البارت الحادي عشر (11)
((أنا بشاربك ياعلي))
بقلمي :-فراقد حسن علي
..............،،،،،،،..............
صرت ضحيه بسبب أهلي ،،وظلم أمي ،،وسوالف أخويه الشينه ،،وخيانه رجلي الي مايحمل من صفات الرجوله ذره ،،وجهل خواني،، وضعف شخصيت أبويه .....
ربط الحاضر بالماضي .....
علي /
سلمت على اهلي ودعتهم وضميت القران جوه القمصله لايتنكع من المطر وتوجهنه على مصدر الصوت
وأني وفرزق متلازكين جتف بجتف علمود الشمسيه تغطي روسنه من المطر وهو بيده التلفون يضوي على الطريق مانشوف من الضباب
وأسمع صوت رجال يصيح منو هنا،،منو أنت،،
وصلنه قريب أني وفرزدق على مصدر الصوت وبس ضوه تلفون فرزدق يضوي ،،واشوف شوفه ،، الله أكبر وكف عقلي،، وطاح شعر راسي من ذهول المنظر
ولد شاب واكف وبيده مسدس مخلي براس بنيه ويبجي
والبنيه كاعده بالكاع لابسه يمكن أتك ،،مااعرف سيت نوم ،،مااعرف شيسموه ؛؛؛لونه ابيض وكله دمايه وعليه عبايه صايره بيضه من كد الطين البيها،،وشعرها منفوش ومهلس ،،وخشمها وحلكها يصبن دم،،ووجها كله أزرق ،،وتك عينها اليمنى مورمه ومسدوده ،،
والله أنقهرت عليها وكسرت قلبي ،،والله اي واحد يشوف منظرها يبجي عليها
وشفت ولد شاب ثاني شويه بعيد علينه يحفر بگبر
من شافتنه البنيه باوعت بوجها وصارت عيني بعينها وشفت عيونها تحجي وتتوسل تريد خلاصها من هذوله الشباب
فرزدق مركز ضوه التلفون على البنيه وفاك حلكه ومصدوم حاله من حالي
ملاحظه((بطل القصه حكتب اسمه علاوي علمود لاتخربطون بالشخصيات وتخبطوه ويه علي اخو زهره))
علي/روحوا منا شباب منريد مشاكل
علاوي/شفت الشاب صاحب المسدس يحجي ويبجي وهذاك مستمر بالحفر،،أكدر أعرف شصاير
علي/أنت لاتدخل مالك غرض ،،وارجوكم روحوا منا ولاتدخلون
علاوي/أخي يجوز أكدر اساعدكم بشي
علي/أخي انت تفهم كلامي لوً لا ،،كتلك لاتدخل بشي ميخصك
علاوي/عليك بداعت عزيز قلبك ،،وعليك هذا ابو الحسنين ،،فهمني شنو الموضوع
علي/شنو هل فضول العندك ،،روح منا
علاوي /أحاول باي طريقه أفتهم من عنده واسحب منه حجي منظر البنيه يكسر القلب،،شوف بس كلي شنو الموضوع واوعدك اعوفك واروح وماأسببلك اي مشكله ،،بس سولفلي بلكت اكدر اساعدك
بقيت اماطل وياه بالحجي والبنيه تباوع علينه تريدنه نخلصها والشاب مخلي المسدس براسها
JE LEEST
أنا بشاربك يا علي
ChickLitهي /ما معنى أن تكون المرأة امرأة!!! في بلاد أن يكون المرء فيها أنثى ،، عليه أن يدفع الثمن غالياً؟؟!! هو/ أنسان يخرج من وحل الفشل،، في هذه الدنيا الظالمة ،، إلى إنسان يُضرب به المثلَ!!!!
