روايه #بعد_ما_تلاقينا
الجزء 2
الحلقه 9
كيف بنرد علي السفاح قالتلي ايه مترديش نقولك كلمتين وبعدهم ردي قتلها انا اوك
ايه : تو بتردي عليه وبيقولك مدام ايه جنبك مش حنقدر نتكلم طلعيها باش ندوو بروحنا انت قوليله اصلاً ايه طلعت من بكري
قعد السفاح يتصل بيا ويعاود لين رديت عليه وفتحت المايك
انا : الو
السفاح : اها
انا : عاودتلك مرديتش عليا
السفاح : اختك عفلقتني الحق
انا : شن بنديرلها باهي
السفاح : منعرفش ،، المهم بروحك انت والا معاك هيا ،؟
فنصت فيا ايه
انا : لالا بروحي
السفاح : انا مش زي ماقالتلك ايه راه والايام تو تتبتلك انا شني
ايه قعذت دير في يدها عالتليفون بتع 🤬🤬 انا بنضحك مقدرتش
السفاح : خيرك ساكته
انا : لا شي
السفاح : ايه اكيد قالتلك ديري بالك منه وهذا بياخد حاجته وخلاص
انا : لالا مقالتش
السفاح : نزبط انا ،، المهم في الجذيذ كان تبي تقعدي تكلميني مش حتاخدي الا القدر وديني يدي ماحنحطها عليك لين تكوني راضيه انت
انا : ان شاء الله خير
السفاح : نحس فيك مش مقتنعه بكلامي
انا : لالا بالعكس
السفاح : انا معاش حنتصل بيك بنخلي القرار ليك انت رقمي عندك وكان تبي تتصلي تعرفي كيف توصلي فيا
انا : علاش تقول هكي
السفاح : خلاص خلاص انت تعرفي وانا نعرف علاش نقول هكي هي منعطلش عليك ياغزال تصبح علي خير
انا : غير ،،،، ونسمع صوت القطار
انا : اهااا ريتي الولد سكر علي وجهي
ايه : افلاااام تمتييييل واقسم بالله الا تمتييييل
انا : باهي باهي هي تعالي نكملك القصه
حكينا وهدرزنا لين خدانا النوم ورقدنا وايه في حضني زي البيبي
قعدنا راقدين لي الساعه 2 جت ماما فيقتنا
اميره : اميراتي فيقو هيا
فتحت عيوني فيها نص فتحه قاعده دايخه
انا : صباح الخير
اميره : صباح الورد ،، قايله هيا نوضو بنمشو
انا : الساعه كم ؟
اميره : الساعه 4
انا قمت تليفوني لقيتها الساعه 2 ضحكت
انا : مش ناويه تعدلي الساعه بتاعك
اميره : غير هيا نوضو بنمشو لي حوش عمك المهدي بنتغدو عندهم من بكري يستنو فينا
انا : لالا مش ماشيا انا بنرقد
ايه نطت نطا وحده
ايه : انا انا بنمشي معاكم 😳
انا : غير قولي صباح الخير مش كنتي راقده
ايه : باه صباح الخير بنمشي استنوني نبدل ونجي
طلعت ايه من الدار ومشت تبدل وقعدت انا وماما
اميره : بتقعدي بروحك ؟؟ هيا امشي معانا غيري جو
انا : والله ماعندي خلوق ياماما تعرفي انت
اميره : لي امتى بتقعدي هكي دنيا راهو بتعيشيها مش حتوقف علي حد
انا : لما يبدا الحد هدا هو الدنيا الدنيا بتوقف بسيف علينا
اميره : مافيش حد يقعد موقف حياته علي حد عشت انا بعد بوي الله يرحمه وعاش بوك بعد امه الله يرحمها وماحد اعترض علي حكمه ربي لان عارفين ان هدا نصيب كل واحد فينا من الدنيا
انا : باهي علاش نصيبي اني نتعدب وننحرم من الشي الوحيد الي فرحني ف عمري كله
اميره : حكمه من ربي وكل شي ربي دارله اسبابه ودارله نتائجه مافيش شي يصير بلاش
انا : باهي عاذي نبي نعرفها الحكمه انا مرات نصبر ونريح راسي
اميره : ماهو هو ربي سبحانه وتعالى يبي يختبر قوه ايمانك ويختبر صبرك مش حيحرمك من الشي ويعطيك المبررات الا بعد ماتفوضي امرك لي ربي
انا : وانا فوضته امري لي ربي ورميت احبالي عليه ونستنا في النتيجه
اميره : مافيش زي الواحد وقت يكون مسلم احكامه لي القادر لان هو اللي يقدر يحل الامور كلهاااا وعندك قصه سيدناا يوسف عليه السلام تعلمنا كيف نصبرو زي يعقوب عليه السلام ونفوضو امرنا لي ربي وبعد الصبر وبعدالشقا بسبب انه فقد يوسف وبعدين فقد بصره وربي جزاه بصبره انه ردله ربي نضره وردله يوسف لانه سلم احكامه لي ربي وقاله ياربي انت فوقي وانت العالم بكل شي
انا : يااااااارب انا تحتك وانت اللي عالم بحالي ادعيلي يا ماما بالله عليك
اميره : والله ديمه ندعيلك وانا كان مدعيتلكش لمن بندعي باللهي لكن حتى انت لازم تحافظي علي صلاتك و رددي ديمه الصلاه الابراهيميه و قولي انه علي رجعه لقادر حتى 1000 مره وربي يريح بالك ويريحلي بالي عليك ياااارب
انا : ان شاء الله يارب
حضنت ماما وبستها
اميره : انا مش حنرفعك بالسيف مدام تبي تقعدي اقعدي خلاص غير ديري بالك كان طلعتي تعطلي
انا : لالا مش طالعه حتى من الدار هدا مكاني
اميره : باهي ديري حتى شن تاكلي والا تو انا نوتيلك حاجات في الكوجينه هي خلي نمشي نستعجل هديكا
طلعت ماما من الدار وقعدت انا متلوحه علي سريري فتحت نت لقيت انس باعتلي اتصلت بيه
انا : الوو
انس : شكلنا كيف فايقين
انا : اي كيف فتحت عيوني
انس : نجيبي هالعوينات ياربي ،، صباح العسل
انا : صباح الفل
انس : شكله الجو قاعد مش صافي
انا : ومش حيصفى
انس : وعلاش
انا : انت تعرف امتى حيصفى جوي ونرتاح
انس : والله حتى انا زيك واحرف لكن شن بنديرو
انا قعدت ساكته
انس : شني مافيش طلعه
انا : لالا هما ماشيين بيتغدو عند حوش عمي وانا قاعده بروحي
انس : ياريتني في ليبيا وخلاص ،، وكيف ايه مشت وخلاتك بروحك
انا : ماهو حوش عمي هدو جيرانهم حوش محمد وايه تفرح لما تمشي غادي تبدا خريط مريط علي ام محمد
انس : ترطب في الجو صار
انا : اي ،، هي ام محمد تعرفها اصلاً وتعرف انها ف علاقه معاه
انس : حتى انا امي تعرفك ههههه
انا : مافيش فايذه لو كان يعرفوني عيلتكم كلها ،، يالله
انس : لازم النكد ،، فطرتي
انا : لالا مخاطريش ،، مرات نطلع نتغدا
انس : متطلعيش بروحك
انا : نطلع ناخد شن ناكل ونروح
خشت عليا ايه وانا نتكلم
ايه : شن رايك حلوووه اللبسه ؟؟ مكترتش مكياج والا ؟؟؟ اللبسه طويله ومحترمه باش ام محمذ متقولش عليا صايعه ردي عليا مش نكلم فيك
انا : معطيتينيش فرصه نتكلم اصلا
ايه : هيا باهي شن رايك فيا
انا : تهبلي اقسم بالله غزاله
ايه : اييي خلي تقول كنتي غزاله مالا شن
انا : باهي اطلعي وسكري الباب
ايه : اهو طالعه مش عارفه كيف بنتحمل بنات عمك تو بينفخولي قلبي
انا : اقعدي باهي متمشيش
ايه : لااااااا ياماما بنمشي نشوف ام الغالي
انا : باهي درقي هي
ايه : خلاص باي ديري بالك 💋
انا كيف حطيت التليفون علي ودني شبحتني ايه ولت
ايه قايمه حاجبها : في من تكلمي ؟؟
انا : من بيكون يعني
ايه : وانا شن عرفتي
قعدت نهمزلها ونقلها انس ياودي غير اطلعي
انس : خيرها تسال هدي
انا : تتبرد تبي تحرقلك دمك
انس : باهي شن تو بتنوضي تاخدي دوش وانا عندي خدمه مع واحد نخش نكملها ونكلمك
انا : اوكي تمام
انس : نحبك
انا : حتى انا
انس : حتى انت شن
انا : نحبك
انس : اااااه ياقلبي وخلاص
انا: هي نخليك توا باي
انس : باي جفاف
سكرت عليه الخط وانا راسي بيتكسر من التفكير معاش عرفت خيرني هكي نعامل في انس
نضت دوشت مكيجت وبدلت وكيف جيت بنطلع اتصلت بي انس فصل عليا وبعتلي مسج
انس : عندي اجتماع بيبي مش حنكمل قبل ساعتين كولي حاجه متقعديش جعانه وكان طلعتي قوليلي
انا : لالا مش طالعه تمام كلمني
طلعت سيارتي من الجنان وطلعت قعذت ندور في الشوارع معرفتش وين نمشي وشن ندير كلمت ايات
انا : الووو يامعفنه
ايات : الوو ياحبي
انا : معقوله هكي اللي لقا احبابه نسى اصحابه
ايات : نكلم في ماما انتم متردوش عليا
انا : مشاغل هههه ،، شن جوك وشن حال علاء
ايات : كويسين الخمدلله شن حالكم انتم ماما قالتلي ماغذيين ف حوش عمي اليوم
انا : اي مشو هما وانا قعدت ،، شن جو الزواج
ايات : الزواج لي توا ماشيه اموره قاعدين نلحسو ف العسل مازال مضقناش البصل هههه
انا : ان شاء الله ايامك كلها عسل ياربي
ايات : سلمها والفال ليك نفرح بيك حتى انت
انا : لا شكلي معطلا انا الحق
ايات : بعيد السو عليك تو قريب نفرح بيك ان شاء الله
انا : هي نخليك توا لي علاء وسلمي عليه
ايات : تمام يوصل سلامات
انا : سلام
وانا ندور بين الشوارع المهم يشدها في جرتي واحذ بتاع سياره مظلمه عيل ومعاش يبي يبطل وهو في جرتي ويضايق فيا
نهرب منه من هني يلحقني في الاخير قررت بنروح شدها في جرتي لي شارعنا دورت قبل مانخش الشارع وطلعت مقدرتش ندخله معاي شن بيقولو عليا الناس قعذت نفكر شن ندير شن ندير مافيش الا انس نتصل ب ايه اتصلت بي ايه وقلتلها
انا : اسمعي بسرعه في واحد شكله اشبح شن واخد وسيارته مظلمه شاذها في جرتي في الزناقي مباش يبطل شن ندير
ايه : اي تسلم عليك حتى هيا والله شدتني علي طاسه شاهي معاها
انا : شن تقولي انت انا وين وانت وين
ايه : تسلم عليك عمتي نجاة قتلك .، الرقم بتع المطعم تو نبعتهولك في مسج هيا باي
وسكرت في وجهي قعذت نخرط بروحي يا ايه يابنت ال،،،،،،
بعتتلي ايه مسج : بري روحي شن بديري يعني انا عنذ ام محمذ درتيلي العار
انا : ماهو مقدرتش نروح ياحماره وراي قعد
ايه : اسمعي انا مش حنقعد شاذه التليفون قدام المرا بتقول عليا بتع تليفونات ودوه فاضيه بري درقي باي
انا : خزي عليك ايه وراسك شوفيلي حل
ايه معاش رذت عليا ولصقتني عالحيط وقعدت انا وفي جرتي العيل مباش يبطل اتصلت بي حسن مردش عليا
قلت معاش فيها الا ان نكلم السفاح مردش عليا
بعتله مسج : رد عليا ضروووووري
عاودلي
انا : اسمع في واحد يلحق فيا ومباش يبطل ططالعه بناخذ غدي لقيت روحي نجري ومندري
السفاح : انت وين
انا : في السريع توا وهو يضايق فيا بيقلب بيا السياره
السفاح : شن دخلك السريع
انا : ملقيتش وين نهرب منه
السفاح : تعالي المقر باهي
انا : مش حنقدر نجي غادي اصلا بنزينتي تأشر
السفاح : باهي غير سكري توا ،، اسمعي السمعي شن سيارته الولد
انا : ازيرا بيضا
السفاح : فيها طارقات ؟
انا : ايه فيها
السفاح : سميلي الطارقه توا
انا : 093739(28
السفاح : تمام اطلع من السريع واخطمي علي اقرب بوابه قدامك ودرسي بعدها عً اول شيل تلقيه وكلميني
انا : الشيلات زحمه توا مش حنقدر نعبي غير فكني منه هدا قبل
السفاح : هدا اعتبري وقف خلاص وانا مقلتلكش عبي قلتلك درسي وخلاص
انا : تمام
السفاح دوته معاي كانت جافه علي اساس انه زعلان مني وهكي وانا المهم طلعت من السريع زي ماقالي وخطمت بيه الولد هذا من بوابه درسو بيه ومشيت درست علي الشيل اتصلت بي السفاح
انا : الو
السفاح : ها شن صار
انا : درت زي ماقلتلي الولد شذوه بوابه
السفاح : وين مدرسه باه
انا : جنب شيل الشراره
السفاح : باهي شويه بس ونبعتلك واحد من الاولاد ياخد منك سياره يعبيها
انا : وانا وين بنمشي
السفاح : انت انزلي خودي سيارته وهو ياخد سيارتك يعبيهالكً
انا : انت متبيش تجي ؟
السفاح : لالا انا مش فاضي
انا : خخلاص معاش نبي بنزينه باي
سكرت عليه وكيف جيت طالعه وقفتني سياره تويتا دبل قابينا مظلمه
عرفت انه السفاح فتح السواق روشنه وقالي انزلي وخودي هدي
طلع مش السفاح 😃
انا : لالا منبيش نعبي بنزينه صحيت
الولد : بالله عليك انزلي توا مش وقته اهو بندرسلك ورا الشيل باش ميشوفك حد
انا : قتلك صحيت
فنص فيا الولد : قتلك الحقيني
من الخوف لحقته ومشيت عطيته سيارتي وركبت في السياره بتاعه كيف بنركب
الولد : متركبيش من جهة السواق اركبي في الكرسي اللي جنبه
انا : وعلاش !؟
الولد : شكلك تحبي تدوي انت وانا راسي مصدع راه
المهم ركبت و اول مركبت تقول خاشه فيلم رعب سياره مظلمه وتحت رجل السواق في كلاشن وتحت رجليا في دخيره وتقول الا جبها مفتوحه فيها السياره قعذت نستنا في الولد وفتحت اغاني في السياره كلهم راب ليبي وتونسي مافيش حاجه تنسمع قعدت نفتض لقيت وراقي كلهم دوه فاضيه فتحت القجر وياريتني مفتحت
لقيت صور درهولي كبدي ناس ميته ومتعدبه الي راسه محطوط جنب الجته بتاعه والي صوابعه مقصوصات والي سنونه متقلعات و صور بنات حتى هو في استراحات وعرايا شي يغطي منه الشيطان وجهه مفهمتش من الي قاعد يطلع ف الصور هكي انا مه كلها بدت بالنت
انفتح باب السياره بتاع السواق نخلعت انا وطاحو مني الصور
انا : ااااااا ااااااا
قعدت نتعلتم معاش عرفت شن نقول ونشبح لي الراجل نلقاه السفاح
انا : هو انت وووووو خلعتني نحسابه هداكا
السفاح : ومقالولكش ماليك انه عيب نفتشو حاجات الناس
انا : كسدت والولد عطل كان شديت الطابور راهو من بكري عبيت
السفاح : الولد عباها من بكري سيارتك هوينها مدرسه وراك واهوا مفتاحك
ناخد من يده في المفتاح ونتكلم بانفه : مش متبيش تجي انت عموماً صحيت
وجيت نازله شدني من يدي
انا : خير !!
السفاح : اقعدي شويه نبيك
انا : نعم !
السفاح : متتكلميش معاي انا هكي
انا : ومني انت ؟
السفاح : منستحقش نقول انا من
انا : باهي لخص شن تبي
السفاح : خلاص بري انزلي مدامها هكي هيا
انا في داخلي ندمت اني قلتله هكي قعذت نسب في روحي
انا : مش قصدي
السفاح يعيط : قلتلك انزلي خلاص
نزلت من سيارته وركبت في سيارت وانا قريب نموت علاش عاملته هكي انا شن درت ف روحي الولد كويس ساعدني
بعتله مسج : اسفه
قعد قريب نص ساعه مردش عليا ومعبرنيش قعدت ندور في الشارع بالك يعبرني ويكلمني شي شي
كيف قررت بنروح خطمت علي مطعم وصيت منه شن ناكل وقعدت نستنا بعتلي مسج
السفاح : مش اسلوب تعاملي بيه التريس هدا
اتصلت بيه ماباش يرد وفصل عليا
انا : متبيش ترد !
السفاح : وقت تعرفي القدر تو نرد
انا : اوك تمام طلعتني هكي انت
السفاح : انت شوفي معاملتك
بديت نفكر في كلام ايه وفي معاملته قصدي الولد مش زي ماحكت ايه بكل اهو مرزن روحه وكانه خفيف راهو من بكري رد بعتله المهم فيالاخير مسج
انا : اخر مره نقولكً اسفه كان غلطت في حقك
السفاح : روحتي ؟
انا : اي مروحه في الطريق
وانا راسي في التليفون ومدرسه قدام المطعم يطق عليا روشن السياره نخلعت تلفتت علي الروشن لقيت السفاح قعدت نفنص ومسبوها
ياشرلي افتحي الروشن فتحت الروشن
السفاح : صار في الطريق
انا : وانت كيف عرفت
السفاح : انا ميخفاش عليا شي عيب
انا : كنت لاحقني انت ؟
السفاح : شن ديري هني ؟
انا : نستنا في الغدي جعانه
السفاح : انزلي تعالي معاي وتو يستنوه الاولاد الغدي
انا : وين بننزل توا ؟
السفاح : اي هيا تعالي بلا ج
انا : منقدرش ناس تشبح فيا
السفاح : الحقيني باه
انا : باهي
لحقته خش بيا في زنقه واتصل بيا
السفاح : هيا تعالي انزلي
انا : وسيارتي
السفاح : اهو بينزل ولد يستنا الغدي ويجيبلك سيارتك
نزلت ونزل الولد اللي معاه مديتله المفتاح ومشيت ركبت اما مع السفاح وبالصدفه ايه تتصل حيييييييي عليا حيييييي
ركبت مع السفاح وقلتله رد بالك تتكلم فصلت ايه عاودتلها
انا : ها نعم
ايه : خيرك مترديش
انا : علي اساس مدورتيني يعني شن تبي
ايه : خيرك تتكلمي هكي مشناك
انا : تعرفي روحك شن دايره لخصي مش عامك
ايه : وين انت به
انا : خطفوني المليشيات شن تبي
ايه : احنا قريب نروحو راه كانك برا روحي نطلعو من هني نديرلك رنه
انا : شكرا عالخدمات منبيهاش منك
سكرت في وجهها والسفاح يشبحلي مصدوم
شبحتله : زعلان مني انت ؟!
السفاح : وعلاش بنزعل
انا : وين نندري عليك
السفاح يولع في دخان وخدي نفس ودار دخانه في وجهي : اياه صار مش دايره شي انا
انا قعدت نكح : مبردك خنقتني
السفاح شبحلي شبحه بتع دايب : وانت قطعتيني كان انا خنقتك بشويه ذخان
انا تحشمت وبدي لوني احمر واخضر واصفر
السفاح شدلي وجهي : تحشمت ياغزال ؟؟
انا : ايه قالتلي شويه ومروحين
السفاح يضحك : يعجبني اسلوبك في تغيير المواضيع ،، اهو خلي نكلم الولد نشوفه خدي الطلبيه والا لا
كلم الولد وقاله الطلبيه واتيه
مشي السفاح قاله تو نتلاقو في المكان الفولاني سكر الخط
انا : علاش ميجيناش هني
السفاح : نبي نستغل الوقت ونقعد معاك اكتر
انا معاش عرفت شن ندير خلاص فتحت القجر طاحو عليا نفس صور بكري
السفاح : قاعذه تعاودي ف نفس الحركه وتفتشي ههههه
انا : نبي نسال سوال بس علاش الصور هذو مسحوبات سحب يعني علاش وهما ف تليفونات يقدرو يبعتوهم
السفاح : تشوفي فيهم قدامك صور لي تامر حسني والا عمر دياب هدو صور ناس متعدبه وصور اسفه عالكلمه ،،،،، في استراحات
في ناس لازم تهددها بالطريقه هدي وفي رجاله لازم تحطله صورت مرته في استراحه علي سيارته اول مينوض الصبح يحسها اكتر مش تبعتهاله علي الفيس بتاعكم هدا
انا : علاش الفيس بتاعنا ماعندكش انت نت ؟
السفاح : انا النت منعرفش فيه الا حاجه وحذه فايبر باش نكلم اللي برا بس باقي منحبش ملته
انا : صحه ليك ارتحت
شرين تليفوني ايه تتصل مرديتش عليها وبعدين بعتتلي مسج
حوش عمك شدونا عالعشي مش حنروحو ماما بتكلمك توا ردي اهو قلتلك
السفاح : شكله الحب هدا
انا : لالا هدي ايه
السفاح : وخيرها شني طلعو من حوش عمك ؟؟
انا ؛ للالا قالتلي انهم بيتعشو غادي وماما بتتصل
كيف كملت كلامي اتصلت بيا ماما
اميره : الو ارورا
انا : نعم ماماً
اميره : كيف حالك حبيبتي توا
انا : كويسه شن جوكم شني مروحين
اميره : لالا والله مصارلناش من المرواح بنقعذو نتعشو شذونا
انا : باهي مليح تو نرجع نرقد وخلاص
اميره : نبعتلك حد يجيبك قاعذه من غير ماكله من بكري
انا : لالالالالالا بنطلع ناخد شن ناكل ونروح توا متبعتيلي حد غيرو جو انتم
اميره : باهي سلم بنيتي دديري بالك هي بالسلامه
انا : ان شاء الله باي
السفاح : معناها مافيش مرواح
انا : اااااه لالا بنروح بنروح
السفاح : تمام زي ماتبي غير خليك معاي شويه تانيه روحي
انا : باهي تمام وين الولد قله يجبلي بناكل جعاااانه
السفاح : تعرفي حتى انا جعان شن رايك نقعمزو ف مطعم
انا : الالالالللا منقدرش
السفاح : خيرك نخلعتي شن منظري يحشم والا كيف
انا : لالا حشاك لكن منحبش مقعمز مع حد في مكان عام فكني لسانات الناس مترحمش
السفاح : مالا بناكل في السياره انا والله مانرتاح الحق ،، نمشو لي المقر ؟
انا : حيييييي عليا ويشوفوني الناس خاشه لي المقر ؟؟
السفاح : ههههه من بيشوفك هيا السياره مظلمه ميبان منها شي
انا : لالا منقدرش وبعدين داخل معبي ولاد
السفاح : ت نقعمزو في المكتب بتاعي مهبوله انت منخليش حد يشوفك
#يتبع
