عوضني بيك

#عوضني_بيك

الحلقة 8

رهف: انسجمت مع البنات وفرحانات بيا وايعلقاً ع خالد شن ايحب وشن يكره وايخبراً ع مقالبة وقلبي ينبض كل مايقولاً اسمه زدت حبيته اكتر وبعد منير ايعلق واني نضحك عليه انشوف في خالد مش عاجبه كان متعقد من حركات منير معاي قلت في عقلي غار عليا لالا اي غيرة بالله يارهف حتي انتي تخرطي
ميرال: الووووو رهف وين رحتي
رهف: معاك نعم
رويدة: لا والله ماك معانا العقل طلع مع خالد شكله😂😂😂
الكل: ههههههههه
ع سالمة: خلنها في حالها وحدة منكن اتنوض اتديرلنا طويسة شاهي
هناء: تو انوض اني ياعمتي
ع سالمة: سلمها ياربي.. خبريني يارهوفه شنو عجباتك الشقة
رهف: اي عجبتني والله مش ناقصها شي مع خشت منير جايب الحاجات
منير: كل شي ذوقي اني راجلك مادار حاجة فيها😁😁😁
رهف: والله ذوقك حلو
الكل: 😂😂😂😂😂
منير: خودي يابسمة من يدي اني طالع ماتراجوني ع العشي
هناء: وهذا الشاهي ياعمتي تفضلي
رهف: جوهم ايهبببببل اول مرة انعيش الجو هذا عيلة مترابطة حبييييتهم😍😍 بعدها اتذكرت كلام خالد شهرين 😔😔😔يعني شهرين وبنرد لي معاناتي الاولى...
~~~~
منير: بعد طلع رن تلفونه... اففف شن تبي النم هذي الوو
نورا: وينك يابيبي قلت تو انكلمك وفتتني
منير: والله ياقلبي مافضيت وفي عقله ايقول شن هالصقة
نورا: باهي امتي بتلاقي خيرك انت قعدت تتهرب مني ماعاد اتحبني كيف قبل
منير: تبي الحق من الاخير اني بننهي الموضوع مافيش نصيب بينا وتمت القصة تريحتي خلاص ياخاينه
نورا: قول من اول عارفتك لاقي وحدة جديدة بتكسد عليها خزي انت خاين وكذاب
منير: بالله اتسكري فمك والا انجيك انكسرك اني اصلا الاشكال يلي كيفك كرهتهن بالله فوتيني وصكر عليها الخط نكدت عليا نكد عليها
نورا: خزي صكر في وجهي
صاحبتها: قتلك اني اكيد راك مع محمد هو من النوع مايتحملش الخيانه
نورا: هيييييي زعمك راني
كسدنا شوي وتعشينه وقالي خالد هيا روحنا كان خالد متوتر في فمه كلام مش قادر ايقوله وصلنا واني خشيت طول لدار غيرت لبست بيجامة وطلعت للمطبخ لقيت خالد في المطبخ..
رهف: تبي شي انديرلك
خالد: نبي قهوة ديريها ليا
رهف: حاضر..
خالد: رهف
رهف: كان لابس تيشرت بارزات عضلاته وشخصيته اتهبببل والعصبية باينه عليه... نعم!
خالد: منير ماعاد نبيك تحتكي بيه واجد انتكلم واني ضاغط ع سنوني
رهف: عادي هو جوه هكي واني ما كترتش معاه هذرزه عاديه
خالد: خبطت يدي عالطاوله كيييف عاااادي خوووي وعااارفه مانبيييكش تحتكي بيه ونقصييي الضحححك معاه فهمتي😠😠خديت قهوتي وطلعت
رهف: انقص ايدي كان ماكنت غاير عليا😌😌 تو انوريك ياخلود😍😍 خشيت لي داري كلمت رانيا شوي وخبرتها ع صار وخديت منها شوي نصايح والحق رانيا عندها نضرية للقدام تعجب فيا مرات ونويت نبدا الحرب مع خالد😎😎😎وخداني النوووووم...
خالد: شكلها رقدت ماعاد عندها صوت خشيت لدار بشوي لقيتها راقده زي الملاك وشعرها نازل ع وجها جيت مع الجهه التانية وامتديت ع السرير واني انشوفلها لين خداني النوم😴😴😴

~~~
رهف: اول مافتحت عيني لقيت وجهي في وجه خالد هذا شن جابه هنا شن صار امبارح حسيت بيه تحرك غمضت عيوني درت روحي راقده قعد ايتحرك بشوي وطلع من الدار
خالد: نضت لقيت روحي راقد ع السرير اتذكرت امبارح بعد جيت اتكيت حداها قعدت نسحب من السرير بشوي عن ماتنوض رهف وتلقاني جنبها وطلعت لصالة ورقدت ع الكنبة ع اساس من امبارح😁😁😁 ااااااه شن درتي فيا يارهف بس
رهف: نضنا فطرنا وجونا عادي حسيته ايتهرب مني وع ابسط موقف ايتعقد وايتعصب في العشية خطرت عليا صورة باتي قتله شن صار فيها قالي كلميها تو ايعدي منير ايجيبها منها كلمتها لكن انسيت ماقلتلها منير
خالد: كلمت منير وعطيته نعتت الحوش وعدا اول ماوصل رن عليا قالي قول لي رهف اتكلمها اتقوللها برا جيتها في المطبخ قلتلها كلميها قاعد برا ايراجي
رهف: ماشي خديت تلفوني وكلمتها رنووو اطلعي برا ايراجي فيك
رانيا: ماشي اني طالعة اول مافتحت الباب كيف المخلوعة لقيته مش خالد لاني خالد ريته يوم الفرح بعد ركبنا رهف في السيارة هذا مش خالد لين هو تكلم
منير: ياامي ع ام الجمال 😍😍😍اني نحلم والا حق.. اني دازني خالد قال عنده امانة هنا
رانيا: اي اي تفضل تعبناك معانا
منير: تعبك راحه قصدي تعبكم راحه😊😊😊 هيا سلام
رانيا: سلام... صكرت الباب واني دايبة فيه وفي كلامه من هذا خزي... ع رهف ماتقول في حد جاي بيش نبرم ع وجهي طالعة امشفشفة😂😂😂😂

~~~
رندة: سمر قولي لي امي بكرا نمشو لي عمتي سالمة
سمر: قوليلها بروحك كان تبي تمشي
رندة: اني ماتباش لكن انتي ماتقول عليك شوي والنبي سموري اوخيتي
سمر: تو انشوف مش اكيد لكن ماتعبيش واجد وبعدين شن تبي ماشية عليش ناوية
رندة: وااااااك عليك فكرة واخدتيها عليا شن بندير يعني قلنا انغيرو جو بس😏😏😏
سمر: اي صدقتك وطلعت
رندة: اجعنك ماصدقتي😎😎😎

~~~~
منير: ياامي هذي شنو صارووووووخ ايوووه
خالد: ها شنو جبت الامانة
منير: جبت الامانة وخليت قلبي❤❤❤ وعقلي وروحي😍😍😍😍
خالد: شنو تخرط انت
منير: شي شي طبعا مش حاتفهم انت عديم المشاعر😂😂😂😂
خالد: اقلب زومتك انراجي فيك في الحوش سلام
منير: سلام

~~~~
رانيا: يادراه ياغبية يابقرة ليش ماتقولي مش خالد يلي جاي😒😒
رهف: ههههههههه والله نسيت وشن صار يعني كيف خالد كيف خوه
رانيا: ماهو ياغبية كان مش خالد اني بنوتي صنارتي بيش نصطاد لكن بوجهك ودرتي عليا العريس جفلته بشفشوفتي طالعتله كيف الخايبة😂😂😂
رهف: ههههههههههه مع خشت خالد شبح فيا شبحه وبعدها مشي للزيانه بخ من عطره وساوة رقبة قميصة وطلع واني قعدت هايمه في عطره وفي طلته وشخصيته يلي تقتل😍😍😍😍😍😍...
رانيا: الووووووووو
رهف: هااا طرشتيلي ودني نسمع فيك
رانيا: ليا ساعة انكلم فيك وين رحتي
رهف: هيا سلام توا بكرا انتكالمو
رانيا:مجنونة هيا سلام....

~~~~

خالد: طلعت من الدار واني فااااااصل عروقي بينفجرن انييي حمااار ليييش نااااخدلها فيه الخربة بيييش اتمييعد بيه وتضحححك بعدها رن تلفوني ايييوه
منير: هيا انزل تحت نعطيك الامانة
خالد: هيا هيا... نزلت لقيته اهلين
منير: هلا
خالد: وينها
منير: اهي نبي نعرف شني هيا الامانة المهمة يلي بسببها ودرتوني وخليتوني بلا عقل😂😂😂
خالد: صورة باتها وانت خيرك اليوم امولي تخرط وخلاص
منير: سلامتك هيا اني ماشي سلم ع رهف
خالد: سلام... انسلم علي عينك مش ع رهف ورقيت
لقيتها اتراجي في الصالة.....

****

يتبع

#الكاتبة_موني_موني