عوضني بيك

#عوضني_بيك

الحلقة 6

خالد: خشيت عليها حسيت بيها متوترة واني واخد قراري من اول ليلة بنحسم كل شي..
رهف: دقات قلبي زادت بعد خش لدار قريب متت من التوتر انقول في عقلي نهايتك يارهف قعدت انكر في روبي وانسب ونلعن في رانيا ع الروب يلي حاطاته حسيت بيه قرب وقعمز جمبي😬😬
خالد: احم اححم تنحنحت وكربت روحي بعد المنضر يلي ريته حسيت روحي ضعفت اسمعي يااا... قعدت ساعة نذكر في الاسم وانغمض في عيوني ونفتح شنو قال اسمها ولد عمها شن قال شن قال
رهف: رهف
خالد: اسف بس انسيت اسمعي اني حاليا مش مستعد ماحبيتش انزعل امي واني مانبيش نظلمك معاي نبيك اتكوني متفاهمه وتفهمي كلامي وتعذريني وقفت بنطلع ردني صوتها..
رهف: مش عارفه كيف جت القوة وتكلمت يمكن لان وجعني كلامه المفروض ايقدرني في يوم زي هذا.. حتي اني زيك مغصوبه واكتر وياريت كل واحد يعرف حدوده مع التاني وكريت الغطاء ورقدت نسمع في صوت النفس امتاعه قوي عرفته ماعجباش كلامي نسمع في باب الدار تقربع لين انخلعت
خالد: شن ولييتي لين اتقولي هكي تو انوريك بيناتنا الايام وتعرفييي من خاالد تو انورررييك قعدت انخبط يلي اتجي قدامي نخبطها بعدها خشيت للحمام غيرت وطلعت لنووم طول بيش ننسى يلي صار😴😴😴
رهف: بعد طلع نسمع في الدنيا انقلبت تخبيط وتكسير الحق خفت منه بعد ريته كيف عروقه طالعات والعصبية باينه عليه قعدت انفكر كيف بنعيش معاه لو عصب مرة تانية احتمال يقتلني خطرت عليا كلمة باتي في الحلم انولدتي اليوم ههه اني ممكن اليوم متت نزلاً دموعي ماقدرت انشدهاً نبكي ع بختي وع حظي يلي جابني هنا بعدها استسلمت لنوووم😴😴😴

~~~~

الصبح**
خالد: وعيت ع تلفوني يضرب ايوه ياامي
ع سالمة: صباح الخير ياوليدي مبارك ان شاءالله من صوتها باين عليها الفرحة
خالد: صباح النور الله ايبارك فيك
ع سالمة: قول للعروس شوي وجاياتك بسمة ومعاها المزينة بيش اتلبسها
خالد: الساعة كم توا رفعت راسي لساعة يلي قدامي لقيتها12:00 اففف وقت ماشي ماشي تو انقوللها
ع سالمة: باهي هي بالسلامة
خالد: سلام.. دقيت عليها في الدار مافتحت رديت دقيت مافتحت قلت اكيد راقدة فتحت الدار وخشيت لقيتها اتصلي عجبني منضرها بلبست الصلاة قعدت واقف وانشوفلها لين كملت قلتلها صباح الخير
رهف: صباح النور
خالد: امي كلمتني قاتلك وتي روحك المزينة جاياتك والا شنو
رهف: انكلم فيه واني نسلب في لبسة الصلاة.. ان شاءالله
خالد: ويلي صار امبارح يقعد بيناتنا ويلي يسألك قولي تمام
رهف: ان شاءالله😔😔
خالد: طلعت من دارها واني ضميري ايأنب فيا حاس في عيونها حزن واني زدتها علي مابيها اففف كيف اندير معاها انهذرز معاها نفهم منها خيرها يمكن وجعتها من كلامي امبارح ماعرفتش كيف انوصله ليها بطريقة احسن قعدت ساعة واني اندخن وافكار ماشيات وجايات بعدها خشيت غيرت وتوضيت وطلعت صليت لين نسمع في الجرس ايرن فتحت لقيتها بسمة والمزينة
بسمة: هلا ياعريس😁😁
خالد: اهلين خشي رهف داخل اني طالع
بسمة: ياعروووس وينك
رهف: اهلين تفضلي كيف حالك
بسمة: الحمدلله كيف حالك انتي وشن جو خلودي😉😉
رهف: تمام😊😊
بسمة: هيا نبدو ماعاد في وقت هيا ابدي فيها
المزينة: هيا