#بعد_ما_تلاقينا
الحلقه 14
قعدنا نخممو انا وايه كيف بنهربوها وكيف بتطلع في المغرب
جت خالتي لقتنا نهدرزو
خالتي : اسمعي متقوليش بجديات تبي تطلعي ؟؟
ايه : لازم نطلع اقسم بالله مسأله حياه او موت وراسك ساعديني ودرقي عليا قدام خالي
خالتي : انا مس حنساعدك لان هدا غلط لكن بنقولك خالك مش بايت هني الليله
انا : خلااااااااص ميه ميه معناها تو ندير في مكانك مخاد ونغطيهم وكان ماما جت لي الدار تو تحسابك راقده
خالتي : ووووووووووووه منكم تاكلوووني
ايه : واااااع زومبيييييييي هههههههههههه
انا : هيا بطلي توا كلميه قوليله يجيك وانتلفي اللي يشوفك ميقولش كانت معلقه تغديه وشويه وبتموت
ايه : تبيني نقعد ميته .. خزي ياحيوانه اهو تو نتصل بيه
خالتي : والله ماتوبي انت لين تجي علي راسك الفجي وخلاص
ايه : بعيد السو عليا ووووووووه من عياطك اللطف
انا : باهي تو شن بديري معاه حسن نبي نفهم
ايه : بنقوله اني معاش نبيه وكل حد يمشي علي حاله خلاص عييت قداش مني النبي
انا : مدايرتها قبل هكي مليون مره شن للي مخليك توتقي ان حسن المره هدي بيوافق
ايه : بنقوله اني معاش نبيه ومعاش نحبه بنطيحله قدره وبنمسح بيه الوطا وان شاء الله ضميره يتحرك
انا : برضو مليون مره دايرتها حتى هدي
ايه: باللهي عليك اسكتي انت وكميه التشائم اللي فيك هدي
انا : مش تشائم لكن حسن صعب يسيبك
ايه : انا بنحاول وان شاء الله تشد معاي
انا : بتبتيها علي روحك انك مسيبتيه علي خاطر محمد ... بدات بعدما محمد جي لي المستشفى بعد المسج هديكا
ايه : لو كان اطريت اني نقوله ان انا علي علاقه مع محمد حنقوله
انا : باهي وكان يديرلك حاجه لي محمد والا يوصل فيه بي شي
ايه : مه انا بنقول لي محمد بعدها ان في شخص يبيني وبيضرك وبنقوله رد بالك منه غير نساوي وضعي مع حسن ونفتك منه بعدين ساهل
انا : منعرفش مش مرتاحه لي القصه يستر الله وخلاص
ايه : زيك زي خالتك ... احرف من بعض خلي نوض نكلمه
ناضت ايه تكلم في حسن وانا جنب خالتي قعدنا نهدرزو وانس طايح يهدرز معاي وانا بالي في ايه وفي الرقم اللي اتصل
يمشي الرقم يتصل مره تانيه رديت عليه
انا : الووو .. مني ؟؟
رد عليا صوت راجل
المتصل : كيف حالك ؟
انا : كويسه من معاي ؟
المتصل : مش حتعرفيني .. حبيت نطمن عليك بس ماناقصك شي ماتبي شي ؟؟
انا : كيف مش حنعرفك قولي انت منوووو ؟؟؟
المتصل : قلتلك مش حتزبطي انا من
انا : به كيف انت ىتعرفني ومن وين تعرفني
المتصل : مش ضروري هدا كله هي سلامات
قاعده كيف بنتكلم سكر الخط ي وجهي
خالتي : من هدا ؟
انا : تشوفي فيا ساعه نقوله مني معاي ؟؟
خالتي : ومعرفتيش الصوت باهي ؟
انا : والله مازبطه . مفهمتش من هو ومن يطلع هدا
علي جيت ماما
انا : ماما شن فيقك ونوضك من مكانك
اميره : نضت نبي الحمام . قلت نجي نطل عليكم وين ايه ؟
انا : ايه فوق مش عارفه شن دير لكن تقريبا رقد
علي جيت ايه نازله من الدروج شافت ماماوخرت التالي تجري
اميره : باهي خلي ترقد للي صار فينا مش شويه ..
انا : خلاص بري ارقدي توا وبعدين ساهل ... اهم شي راحتك توا
خالتي : وشن الي صار فيكم ؟؟
انا : مش وقت هدرزا توا بري ماما
مشت ماما وقعدت انا وخالتي الي فتحتلي محظر بتع تحقيق ونزلت ايه من الدروج مبدله
انا : باهي اللي مشافاتكش ماما غباره
ايه : شفتها كنت بننزل وخرت
انا : شن صار معاك ؟
ايه : حسن يستني اهو بنطلع
خالتي : ميتاجلش موعدك لي غدوا الصبح ديري في النهار زي الخلق علاش في الليل
ايه : منقدرشش
انا : وعلاش
ايه : ت مه قلتله خلاص معاش نبيك قالي اخر موعد وكان ماجيتيش بنمشي لي بوك والا بنديرلك العار وانا نعرفه يدير اكبر من هكي بنسايره
انا : اطلعي توا بعدين ساهل المهم متباعديش من هني
طلعت ايه فم الباب وقعدت انا وخالتي في الحوش نهدرزو ونخمم انا وياها من هاالمتصل الغريب هدا
ايه : الو انت وين .؟
حسن : انا في راس الشارع تجي والا نجي انا ؟
ايه : تعالي درس تحت الشجره الكبيره الي مقابله الحوش
جي حسن ودرس وركبت معاه ايه وطلعو
ايه : هي قول شن تبي مني منقدرش نعطل
حسن : مش حنقدر نهدرز معاك وانا نسوق
ايه : مالا وين ماشي بيا
حسن : نمشو لي المكان اللي ديمه نتلاقو فيه نهدرزو كلمتين ونرحو
ايه : قتلك منقدرش نعطل تبي حتى تقعمز وتهدرز
حسن : نمشو بسرعه ونروحو خير مانمشو ومعاش تروحي
ايه : حسن انا معاش نبيك افهم كان تبي تفهم محاولاتك توا معاي كلها عالفاضي راه
حسن : السبب؟
ايه : معاش نقدر نكمل معاك لي هلبا اسباب
حسن : نبي سبب واحد !! من حقي نعرف
ايه : منبيش ندكر اسباب
حسن : علي خاطر حبيبك والا ؟؟
وبدي يعيط ويخبط علي السياره
حسن : قوووووولي علي خارط محمد والااااااااا تجري بياااااا تحسابيني مش راااااااجل اناااااااااا تضحكي علياااااا
ايه : علي من تعيط انت . مليووون مره نقولك معاش نبيييييييك فوووووووتني خللااااااص وانت قااعد متبيش تخليني في حالي شن بندير معاااااك
حسن : مش حندوي شي انا لان ورب العزه حنقلب .... امها السياره نوصلو وبعدين ساهل
ايه : انا قلتلك ياولد الناس كان تبي تفهم انا خلااااااااص معاش نبيييييك نوصلو لي المكان والا نوصلو لي جهنم
شرين تليفون ايه في نص الهدرزا اللي بينها وبين حسن شافت التليفون وداراته صامت جبده منها حسن بسرعه بدون ماتحس وعاود اتصل بي الرقم اللي اتصل بيها
ايه : هات التليفون
حسن : ولا كلمه سكري فمك
ايه : قلتلك جيبه التليفون انا
رد محمد عالخط ودار حسن كتم مكالمه
حسن : تكلمي خير مانتكلم انا
ايه: سكر الخط وفكني منك توا مش وقتك
حسن : قلتلك تكلمي خير مانرد انا
ايه : الوو
محمد : ها بيبي وين ياقلبي فايتتني هكي
ايه : قاعده
محمد : وين قاعده ياحبي
ايه : في حوش ميما
محمد : وخيره الغزال مكلمنيش من بكري
ايه : كنت مع ماما وخالتي
محمد : به توا من معاك ياقلبي ؟؟
ايه : معاي خالتي واروى
محمد : يعني انخليك غزالي ؟؟
ايه : اي شويه ونكلمك
محمد : خيره الوضع جفاف هكي هاتي وحده باهي
ايه : مه منقدرش تعرف انت
محمد : مش مسكر لين تجيبي وحده
ايه : منقدرش قلتلك
محمد : هياااا
ايه : امممممموا
محمد : عسسسسسل .. هي وقت تبدي بروحك كلميني
ايه : تمام ...
محمد : نحبك باي
سكر حسن الخط وخدي التليفون وقعد يقربع فيه علي السياره ويعيط
حسن : انااااااا الي نحرك في دوووله تضحك عليا وحده زيييييييييك
ايه اعصابها بارده ومش معدله علي حسن كيف يعيط لان تعرفه علي قد ميعيط مستحيل يديرلها حاجه والا يضرها لانه يحبها
ايه : مضحكتش عليك
حسن : وهداااا شن ؟؟؟
ايه : هدا صاحبي
حسن : وتقوولي فيهاااااااا في وجهييييييي تشووفي فيا ....... والا شن ؟؟
ايه : نقول في الحق انا
وصلنا لي المكان ونزلنا المكان كان حوش حسن اغلب الاوقات يتلاقو فيه ايه وحسن ويكسدو مع بعض لان ايه ديمه خايفه يشوفها حد مع حسن في مكان عام
حسن : انزلي
ايه : اختصر نهدرزو حتى في الجنان
حسن : قلتلك انزلي
نزلت ايه وخشت هيا وحسن لي الحوش
حسن : علاش قولتيلي نحبك باه ؟
ايه : لانك انت كنت تبي تسمعها مني
حسن : وعلاش تسمعي فيا في حاجه كدب ؟
ايه : لانك انت تبي نكدب عليك
حسن : معاش تحرقيلي دمي .... شن درتلك انا حرام عليك علاش هكي ديري فيا قصرت معاك ؟؟
ايه : لا
حسن : وقفتي نهار عليا في فلوس والا في خدمه ورديتك ؟؟
ايه : لا ,,
حسن : اخر تليفون ينزل يكون عندك ,,,, بدل الدهب لبستك الماس ,, فلوس صارف عليك بالدولار علاش تخونيني ؟
ايه : مخنتكش انا
حسن : مالا هدا شن يقولوله ؟
ايه : منعرفش ,, انت الي خشيت علي حياتنا وهو نعرفك قبله
حسن : هاه يعني تخوني فيه هو معاي ؟
ايه : حاجه زي هكي
حسن : باه مدام تحبيه علاش قعدتي معاي ؟
ايه : مونعرفش
حسن : ت مالا شن تعرفيييييييييييييي
ايه : نعرف اني نبيك تخليني في حالي وتفوتني
حسن : والي بيناتنا
ايه : خيره
حسن : كيف بننساه ؟
اي : تو تنسا وتعيش
حسن : كيف ننساك وانا في الحوش هدا خيالك معاي ديمه ضحكتك ديمه فيه ,,, نسيتي قداش قعمزنا هني وهدرزنا وضحكنا نسيتي هدا كله
ايه : مش مجبوره نقعد متفكراته نبي نعيش مع الشخص لي اختاره قلبي
حسن : وانا شن باه ؟
ايه : منعرفش
حسن : انا المصروف هههههههه انا طلعت المضحكه اللي يصرف
ايه : مصرفتش عليا علي سواد عيوني ,, وبعدين علاقتنا مبنيه عالشي هدا الغداء مقابل النفط حبيبي
حسن : لاني حبيتك
ايه : وحتى انا مش مقصرا معاك في شي
حسن : الحاجات اللي تتكلمي عليها اي وحده تقدر تعطيهولي وماعمري شفتلك بالنظره هدي لاني حبيتك
ايه : ت علي من جاي تفوت فيه انت النبي ,, ت تحساب صورك ميوصلوش فيا , رقادك مع البنات وسهراتك وحفلاتك وعارك كله اول بي اول راه ,, تبيني نقعد معاك كيف ونحبك كيف
حسن : يكفي اني نحبك
ايه : الحب بروحه مينفعش ,,, الحب مع الخيانه اعيييي بلاش منه
حسن : بتقنعيني انه ماعمره خانك هو ؟
ايه : ولاعمره فكر يشبح لي غيري ,,
محمد : باهي انت علاش درتي فيا هكي ؟؟؟
ايه نجلطت وماتت في مكانها وقعدت تفنص
محمد طلع من دار كانت مسكرا وجاي يقوللها
محمد : نسال فيك ردي انت علاش خنتيني مدام انا ماعمري فكرت حتى نشبح لي غيرك ؟؟
ايه تشبحله وتشبح لي حسن مش فاهمه شن صاير حسن قعمز علي الصالون ودار رجل علي رجل
ايه : م م م م ححح ممممم دددددد
محمد عيونه معبيات دموع : عندك الحق الحب بروحه مينفعش والخيانه اعييييي عليها والله حق ادوي خيرك ساكته تكلمي ؟؟ وينه صوتك اللي قبل شويه ؟؟
ايه قربت من محمد و هيا تبكي وقعمزت علي ركابها من كترت البكي وهيا شاده في رجلين محمد ومش عارفه شن بتقول
محمد : وخريييييييييييييييي نحيييييييييي من علياااااااااا ,,, ياخاااينه يامصخخخخخخخخخخه ياعفنننننننننننن
ايه : محمد لااااااااااا بالله عليك انا مش هكي وراسك محمد لاااااااااا افهمنييييي
محمد : شن بنفهم ياحيوانااااااااااا في شن قصرت معاااااااك حرام عليييييييييك
ايه : والله نحبببببببك والله نعبد عبااااااده والله نموت كان تسيبني محمد بالهي عليك افهمني
محمد : علاش كنتي تقولي منبيش منك فلوس منبيكش تصرف محمد دس فلوسك محمد معاش تصرف نحسابك انسانه قنووعه الزح منحسابكش طمااااااعه وتمصي في الفلوس منغيري مدامك ماديا وتبي من يصرف طلعتي عيوني وراني خدمت ليل نهار عليك ودرتلك شن تبي المهم صونتيني ومخنتينيش علي قلبي زي العسل علااااااااااااش ديري فيا هكي حبييييييييتك انا حبييييييتك حرام عليك واللهي الا حرااااااااام
ايه تبكي ببعبرتها ومقعمزا لوطا : كنت نبيك تكون روحك منبيكش تتعب ولا تفكر فيا شن ناقصني وشن مش ناقصني منبيش نزيد نكدرك
محمد : ياريتك كدرتيني ياريتك خليتيني نخدم زي الحمار وننتل ونخمم ولا ديري فيا الي درتي انا حب حياتي يطلع في الاخير كدب ؟؟؟ انا شوفتك مرتي انا شوفتك ام صغاري انا نحبك ونخمم فيك ونفكر وانت تفكري في الفلوس وفي النقالات هاه عليك مهزله
حتى انا نحبك نحبك محمد نحبك والله نحبببببببك محمد افهم وحق الله نحبك
محمد : اللي يحب يصون
ومشي وخلاها
حسن : وين يازعيم ؟؟
محمد : مروح وباللهي عليك حتى انت معاش نبي نعرفك ولا نبي نشوفك زيك زيها كناسه وعفن تفووووووه
دفل عليهم الزوز وطلع وخلاهم ناضت ايه تجري
ايه : محمممممممد محمممممممد نموووووووت كان تسيبنيييييي بالهييييييي عليك محمممممممد
طلع محمد يجري ودمه يغلي ومباش يتلفت عليها طاحت ايه صاخت
جي حسن يجري قامها ورفعها لي العياده خش بيها العياده وطول عالطواريء
نتصل بيهامعاش ردت نشغلت عليها تصلت بي حسن
انا : الو حسن وين ايه ؟
حسن : شويه ومروحه
انا : باهي وينها هيا نكلمها اعطيهالي ؟
حسن : في الحمام
انا : حمام شن ,, حسن اختي وين ؟؟
حسن : قلنا تو تكلمك خلاص باي
سكر في وجهي الخط ومشي يسمع في ايه تعيط جاها يجري
ايه : درق وجهك من عليااااااااا يا ,,,,,, ياولد الـ,,,,,,,,,
حسن : وطي صوتك احنا في مستشفى
ايه : شن مازال تبي مني حرام عليك اخطانيييييييييي ,, درق وجهك ياحيوااااان
مشي حسن وخلاها وقعمز برا دورا بين دورتين يشوف فيا انا وخالتي خاشين نتجارو لقيته قدامي
انا : وينها ايه شن درت فيها شن درت في اختي رد ؟؟
حسن : مادرت شيي انا اختك اداخل
خشيت انا وخالتي لي ايه واول ماشافتنا رجعت تعيط
ايه تبكي : ااااااااااه يا اروى ياوخيتيييييي قتلنييييييي ااااااه
انا : خيرك شن دارلك شن دااار تكلميييي
ايه : قتلنيييييييييي في الحييييييي ياوخيتي ولع في قلبي نااااااار معاش في شن يطفيهاااااااااا
طلعت خالتي تجري لي حسن
خالتي : شن درتلها البنت تكلم ؟؟
حسن : مادرتلها شي هيا بروحها صاخت عليا جبتها هني طول
خالتي : يجيب الله تطلع دايرلها حاجه بس
خشت خالتي
خالتي : هيا نوضي خلاص بنروحو بيك مافيك شي الدكتور قال دوخه بسيطه
انا : وشن السبب باه
خالتي : قال اعصاب
انا : ايه وخيتي تكلمي وحده وحده حسن شن دار فيك ؟
ايه : دار فيا دير اليهووووود اليهودي هداااااا كلب الكلاااااااااب الحيوااااااااام حسبي الله ونعم الوكيل فييييييه
انا : خلاص اسكتي باهي ريحي روحك
ايه : اما روح اللي قعدت فيا روحي طلعت مني خلااااااص ,, روحي راحت معااااااااه
انا : خالتي هيا قيمي معاي نطلعوها وخلاص
طلعنا بيها واحنا كيف طالعين نلقو حسن واقف وتشوفه ايه وتنوض فيه
ايه : ياعنـ,,,,,,, درق وجه ـــــــــــــــــــــــــــ من علياااااااااا برا الله لا تسامحككككك ولا تربحكككككك ياحرايميييييي
انا : خلاص اسكتي الناس اسكتي
حسن : علاش طلعتو بيها
انا : مش عام هدرزو توا
#يتبع
