديك في ستين داهيه
اصيله : انتي اصكتي و مدخلكش
اسمهان : اني معاش نبيه فقر و نخدم خدامه عند اخته و مش هدي العيشه اللي حلمت بيها
آيه : بالله توه كيف فقتي وين عقلك لما جي يخطب فيك ؟؟
ولا غير تبي تهربي من فرخ اللي دارلك فضايح
اسمهان : اص ولا كلمه
اصيله : خلاااص فكونا
عند كمال ....
كمال : الووو ليندا
ليندا : الوو اهلين كمال
كمال : شن كملتي نجي نروح بيك
ليندا : اي كملت و خش تعرف علي دكتور محمد راجل طيب هلبا
كمال : به
ليث : من الراجل طيب هلبا؟؟
ليندا : هدا خوي قتله تعالا تعرف علي دكتور محمد
ليث : واني مش طيب و متبيشي يتعرف عليا ؟
ليندا : لا طبعا اكيد بيتعرف عليك
كمال : السلام عليكم
اسماء: بصوت متقطع وعليكم السلام تفضل
كمال : اختي تشتغل اهني اسمها ليندا عادي تناديهالي ؟
اسماء : اي طبعا تقدر تخشاها امشي طول و لف علي اليمين اخر حجره علي يمين
كمال : شكرا
اسماء : العفو بعد ما مشي اوووف شن الغزال هدا يارب ديما تجينا الحاجات الحلوه هدي
كمال : طق علي باب سلام عليكم
ليندا : فرحت زي فرحه لما تبدي في مدرسه و بوك او امك يجوك ... خش كمال
ليث : وعليكم السلام
ليندا : كمال هدا دكتور ليث اللي نشتغل معاه
دكتور ليت هدا كمال خوي الكبير و الوحيد
ليث: اهلا و سهلا نورتنا
كمال : نور نورك دكتور
ليندا : بعد ادنك دكتور ليث بنشوف كان دكتور محمد اهني كمال يبي يتعرف عليه
ليث : تفضلي و استاد كمال في ضيافتي تفضل
كمال : بارك الله فيك
ليث : كيف الحال شن الامور ؟ شن تشرب !!
كمال : الحمد لله ماشيه / لالا شارب
ليث : به علي راحتك شكلك خايف علي ليندا !
كمال : لا ولله واضح من المكان كويس و الوجوه الكويسه بس خايف عليها تقصر في قرايتها و امي و بوي الله يرحمهم موصيني عليها وهي امانتي قدام ربي لين نوصلها لي المكان اللي تتمناه
ليث : و آثار الصدمه علي وجهه باينه .. اسف مكنتش نعرف ربي يرحمهم و يجعل مثواهم جنه
كمال : لا عادي تعيش ان شاء الله
ليث : حتي اني امي متوفيا من واني عمري 6 سنوات و الحمد لله لقيت بوي و ودكتور محمد كملت و اعتمدت علي نفسي
كمال: ربي يرحمها يا دكتور مش زي بنت زي الولد احني نستحملو و نتمرمدو عادي بنات صعب و ليندا شخصيه طيبه و اي حد يمشيها عليها من كثر طيبتها يستغلو فيها ناس مرات من طيبتها
كمال: صح في هدي عندك حق بس اطمن من ناحيه هدي اني معاها و ح نساعدها
...
ليندا : كمال دكتور محمد روح ملقيتاش في عياده كلها
كمال: يلا معليش اهو تعرفت علي دكتور ليث
ليث : اي ولله شبح لي ليندا و غمزلها و قال .. اهو جيت و تعرفت عليك اني و ليندا فيتتنا و تبي تعرفك علي دكتور محمد بس
ليندا: لا دكتور مقلتش هكي اني و تحشمت
كمال : اللي كاتب كاتب من عند ربي شكرا دكتور و ان شاء الله معرفت خير و منوصيكش اني خو ليندا في حوش و انت خوها اهني دير بالك
ليث : لما سمع جملة ( انت خوها اهني ) نصدم في قلبه تي اما خوها و اللي نحس فيه هدا شن يقولوله ... بعد لحظات .. اي ان شاء الله ربي يستر خلينا نشوفوك عاد
كمال : ان شاء الله
ليندا : نقدر نروح دكتور ولا خلاص معاش تبي مني شي !؟!
ليث : في قلبه .. تي منبيكش تمشي من قدامي امتي يجي غدوه و نشوفك .. فاق من الدوشه الي في راسه لا لا تمام هكي غير زي ما وصيتك امبكري متنسيش مع نص ابتسامه
ليندا : حاضر دكتور يلا مع سلامه
كمال : سلامه
ليث : مع الف سلامه
.....
و هما طالعين ...
#يتبع في الحلقه ال 7
اولا نحب نشكركم علي كلامكم الحلو تانيه اسفه لان فيه هلبا اخطاء املائيه ح نصلحهم في الحلقات الجايا
تالتا و الاهم الحلقه صح قصيره بس لانها البدايه و في نفس الوقت منبيكمش تقلقو الحلقات الجايا اطول و فيها احداث اسرع
شكرا ليكم 💓💓
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه
MBC LIBYA تابعوا صفحة
YOU ARE READING
بين الحاضر و الماضي ( روايات ليبية )
Romanceمن اجمل الروايات الليبية تحكي علي بنت طموحة و متفائلة تعيش مع اخيها الذي يساعدها و لكن يقف في عاتقها زوجة اخيها و أشخاص ليفسدوا مابنته بسبب الغيرة لتجد أمامها شخصين سيقفوا بجانبها فا من تختار
