فى شركة الجبالى يجلس ياسين على مكتبه يراجع بعض الملفات ليدق أحد باب مكتبه فياذن له بالدخول
ياسين:اتفضل
يدخل محمد مجهدا يهتف بتعب قائلا:ايه يا عم ياسين حرام عليك شغل اسبوع بطلعه عليا كله انا تعبت .
ياسين بعد اكتراث ومازال يراجع الملفات : معلش يا محمد حب شغلك وانت مش هتحس بتعب.
محمد :وحضرتك مش هينوبك من الحب جانب ؟
ياسين:هو انا بلعب دلوقتي؟
محمد:اه حضرتك قاعد على مكتبك أما انا عمال بلف على العمال اللى بينقلوا الشغل وبلف على المصانع لما بقيت ماشي بلق
ياسين:معلش يا محمد اوعدك هديك يوم راحه
محمد:ههه لا وعلى ايه جاى على نفسك ليه كدا ياراجل
ياسين: طيب خلاص متزعلش اقعد انت راجع الملفات دى وانا هنزل أكمل شغل
محمد:لا ما انا خلاص خلصت
ياسين:هاه طيب وعملت ايه ؟
محمد:بص يا سيدي شركة البنهاوى استلموا وخلصت ووردت الفلوس فى البنك فى حسابنا
وشركة اسماعيل وشركاه فسخت معاهم التوكيل بتاعهم لأنهم اخدوا اكتر من اللى اتفقنا عليه وكمان مفيش فلوس اتحطت فى الحساب من ناحيتهم
وشركة البرهامى باعته طلب اعانه عايزين يعملوا مخازنهم على اتفاق بعد 3شهور نستلم نص الفلوس وبقية المبلغ لما البضاعه تتباع
ياسين:هاااا وبعدين؟
محمد:ولا حاجه بس كدا
ياسين:انا مش شايف شغل جديد يعنى كله تبع القديم
محمد: لا جاى لينا طلب بتمويل مخازن شركة السلام هيبنوا 7 ابراج كل برج مكون من 4شقق فى 15دور
ياسين:حلو اوى تظبط اتفاقية شركة السلام و بعد كدا تبدأ تورد لشركة البرهامى
محمد:بس شركة البرهامى بتقع وممكن قريب جدا تعلن إفلاسها ودا هيبقى مش فى مصلحتنا لو اخدوا الكميه دى بالاجل
ياسين:اسمع بس اللى قولتلك عليه الشركه دى لازم تقف على رجليها تانى من اول وجديد
محمد:انا مش فاهمك
ياسين:هو مش عامر البرهامى داخل على طمع ومتجراش يطلب الطلب دا الأبعد ماانا اتجوزت بنته خلاص انا هنوله اللى فى باله
محمد:طيب وليه؟
ياسين: عشان لما ارجع الشركه لحورية ترجع وهى واقفه على رجليها من تانى لان الشركه دى هترجع لأصحابها
بقولك ايه انا عايز اعرف مين ماسك إدارة الشركة دى وكمان كل التفاصيل عنها وعن الاتفاقيات والعروض اللى بتجيلهم . تمام
محمد :ولو انى مش فاهم حاجه بس تمام
صحيح كان جاى لينا طلب من شركة مجهوله او ممكن تكون شركة جديده بس الغريبه أن طلباتهم بكميات كبيره جدا وكمان كله كاش
ياسين باستغراب:اسمها ايه الشركه دى
محمد :اسمها Z&Tلاعمال البناء
ياسين:انت رديت عليهم ؟
محمد:لا طبعا انا كل اللى قولتلهم عليه أن الطلب اتقدم لمجلس إدارة الشركة وهيترد فيه قريب ان شاء الله
ياسين: كويس . سيبك منهم بس حاول برده تعرفلى فين مكان الشركه دى ومين اللى ماسكها
محمد :تمام
ياسين: خلاص تمام انا خلاص خلصت وهمشي علشان ورايا حاجات مهمه لو عايز تمشي انت كمان يلا
محمد:اكيد طبعا همشي
ياسين:طيب يلا بينا
وذهب ياسين ومحمد الى المنزل وعند وصولهم دخل ياسين ليجد مصمم الازياء وجميع الفتيات معهن مجالات يخترن موديلات فساتين
عندما رأت الاء محمد نادته قائله:محمد انت جيت كويس انك جيت في وقتك تعالى اختارلى الفستان بتاعى
محمد: ورينى كدا ثم نظر الى المجله ليرد قائلا ايه رايك في دا يالولو هيبقى جميل عليكى
الاء:بجد يامحمد
محمد:طبعا يا قلبي انت اى حاجه عليكى بتكون جميله . بس عشان خاطرى انا جاى تعبان جدا من الشغل اخوكى نفخنى ممكن نطلع نرتاح شويه
الاء :طيب مقاسات الفستان مسيو سامو عايز المقاسات
محمد: حبيبتي انا هجييله المقاسات يلا بينا بقا ثم أعطى المجله لساره وأشار إلى الفستان الذى اختاره قائلا :هو دا ثم امسك بيد الاء وصعدت الى غرفتهم سريعا
تحت أنظار الجميع وضحكاتهم لتقطع تلك الضحكات كلمات مروه التى وقفت على الباب لتهتف قائله:هاااى يابنااات
فتتهجم ملامح الجميع لترد ساره قائله:هاى مروه زى عادتك دايما مش بتيجى فى وقتك خالص
تكشر مروه مابين حاجبيها قائله:ماشي ياست ساره عموما انا كنت جايه اسلم على طنط وكمان اطمن على ياسو
ساره:اااه قولتيلى عموما طنط فى اوضتها وياسو اهو كويس الحمدلله بس مش فاضي اصل عقبال عندك بينقى لعروسته فستان الفرح
تهجمت ملامح مروه لتوفر بحنق قائله:اممممم قولتيلى . وياترى فستان المدام هيتعمل فين
ساره:مسيو سامو هيعمله
مروه بسخريه :ايه دا يعنى هيتعمل هنا ؟
ساره:امال يتعمل فين ياحبيبتى؟
مروه بتكبر :انا فستان لازم يتعمل فى باريس أو بيروت
ساره:اممممم . بس احنا بنثق فى مسيو سامو وبعدين مسيو سامو من لبنان وبيشتغل لالمع الفنانات ومعروف جدا
تنادى حوريه على ساره :ايه رأيك فى دا ياسو
ساره:الله جميل اوى يا حوريه .
ثم تأخذ المجله الى ياسين الذى كان يجلس منفردا على أحد المقاعد لتهتف ساره قائله:ايه رأيك يا أبيه ؟
ظل ياسين يقلب صفحات المجله حتى وقف عند صفحه ليختار فستان هادى وبسيط جدا بدون چيبونه واسعه أو اى شغل من القماش الستان الناعم اللامع
ساره:ايه دا هو دا اللى عجبك يا أبيه ؟
ليومئ ياسين رأسه بالموافقه
ساره:وااااو نفس اختيار حوريه هى كمان اختارت دا .
نظر ياسين لحورية لترفع عينيها إليه تبادله نظرته تحت أنظار الغل والحقد من مروه
لتهتف ساره قائله :ايه رايك مسيو سامو؟
سامو :واااو دى من اشيك الموديلات ومكتسحه اوروبا كلها
تخطف مروه المجله بغل لتنظر الى التصميم لتهتف بغل قائله:ايه دا هو دا ؟ وايه بقا اللى فيه عشان يطلع حلو
ياسين: كفايه أن حوريه اللى هتلبسه وتكون فيه دا طبعا هيديه قيمه اكبر بكتير من لو اى واحده تانيه لبسته
شعرت مروه بكلماته تمزقها وتزيد من غلها لتشتعل النيران فى صدرها تتوهج فى نظرات عينيها تلفح من أمامها
ليرد مسيو سامو قائلا:عندك حق مستر ياسين عروستك كتير حلوه وقوامها كتير حلو ومابدها الا شي بسيط لك هاى متل القمر هاى اسما حوريه وهى فعلا حوريه من الچنه
شعر ياسين بأنه يريد قلع لسانه ليقطعه قطع صغيره ويثقب عينيه التى تتملى بجمال حوريته ليخرج منه صوت رجولى كأنه يعطى انذار لسامو بأن يخفض نظره ويمتنع عن حديثه هذا
يهتف سامو قائلا :,ممكن اخد المقاسات حوريه هانم؟
ثم يقترب من حوريه يمسك بيده مازوره ليقيس بها وحين اقترب كثيرا منها وقعت من يده المازوره من أثر صوت ياسين حين هتف بصوت رجولى عالى قائلا:استنى عندك
سامو:فى حاجه مستر ياسين
يقترب منه ياسين سريعا قائلا بغضب:انت هتعمل ايه ؟
سامو :اخد المقاسات مستر ياسين
ياسين فين البنات اللى بيشتغلوا معاك وبياخدوا المقاسات
سامو :هما فى شغل تانى مدام هدى اتصلت فينى وصممت انى اچى اليوم لان العرس كتير قريب وماضل وقت لتفصيل الفساتين
ياسين:عموما انت اكيد عندك مقاسات البنات .
سامو :ايه . بس مقاس العروسه
ياسين:انا هاخد المقاسات واكتبها
سامو :حضرتك مستر ياسين
ياسين: ايوه حضرتى. ياسين الجبالى محدش يفكر يقرب من مرانه ولا حريمه
ثم امسك ياسين بالمازوره وأخذ يلفها حول خصر حوريه وهو يقترب منها وتتقابل نظراتهم وظل يقترب منها أكثر تلفح أنفاسه عنقها وهى شارده بعينيه
وكانت هناك نظرات غل وغيره وأخرى نظرات محبه وسعاده بهم
اتجهت مروه سريعا الى سامو لتطلب منه عمل فستان لها طالبه منه اخذ مقاساتها ظانه انها ستشعل الغيره فى صدر ياسين ويأخذ هو ايضا مقاساتها كما فعل مع حوريه
فاقتربت مروه الى سامو الذى شعر بالقلق من ياسين فساله قائلا:اخد المقاسات مستر ياسين؟
ياسين بدون مبالاه:هى حره . ثم يمسك يد حوريه يهتف قائلا :يلا يا حوريتى عشان نخرج نشوف لو فى حاجه نقصاكى
ثم ذهب مع حوريه تحت أنظار مروه واشتعال قلبها وظلت تهتف بداخلها قائله:ماشي ياياسين لو الجوازه دى كملت مبقاش انا مروه .
سامو :جاهزه انسه مروه ؟
الفصل الثالث عشر
ابدأ من البداية
