روايه #بعد_ما_تلاقينا
الجزء 2
الحلقه التالته
خش انس ولقاني نتناقش انا وايه ان معاش عندي فلوس 🤷🏻♀️
انس : احم احم
ايه : يالله يالله اهلين اخي فوت فوت 😂😂😂 شن جو باب الحاره
انس : عليك لسان 😒 اقسم بالله مابعده محمد
ايه : ياسعده قصدك محمد 😀 حييييي غباره دكرتني فيه من امس يتصل تو قريب يجي لي تونس 😂😂 خلي نمشي نكلمه
قعدت انا وياه بروحنا 😃
انا : تبي حاجه ؟؟
انس : نبيك 🤤
انا : بطل 😒
انس : وين بتمشو ؟؟
انا : مس عارفه مرات نمشي لي ماك وزارا 🤷🏻♀️ خايف من كترت البراند الي. هني
انس : باهي نرفعكم ؟؟
انا : عندي سياره علاء
انس : نمشي معاكم 😅
انا : من بيردك هني بعدين 😒
وانا في خاطري هدا كله درق وجهك عليا وين بنرفعك معاي وانا مش عارفه كيف بندبر الفلوس 😫
انس : وين سرحتي 😃
انا ؛ مسرحتش قاعذه 😒
انس : اكيذه سرحتي وقعدتي تقولي الله كان انس توا راجلي واحنا واقفين في كوجينت حوشنا ونسال فيه شن تبي نطيبلك ياروحي وانا نقولك حبيبي متعبيش روحك علي خاطر البيبي الي في بطنك تو ناخذو من برا 😌
سرحت بخايالي معاه جديات وقعذت مبتسمه 😃
انس : عجباتك الفكره 🤤
انا : النبي فكني منك ومن خيالك الواسع 😒
انس : نبي نمشي لي زارا اختي موصيتني علي حاجات ومدامك معاي فرصه نناخذ ذوقك 😉
انا ؛ لالا لالا مرات منمشيش انا راه
انس : مش قلتي بتمشي توا 😒
علي خشت ايه
ايه : وين بتمشو احنا نبو نمشو لي زارا والا
لازم تجيبلك في الرز عظام هدي 🤦🏻♀️🤦🏻♀️🤦🏻♀️🤦🏻♀️
انس : الحمدلله ظهر الحق 🤷🏻♂️
انا : مش تكلمي في البلي بتاعك شن جابك
ايه : لقيته في الخذمه ياروحي ربي يفرج عليه وخلاص قداش ممسخفني 😔
انس : شن يخذم هو ؟؟
ايه : يخذم باليوميه كل مره حاجه تعرف مرات توصل بيه يخذم مع السوادين يقيم في الصناديق وييحط 😔😔😔
انس : مسكين ربي يرزقه ان شاء الله
ايه : مش غير مسكين ويعاني في عيلتهم تخايل امه مريضه وخواته متزوجات وحتى هما واخدين رجاله مش هداكا الحال وميعاون فيه كان ربي 😔
انس : باهي وهدا انت تكلمي فيه حاط مشروع زواج في راسه ؟؟
ايه : هو الحق مازال ميبيش توا قالي ماعنديش باس لكن انا قلتله عادي نسكنو مع امك ومانبيش شي غير تعالي انت 🤤
انس : والله الا صحه ليك الي يشوفك ميقولش عليك هكي
انا : الحب هدا وميدير ،، اصلا ايه المتال الحقيقي للحب اعمى 😂
ايه : سكري فمك شن اعمى خيره محمد شن ناقصه راجل
انا : راجل ماقلنا شي مشاء الله عليه لكن وحده في مكانك مش حتقعد مع واحد زيه
انس : كيف بالعكس محمد كويس
انا : منحكيش عللاخلاق والادب هدي دوه بروحها وفكونا من جو المتاليات
انس : شن متاليات انا نقول في الحق وين بتحصل زيه
انا : تحصل حتى خير منه غير هيا ميته فيه 😒
ايه : اي ميته فيه وعاجبني وضعه ونبيه هكي مفلس منتف ماعنداش شي و انا بنعيش معاه
انا : حياتك في الاخير هدي 🤷🏻♀️
انس : مزبوط حياتها وهيا اللي اختارت
انا : انا نعرف مش حتقدري تتاقلمي 😒
ايه : وعلاش يعني
انا : نعرفك انا تصرفي في صرف هبال وين بيلقاهولك محمذ بعدين توا حبيبتي بوك يصرف وحسن يصرف ومش ملحقه بعدين بتتزوجي بوك بيعطيك لي راجل وحسن خلاص بااااااي
ايه : منبيش نصرف من قالك نبي نصرف والا نبي نلبس الالماس
انا : اللي يشوفك ميقولش دايره العار عيدميلادك الي فات لي حسن وانت تعرفي السبب شن هو منبيش نقول
ايه : علاش متبيش تقولي قولي عادي طلبت منه 10 لاف بندير عيدميلادي وين القضيه لان عارفاته عنده ومحمد ماطلبت منه شي ومقدراته 🤷🏻♀️
انس : 10 لاف وحسن عطاهم !!
انا : عطي غير هدا حسن تحسابه صارف البلي 😂😂😂 والله يا انس تقولي تكدبي يقولك يصرف بالدولار حسن يصرف عليها ب ذولار قفطان مره حطت فيه 3 لاف دولار ودارتله النكد كان مخداشي مسكين
انس : اضرب
ايه : يحبني يا ماما يصرف الي قدامه واللي وراه وعلاش لا
انا : انا ملياش علاقه لكن محمد مش حيقدر علي طلباتك وانا متاكده بعدين حتتعبي وحيتعب هو
ايه : تو انا عمري طلبت منه حتى رصيد !! عيدميلادي يفوت مرات يجيب ومرات لا والي يجيبها ان شاء الله ورده تفرحني 🤷🏻♀️
انا : لان زي ماقلتلك حبيبتي توا لاقيا من يصرف القدام معاش في من يصرف بححححححح
ايه : مواضيعي هدي نتمها بروحي باللهي الهي في روحك 😒
انس .: الهي فيا انا معناها 😊
انا : مبرد وجوهكم الزوز 😫
ايه : هيا شن بنلبس انا بنطلع هكي مالا حافله ف عز النهار 😂
انس : الدار الي جنب الكوجينه فيها حوايج بتع بنات خودي منها كان حصلتي
انا : وانا امس نقولك نبي حوايج تقولي اركبي فوق 😡
ايه : خلي نمشي نطلع شن نلبس ونكلم ايه بالك قاعده مسافرتش تعطينا فلوس نرقعو بيها عملتنا
انا ولعت فيا نار 🔥🔥🔥 فقشت الدنيا كلها
انس : علاش شن ماعندكمش فلوس
ايه : اي وكدبنا ع ماما قلنالها طالعين بنشرو عمله تعرف هي خلي نمشي انا
طلعت ايه الفالحه ولحقها انس ركبت انا لي الذار لبست قفطاني لان عادي يمشي حتى طلعه
طلعت من الحوش وركبنا السياره انا وايه جي ركب انس من تالي 😳
انا : شن تبي نهارك الاخرف
انس : بنمشي ناخد وشاح من زارا 😀
انا ؛ انزل ماعنديش وقت نردك هني تاني
انس : رافعتيني ع كتافك مالا سوقي مش حننزل
ايه : هيا اطلعي فكينا من تسكير الراس توا
انا : استغفرالله 🤦🏻♀️
انطلقنا وفتحنا اغاني ونسمعو
انس : افتحي بلوتوت السياره
انا : نبيها الاغنيه متغيرهاش
انس : ايه باللهي عليك ترا
علق بلوتوت للسياره وعارفاته بيدير اغنيه يلقح بيها عليا
انا وياكي وحدة حال
مهما تغيرو الاحوال🎶
ظلم الدهر علينا مال
مع بعض بنبقي
راضي اذا بخسر معك🎶
كل الدنيا ت اربحك
ضلي معي شو بيمنعك
يمضى العمر سرقة🎶
