ركضت لدبة النفط والجهال تركض وراي تبجي
كضيتها ودرتها على راسي بس احس النفط كله
صار باذاني ضليت اغلط واسب بيهم ركضت ادور جداحة. خذيتها وطلعت للطرمة كضوني جهالي
يبجون
:- لا ماما لا لاتعوفينا لا لا
:- ذبيت الجداحة. من ايدي وهو واكف يتباوعلي
اجه عليه وسحلني طببني وكضاني. دفرات انوب
ملخني تملخ اريد اسحب روحي منه ماكو شعري
هلسه وجهي خدر من الراشديات. وهو مستمر يسب ويغلط ويضرب بيه
دفعته وخرمشته من ركبته. وخر مني ويبحلق علية بغضب انه ركضت للحمام. دخلت وضليت ابجي
فتحت الماي وسبحت بساع ولفيت روحي بالمنشفة
وطلعت لبست. وخليت عباتي على راسي شلت
وحدة من البنات وطلعت مهيمن وهمام وراية
يمشون رحت لبيت اهلي
اول ماطبيت لكيت الولد مجموعين كلهم بالصالة
كاعدين من شافوني فزوو. كلهم صاحو شكوو
شنو هاي ريحة النفط
:- لا ماكو شيء بس جريت دبة النفط من فوك
المبردة وتبدت على راسي
كام عدي
:- لا وجهج اشبي ثائر ضاربج
:- لا لا مابيه. كامو اتلاثتهم وطلعو يركضون يردون يكتلونة عاطت أمي عليهم
...........
:- تعالووو يمة عيب ولج انطني العِباية
ولكم اوكفو ركضت وراهم طبو لبيت ثائر يركضون
دخلت وراهم ثائر كاعد والولد هدو يردون يضربونة
وكفت بينهم وبينة لا لا يمة ابن عمكم الناس شدكول
عليكم ابن عمهم وحيد وكضو وضربو
يجي ابوكم
وهو يحلها يالله ارجعو عاط عدي
:- يمة رحمه لربج وخررري شنو ما وراها احد
ايسوي بيها هجي وحك هو علي اكضك اسحكك سحك بس اخخ وعظ اصبعة كله من ورى ابوي شيخك
وانتَ ماتسوالك عانة
سحبة عمار وعامر
:- امشي شوف حتى مايعرف يرد خله يركض
بحضن امه هذا مومال عرك
:- يالله يمة امشو عيب حبايبي اطلعو
عمار شيل سرى يمة فرفحت البت من البجي
،،،،،،،،،
آماسي طبو الولد وامي وراهم كمت ركضت لاامي هااا يمة وين سرى ماكو
:- لا شايلها عمار لكاها مفرفحة تبجي
:-دخل عمار ركضت خذيتها منه
واكفين اخوتي :- انتي بعد مالج طلعة منا اكعدي
واسكت خله يولي حرامات هذا محسوب على الزلم
:- اشون مارجع اعِيف بيتي الهن انه التعبت بيه
وبنيته وهنا على الجاهز ياخذنا
عمار
:- دكعدي واسكتي هسه انعل ابو لابو بيته
خل يجي ابري بالله نشوف شيسوي
خذيت بناتي طبيت للغرفة وفاتت امي
تسالني
:- شكو اماسي شصاير بينكم ،،!
الحلقة 58
Mulai dari awal
