روايه #بعد_ما_تلاقينا
الحزء التاني #الحلقه_الاولى
زي ماحكيتلكم تزوجت اختي ايات ب علاء ودارت عرسها في تونس ونسيت مقلتش ان من بين المعازيم كانت ام انس بحكم انها صاحبة عيله علاء وحتى ماما بعدما خدت رقمها وبدو بيناتهم مكالمات عزمتها 🤷🏻♀️
ليله الحفله بتع ايات اللي في تونس جت ام انس واول ماتلاقيت معاها حضنتني وحضنتها وقعدنا نتباكو وخلاص 😢😢
المهم ماعلينا توا اللي صار صار 😔🤷🏻♀️ وانس مشي علي حاله وانا بديت ننسى فيه 😔 وعلي قولت ماما الدنيا نصيبات 🤷🏻♀️
زي ماقلتلكم بعدما روحنا لي الشقه انا وايه طايبين 😩
كيف بنخش بنرقد توصلني مسج علي تليفوني من رقم منعرفاش فتحت المسج وقلبي بدي يدق 😰😰
مكتوب في المسج عندك عشرا دقايق ياتنزلي يانركب انا 🔥
بعتتله مسج : انت من ؟؟؟؟؟
مردش 🤷🏻♀️ بعتله قولي انت من ؟؟؟؟
بعتلي شكلك متبيش اهو راكب انا
اتصلت بالرقم طوول مردش عليا 😰😰
يفصل وقالي انا في الاصانصير افتحي الباب قريب نوصل
انا قلبي خلاص يهيج في بطني 😩🔥
جيت لي ايه تعالي غباره شوفي المسجات من هدا 😰😰
ايه : مدوريشي اكيده حد عارف انك ف تونس و يتسهوك عليك 😒
انا : شن يتسهوك بتاعك هدي 😩
وصلت مسج انا قدام الباب بتفتحي والا نطق عليكم ☺️
انا : حييييييييي غباره تعالي وخق ربي هدا وصل هني 😩😩
ايه : بري شوفي من العدسه بتع الباب 😒
انا مشيت نجري بنشوف العدسه نلقا العدسه مظلمه 😩
انا : هدا مغطي العدسه بيده ميبيش نشوفه حي غبارتي 😰😰
نوشوش انا وايه من ورا الباب توصلني مسج تانيه
شكلي بنبدا نخبط لانك واقفه جنب الباب ومتبيش تفتحي عيب هكي
انا : قررت نفتح الباب خلاص 😩
ايه : شن تفتحي من يطلعلك من وراه الباب
انا : يطلع لي يطلع توا خير من يفضحنا ويطق
ساعه نتناقش انا وايه انا نفتح والا لا بدي الباب يطق 😰😰فتحت الباب واول مانفتحه
اطيح عليا جتة بنادم كيف بنعيط ايه سكرتلي فمي 🤭🤭🤭
ايه : ت هدا انس ياحماره اسسسسس
انس سكران لين معاش يشوف 😩😩 وبصوت عالي ؛ متبيش تفتحيليييييييي جيتك اناااااااا ياحبيبييييي 😌😌 استاااااااحشتتتتتك
دفيته برا وسكرت الباب وطلعت انا وياه وايه 😰😰
انس قاعد يعيط: علاااااااش سكرتييييييي الباااااب نبييييي بوووووك انااااااا 🤤🤤
انا : غيز اسكت توا اسسسسسس فكنا 😰
انس : ت علاااااااش تسكتييي فياااا ،، نبي نبييييي نساله علااء ريتيه علاااء في شن خير منيييييي ااااااه ااااااه 🤤🤤
انا : ماحد خيز منك انت احسن واحد غير اسكت توا 😰😰
انس قاعد يعيط وانا نطلب في الاصانصير مات معاش يبي يرقا 😩😩😩
ايه مبزوقه ضحك علي انس ولا كانه الدنيا خايضه 😫😫
انا : مصح والله وجهك شن تضحكي عام ضحك 😫😫😫
ايه : 😂😂😂😂😂😂😂 منقدرش وحق ربي 😂😂😂😂😂 قتلني ووووووه 😂😂😂😂 بنشششخخخخخ 😂😂😂😂😂
انس : يا عماااااااااد اطلعلي ياجرد الجرداااااااان 🤤🤤🤤
انا نبكي وراصه علي بطمه الاصانصير متوقعه بابا في لحظه يطلع من العياط 😩😩😩
جانا الاصانصير ونزلنا بيه لوطا وقاعد يعيط 😫😫
انس : ت انا نبييييييييك وحق ربييييييي مقدرتش ننساااااااااك شن نديييييييييير 😫😩😫😩😫
ايه : اسمعي ركبيه في سيارته وسقديه هدا معاش بيبطل بيفيقو بيه الناس راه 😂😂😂😂
انا نبكي وقت بديت نسمع في الكلام بتع انس 😢😢😢😢😔😔😔😔
انا : هيا انس اركب سيارتك وروح تربح بالله عليك كان تحبني حق روح وراسك 😥😥😰😢😢😭😢😢
انس : روحيييييي معاااااي خخخخ خخخخ خيرررررره علاء مروح ب اي اي اياااااااات 🤤🤤🤤
انا : منقدرش نروح معاك انا غدوا نجيك نوعدك 😰😰😢😢😔😔
انس .: كدااااااااااااابه انت كداااااااابه وعدتيني متخلينيييييش وخليتينييييييي وعذتيني تكملي حياتك معاااااااي وسيبتينيييييييي 🤤🤤🤤🤤
انا نبكي ومعاش فهمت شن الحل معاه هدا شارب وكيف بنتناقش معاه كيف بنفهمه 😫😫😫
ايه : هي نروحو بيه وخلاص شن بنديرو 😩😩
انا : نروحو بيه توا انت شايفه منظرك ومنظري تقول طالعات بنخدمو 😥😰😥😰
كنت انا وايه لابسين توت نوم شرطات قصار لي الفخده وعليهم كتات انا حمرا وايه بودريه
ايه : به جيبي حل هي 😩 عندك رقم خالد ؟؟؟
انا : مهبوله انت يجي خالد يشوفنا عرايا هكي عندك عادي 😡
ايه : والله انا عندي عادي مفروض تكوني عادفه الشي هدا 😂😂😂
انا : خلاص نروحو بيه احنا وامرنا لي ربي 😫
ايه : هيا باهي ركبيه غير راهو يجي مبزوق عليك 😂😂😂😂😂😂
انا : سكري فمك وتععالي كريه معاي 😫
انس قاعد يصيح وداير العار وانا وايه نحاولو نركبوه لي السياره 😫
انا : انوس حبيبي هيا اركب معاي مش تبي نروح معاك 😰😰
انس ؛ لااااااااا مااااااانبيييييييش ،،، نبيييييييي بووووووك اناااااا ،، نبي نقوله كلمه وووووحده بس انت خيرك 🤤🤤
انا : غدوا قولهاله والا قولهالي انا تو نقولهاله غير هيا تربح نروحو 😰😰
انس : تقوليهاله انتتي باااااهيييي اووووعديييينيييي
انا : وعد مني نقولهاله شن هيا
انس : قوليييييله قالك انسسسسس ياجججججررررردددد وقعد يضحك معاش سككت 😩😩😩
ايه : ووووووه عليا بنشخ جنابي 😂😂😂😂😂😂😂😂😂😂😂😂
خلاص صبري كمل وقعدت نكر فيه لين ركبته السياره واخيراً 😫
ركبنا السياره ورافعينه لي حوشهم مروحين بيه وهو ميندري عالدنيا 😩
انس قعد يخبط علي فخاذي نخلعت انا 😳😳 اول مره يدير حركه هكي حتى وهو سكران ماعمره مسني 😳😳😳
يخبط عليهم ويقولي :: لحمممممم وطنييييي ويضحك 😂😂😂😂
ايه : شوره يبي يشري كيلو استاحش الوطني يانويرتي 😂😂😂😂😂
نحيله في يده ويرد فيها ويقولي لحممممم وطنيييي ويضحك وايه ميته ضحك عليه 😆😆😆
انس : افتحيلي. اغانيييي هيااااااا 🔥🔥🔥
انا : ب ب ب بااااااهي هيييي
فتحتله اغاني بتع سيارته دسكه حاطها اغنيه مفهمتش حتى اللغه بتاعها روسيه والا اشبح شن 😫
انس : غييييييرييييييي علياااااا شن هديييييي افتحيليييييي اغنييه مليييييحه تواااااا هياااااا🔥🔥
انا : ايه مجبتش تليفوني تليفونك معاك ؟؟
ايه : اي اهوا تليفوني هاتي الوصله مستحيل المنظر 😂😂😂😂
انا : افتحي اغنيه وسكري فمك عليا 😩😩😡😡😡
ايه زي المريضه تناشب في انس تمشي تفتحلنا اللي سماك انت عظمه 😩😩😩 حيييييي وين مازال نشده 😫😫
قلبها فوق راسه طالع مسيره بروحه دارلي احرف من يومها 😔😩 طالع من السياره ويهتف ويعيط 😔😔😔
انا : غيري الاغنيه ياحيوانه 😡😡😡🔥🔥🔥
ايه مفلوقه ضحك وعيونها دموع من الضحك ومش قاذره حتى تتكلم تأشرلي بي يدها تقولي لا 😂😂😂😂😂😂😂😂😂😂
فصلت الوصله من السياره ولقيت اغاني مصريه فتحتهم 😩😩 وياريت مادرتها 🤦🏻♀️
انس : درسييييييييي 🤤🤤🔥🔥 درسييييييي
انا : خيرك شن فيي مش بنروحو لي حوشنا 😰😰😰
انس : قتللللللك درسيييييي اناااا 🤤🔥
انا درست ومنعرفش شن صاير نخلعت 😰😰 الطريق فاضيه تاكلك فيها الغوله 😩
انس : فتح باب سيارته وجاني فتح باب سيارتي وقالي انزلي 😳😳😳
انا : خيرك يا انوس ياحبيبي هيا نبو نروحو 😰😰
انس : انزلييييي شوووووويييييه بسسسسس غير هيااااا 🤤🤤
انا سكرت راسي بدي عياط وتخبيط في السياره 😔😔😩😩 سلمت امري لي ربي ونزلت 😩
انس : عليييي فييييه اهوااااا
انا : شن هو ؟؟
انس : علييييي في الللاغنيييييه
انا : عيب متجيش ليل يجونا الناس والا الشرطه 😰😰
انس : شرررطه شرررطه من بتااااعك هدييييي انا الشررررطه هنيييي 🤤🤤🤤
انا عليتله في الاغاني 😩 وياريت ماعليت
انس : هيا ارقصيييييي 🤤🤤
انا : منقدرش نرقص شارع هدا 😰😰
انس : قتلك ارقصيييييييي 😤😤😤😤😤😤
ايه : ت هزي شويه وسايري خلي نروحو بيه انا نبي نروح شن الهم هدا 😂😂😂😩😩😩
ايه الحيوانه تصور فينا كيف نردحو في الشارع وميته ضحك
سلمت امري لي ربي وبديت ندير في روحي نرقص في الشارع تخايلو 😰😰😰
خطمت جنبنا سياره شافتنا نترادحو والمسجل عالي دوره بين دورتين تجينا الشرطه 😰😰😰😰
حيييييه علي امك يا اروى حيييييييه 😩😩😩
ايه : غباااااارتنا السوووووودااا 😩😩
انا : حييييييي علي امييييي وعلي امك يا انسسسسس 😩
نزلت الشرطه ركبت انا نجري لي السياره 😩 ولقونا ليبيين عاد ياكبدي طحنا وين استرحنا 😩
الشرطي : انزل من السياره انزل😡😡😡
انا : منقدرش 😰😰
الشرطي قام عليا السلاح : قتلك انزل 😡 ماك كنت تشطح توا شن هو اللي متنجمش 😡😡
ويجي انس ويعيط عالشوطي ويحضن الشرطي بي وحده براسه 😩😩
نطحه اي نطحه 😳😳 نطح الشرطي 😰😰😰 قلت هدا وين كملت معانا الليله الزقحه هدي 😫😫
وبما ان انس سكران ومن الضربه هدي زاد ارتخي
جي الشرطي التاني وكلبش انس وانا نبكي 😰😰😰 كلم وحدين تانيين جو قامونا كلنا 😩😩
انا مابطلتش بكي ونقولهم باللهي عليكم ردونا والله فاهمين غلط يستر عليكم ربيي استرونا عنز لو طارت ماحذ رد عليا 😩😩
وصلنا لي المغفر وخشينا انس متلوح يخترف بروحه وانا وايه شاخين تحتنا 😰😰
انا : شن بنديرو 😰😰
ايه : بنكلمو حد شن بنديرو في ليلتك الزقحه هدي 😰😰
انا : من بنكلمو باهي 😰😩
ايه : اكيده مش بابا يعني كلمي خالد والا بو الحيوان هدا 😰😰
انا : مش حافظه ولا رقم 😩😰
ذخلونا علي المكتب الي فيه الشرطي وقعد يسال فينا وماحد يجاوب انا نبكي وخلاص 😔😔😔 وايه مصدومه 😳😳فيه انس سكران وشادله غير كلمه انا تكلبشوني ت والله لما نسكرررلكم امه المغفر هدا ياكللاااااااب 🤤🤤🤤
انا : ممكن تعطوني تليفون انس ندير مكالمه بس 😰😰
الشرطي : تمام خوذ
فتحت تليفون انس بي بصمه وجهه ودورت رقم خالد كلمته وجي يجري ياناري طلعنا بكفاله المهم وروحنا لي الشقه 😩😩😩
روحت وانا نغلي علي انس قريب نموت منه 😫😫 كارهاته هدي اخرتها 😔😔😔
ايه : مه كان خليتي خالد جي من الاول راهو الميزقو هدا كله ماصارش 🤦🏻♀️🤦🏻♀️ اهو شافنا شافنا عرايا 😩😩
انا : اسكتي عليا مش عامك بكل 😔😔😔
ايه : اخر حاجه كنت نتوقعها في حياتي نخش لي مغفر شرطه و وين في تونس وب توته نوم 😩😩😩
رقدنا المهم وفات عليا الليل وانا نبكي تقول عليا كنت في حلم مش مصدقه اللي صار بكل 😰😰😰
تاني يوم الصبح ايه تفيق فيا فايقه جديات تقول كنت في حلم ونقول يارب كان حلم 😫😫
ايه : صباح الخير يارد السجون انت 😂😂 نوضي بنمشو لي ايات 😆
انا قعدت نفكر معناها اللي صار مش حلم واللي داره هداكا الحيوان كله حق مفهمتش كيف بندير باش نفتك منه 😩
لقيت مسج علي تليفوني منه الساعه 10 الصبح 😳
انس : اول ماتفيقي كلميني نبيك ضروري 💋
رديت عليه : مفروض معاش عندك وجه تقابل بيه بعد اللي درته امس فيا
انس : والله نبي نتاسفلك انا سامحيني غير خلينا نتلاقو ونحكو اكتر
انا : باللهي خليني في حالي وانا قاعده واخده بنصيحتك وقاعذه ننسى فيك ونحاول نعيش حياتي
انس : باهي انا مقدرتش ننساك ونعيش حياتي شن ندير
انا : سافر لي فرنسا !!! زي مادرت قبل
انس : شن قصدك بيها انت هدي
انا : انت فاهم كويس شن نقصد بيها خلاص عندي مندير باي
وحطيته في الحظر 😊
المهم بدلنا ومشينا لي ايات 😊😊
مقعمزين احنا ومالي علاء ونهدرزو
انا : اشييييه علي ايوتي الغزاله موليه مرا الحوووت 😍😍
اميره : الفال ليك حتى انت نشوفك زيها يارب ❤️❤️
اخت علاء : قصذك الزين هدا كله وملقيتوش من يحوزه
انا تحشمت 😅😅
اميره : لا والله مازال مجاهاش نصيب 😊
اخت علاء : مالا خلاص عريسها عندي 😌
اميره : اشيييه بسرعه هكي 😂
اخت علاء : مالا شن احنا في عصر السرعه 😂 عندي صاحبتي دور لي خوها قداش ليهم والله رايح كيف الصقر وحتى حالته كويسه وخاذم علي روحه وعايش في اوكرانيا 😊
اميره : الله يبارك مشاء الله والله مانقولك عاد انا شن بنرد مولات المول قعدت ساكته 😅 اروى بنيتي شن رايك
انا : والله موضوع اني نعيش برا ليبيا مش مفكرا فيه الحق مدا بيا منتغربش 😅
اخت علاء : والله عندك حق الغربه مشناها لكن الله غالب احنا خدينا عليها بالسيف ياكبدي 😔😔
انا : سامحيني والله ماقصدي لكن انا منقدرش نباعد علي ماما 😅😅
ايه نخصتني : احم احم صدقتك انا وكان انس تو تعيشي معاه في الصين 😂😂
اخت علاء : انت علاش تعارضي طول بنعطيك وقت تفكري وبعدين هو يروح لي ليبيا راه ويقدر يخش غير يخذم دكتور في اوكرانيا ومش حناخذ منك رد توا 😊
اميره : يصير خير ان شاء الله وربي يقدم اللي فيها خير 😊😊
هدرزتا المهم وضحكنا وكلينا وغيرنا جو،،، وحينا بنروحو خلاص سلمنا وسقدتنا ايات لي برا
ايات : انا غذوا ان شاء الله طيارتي لي ايطاليا بنستاحشكم وقعدت تبكي 😢😢😢
وقعدنا نحضنو فيها ونبكو معاها ونقلب الجو نكد 😫😫
روح بينا بابا في سياره علاء متنكدين ولا حد تكلم في السياره وخشينا الشقه وكل وحذه شده فراشها 😔😔😔
مع الساعه تنين 👇🏻
ايه : ارورتي 😅😈
انا : نعم 😒
ايه : سيارة علاء عندنا ومفتاحها فوق الطاوله الي برا 😊
انا :وبه !!
ايه : شني وباهي واضحه شن نبي 😅
انا : اطلعي بروحك 😒
ايه : تو تشوفي فيا نعرف نسوق 😡
انا : كارهاته السهر وكارها جرايره 😒😒
ايه : غير هيا طيارتنا غدوا هيا ليله واخر ليله 😫😫 واشبح امتى نجو مزا تانيه
انا : بنرقد 😒
ايه : باهي تمام صحيتي علي جوك كل شي اصلاً وانا نساير زي الهبلا 😒
انا : تصبحي علي خير 😒
سكتت ايه وعرفتها تعفلقت شدت تتليفونها
بعتلها علي الفايبر نوضي وتي روحك 😒
نقزت تقول خبطها جن 😂
ناضت وتت روحها وانا طالعه بنسهر بلا نيه لبست قفطان ابيض طوله حاير ومعاه حزام رقيق موف وكندرا موف وشعري قمته فوق مع مكياج خفيف
وايه تقول حفلتها الليله مكياج علي ودنه ولبست جمب سوت قصير كله فصوص عالفضي
المهم طلعنا ومشينا لي نايت كلاب اول مره نخشوه
ايه : شني هدا اول مره نشوفه 😒
انا : شفته لي النت قلت نجربوه
ايه : عارفاتك متبيش تجربيه متبيش تمشي لي مكانات انس 😂
انا : نا نا نا باهي اسكتي هيا 😒
قعمزنا المهم ونزللنا شيشه ونصبو في الطاسه ونبزعو فيها تحت الطاوله هدي عادتنا باش منشربوهاش وفي نفس الوقت منذفعوش حقها ونخلوها 😂😂😂😂
ايه : هي شن رايك نجربو ندوقوه 😂😅
انا : تجربي طياح سعدك تبي نروح بيك زي هداكا الدرويش تدعدعي 😡😡
ايه : لالا والله الا شويه بس 😅
انا : جديده هدي تبي تجربي 😳😳 قعمزي واهفتي قلتلك 😡😡
ايه تمشي تشربها الطاسه في جرت بعضها 😳😳
انا : ايه ايه شن تحسي انا من 😳😳
ايه : اعععععععععع شن البنه هدي مشنااااااه 🤢🤢🤢🤮🤮🤮🤮
انا : تستاهلي 😂
ايه : مسكرتش راه فايقه بيك 😂
وتلوح عمتك ايه الطاسه التانيه 😳😳
انا : وحق ربي كان متبطليش نوض نروح وذوري من يروح بيك 😡😡
ايه ميته ضحك : خلاص اقسم بالله خلاص 😅😅 اخر وحذه 🤗
وتعبي الكاس لي فمه وتبزق التالته 😳😳😳
انا : حييييييييي شن جاااااك غباااارتي 😫😳😳
ايه بدت تضحك 😳😳
انا : ايه هيييييي معاي انت 😳😳
ناضت ايه ترقص فوق الطاوله 😩😰
خدت دور انس في الهبال 😫😫
مشت تجري جهت الستيج بتع الرقيص وترقص زي المهبوله معاش قدرت ندير عليها كنترول 😩
جبدتها لي الطاوله وقعمزتها بالسيف جتها عالضحك والرقيص 😩
انا نخبط فيها علي وجهها : ايه ايه فيقي نهاري الاسود كيف بنروح بيك هكي 😰😰
معاش لقيتلها حل ترقص مع الاغنيه وتضحك وتغني 😩
طلعنا من المكان وهيا علي نفس الحاله مش حنقدر نروح بيها وين بنمشي 😩😩😩
بنمشي لي ايات 😰 معقوله مدخله علي علاء ايه سكرانه 😩😩
نروح بيها لي الحوش باش تقلب الدنيا عياطات لي ماما وبابا
انا نخمم وهيا طايحه تصور في السناب 😳😳😳
دورا تتصل بيا ايات
ايات : خيرها اختك هبلت 😳😳
انا : خخيرك شن فيييي
ايات : شن الي عللسناب هدا منزلاته 😰😰 ومن امتى متعلمه تشرب هدي 😩😩
انا : منحسابهاش صورت روحها غبارتي معاش عرفت حتى وين نمشي بيها 😩😩
ايات : غير امسحي منها الففيذيوات انا نلكم فيكً بدررقه علي علاء تعالي فايبر نقوللكم وين تمشو
#يتبع
