وهبتني حياه

هدنه

عوده ملك الحلبه للسباق، ،،، في سبق لجريده النهار تم بالامس اشتراك يزيد مرجان في السباق او كما يسميه معجبوه بملك الحلبه في بطوله العالم بدبي الفارس المصري، ،،،،،،،
قرا ماهر الخبر وطبق الجريده بيده ليلقيها علي امتداد بصره ويقول بغضب
#بتتحديني ياليان حاااضر انا هعرفك مين هو ماهر العطار يابنت سميه انا هنسفه من علي
الارض
#ماهر
رفع عيناه ليري زهرته الذابله تقف علي باب المكتب اسرع نحوها ليحملها بين ذراعه ويريحها علي الفراش
#ايه اللي قومك بس ياحبيبتي
رفع عليها الاغطيه لتسقط دموعها
#خلاص عجزت ومعتش ليه لزمه
احتضن وجهها وقال لحزن
#وبعدين معاكي ياسهام، ،، عجزتي ايه بس داانتي وردتي
قالت بانكسار #اللي المرض دبلها ومعتش ليها راجا
وضع اصابعه علي شفتيها
#اوعي تقولي الكلام دا تاني، ،وبعدين هو انتي مش بتبصي في المرايا ولاايه، ،، داانا بخاف تخرجي معايا تتعكسي ادخل في اللي هيعكسك السجن
ابتسمت بالم #لسه عجبك فيا ايه داانا لما ببص في المرايا بتخض وشي اصفر وتحت عنيا اسود ومعتش عندي شعر
امسك يدها ووضعها علي صدره وهمس
# سهام ساكنه هنا بشوفها بده، ،،، وبعدين انتي وشك زي للقمر وان كان علي الشعر مش احنا اتفقنا ان شعرنا يطلع مع بعض
قال جملته وامسك يدها ليتحسس شعره الحليق
#طب بزمتك حلقته كام مره
#بتشككي فيه ياسهام عارفه عزت اول ماشفني قالي انت كنت بتحج في المانيا
ضحكت قال #ايوه كده وحشتني ضحكتك.
تلمست وجهه وقالت بحب
#معنتش تحلقه تاني وحشني شعرك الاسود الناعم
لدغ خدها #قصدك الابيض ياقطه، ،،
#الكام شعريه البيض دول مش يتحسبوا وبعدين حد يحلق شعره ودقنه ويسيب شنبه
قرب وجهه منها
# اتجننتي اياك احلق شنبي كيف يعني
احتضنت خده وقالت بثقه
# من ساعه مارجعنا وانت فيك حاجه بتحاول تخبيها عني ومش عارفه ليه حاسه ان الحاجه دي مرتبطه بليان
قال بعصبيه حاول تحجيمها
#سيهام بلاش تجيبي السيره دي
تنهدت بقوه وقالت بحزن
#هتفضل تبعدها عني لامتي
قال بتاكيد #انا ببعدك عنها عشان مش مستغني عنك انتي متعرفيش ليان دي ممكن تقتلك
حدقت بوجهه فقال بتاكيد
#دي اصلا كانت مشروع مجرم
#برضه بتهرب غشان خاطري ياماهر متحسسنيش بالعجز واني معدش ليه لزمه في حياتك
تنهد بقوه
#هقولك ياسهام هقولك عشان انا مخنوووق بجد ليان بنتي الوحيده نواره بنات العطار وبنت كبيرهم ،،،،،،اللي حلمت طول عمري اسلمها بيدي لعريسها،،،،، ابقي غيران بس فرحان ،،،،واعملها فرح يحلف بيه بر مصر كلاته ،، اروح اوديلها فطور صبحيتها بيدي ،،وادبح الدبايح علي شرف بتي،،،، لغيت وجودي من الدنيا كسرت ظهري
قالت بقلق
#ليان عملت ايه ياماهر عشان دا كله
قال بغضب #ليان هانم راحت اتجوزت من ورايا الست هانم جوزت نفسها زي ماتكون يتيمه ويارتيها متجوزه واحد عدل دي متجوزه واحد شاذ مراته فضحته بقضيه خلع وقاتل تمنيه ومعتزل الدنيا بقاله عشر سنين
قالت بتردد #طب ممكن تهدي وتفهمني ازاي شاذ وهتجوزه وزاي قاتل ومش مسجون
اشاح بيده #حتي لوهو مش كده واتربطت عليه من كل حته دا واحد ااقل اشاعه حوليه تدمر
امسكت يده. وقالت بيقين
#ماهر انا حبيت فيك حنيتك وانك بتقول الحق ولو علي رقبتك ليان صوره منك في ده ،،،، اهدي بقي وفهمني ايه الحكايه انت تعرفه
زفر بقوه.وقال # اسمه يزيد مرجان ،،، سالتني عليه قبل مانسافر.عشان كانت عاوزه تصريح ليها هي ومحمود عشان تدخل مؤتمر عنده. راحت تاني يوم واتحدته في المؤتمر.انها هتنشر
قالت بحماس # طب هو مانع النشر ليه
قال بحنق #انتي مالك متحمسه كدا ليه.
اعتدلت بجلستها لتقول
#اصل انت شكلك تعرفه
تنهد بقوه #اه عارفه بس معرفتوش وقتها كنت متاكد ان انا سمعت اسمه قبل كده بس طبعا طلبت معلومات عنه ولما اجيت لقيت الملف علي مكتبي ففتكرته ،،،،من اتناشر سنه تقريبا اتعرض مشروع لقنابل تدريب مقدمه شاب  لسه في الكليه ،،،،،المشروع فعلا كان عبقري انا كنت في اللجنه اللي وفقت عليه ،،،،،،رئيس الاركان طلب منه يطوع السنه دي ويتخرج من عندنا ،،،،وافق بس كان في الكتيبه بتاعه عزت ،،،،،بس شوفته اكتر من مره،،،،،،، في العاده اي حد بيطلب منه يتطوع بيبقي متنطط وجاي علي عينه،،،،،، دا لاء في السنه اللي قضاها درب خيل المعسكر كله ،،،،بينه وبين الخيل ربطه غريبه،،،،،، تحسيه بيفهمهم ،،،،،قضي السنه كلها منزلش غير يوم واحد بس ورجع ،،،،،برغم انه كان في الفنره دي متجوز فعلا
#يمكن كان بينه وبينها خلفات
#جايز ،،،  اخر اسبوع ليه في الجيش كان بيعمل قنابل عشان مناوره،،،،،، حصلت بينه وبين حارس زخيره الحي مشكله وضربه ،،،،،،بس الواد اصلا مكنش مظبوط، ،،تاني يوم انفجرت قنبله موتت كتيبته كلها وهو فضل في غيبوبه تلت شهور المعمل الجنائي اثبت ان القنبله انتاج مصانع وكانت نقصه فعلا من الزخيره ،،،،،،،والموضوع اتقفل علي كده عشان هو اخد فعلا تسريح من الجيش.،،، وهو في الغيبوبه مراته رفعت عليه قضيه واعز اصحابه شهد ان هو شاذ القضيه اتنشرت علي صفحه كامله وبعدها حارس الزخيره اخد الحكم ورفع عليه قضيه قتل عمد اونطه ومفهاش ولادليل بس ثبتت الكلام ،،،،،،،،لدرجه ان الاهالي اتلموا علي بيته وحرقولوا اسطبل خيل ابوه مات وهو فضل سنه في مصحه في المانيا ولما رجع كان قافل علي نفسه كل اربع سنين بياخد البطوله باسم اسطبلاته ،،،،،،بس هو بطل يتسابق،،،،،،،، محمود بيقولي هي اللي عرضت عليه الجواز مش بعيد تكون سقته حاجه اصفره
انفجرت ضاحكه تامل ضحكتها التي غابت عنه من زمن وتلمس غماذات خدودها الفاتنه
#عليك مصطلحات ياماهر مش ممكن، ،، طب مهو كويس اهوه
قال بجنق # دا اتجوز بنتي من ورايا
قالت بتاكيد# ليان مبتخفش وانت عارف. يبقي اكيد عملت كده لسبب
عقد ذراعيه #عشان عمري ماكنت هوافق
#محدش بيختار قلبه ياماهر
اشاح بيده وقال بضيق #لاء هي حبت تكسرني وبس هي اصلا من ساعه مابقت بتقولي ياباشا وهي خلاص عيارها فلت
دمعت عيناها #تقصد من يوم جوزنا مش كده
قال بلهفه #لاء ياحبيبتي مقصدش ليان هي اللي دمغها صارمه مش عاوزه تصدق ان كنت بحب سميه
#ماهر انت حاربت الدنيا عشان بتحبني هي كمان من حقها تحارب الدنيا عشان اللي بتحبه انت كنت ناوي تعمل ايه
#هقبض عليه في المطار الهانم معاه في دبي عشان البطوله
#اوعي ياماهر كده يبقي بتقفل كل الابواب في وشها
تنهد بقوه #اعمل ايه ياسهام انا دماغي هتتشل
ربتت علي خده
#مترفعش رايه الحرب سيب الباب موارب وهي اللي هتجيلك لوحدها.بس اعرف اخبارها من بعيد
زفر بقوه #انتي شايفه كده
#ايوه متبداش انت بالعداوه، ،،، قلي بقي شكله ايه يزيد ده
#الستات مبتتغيرش شكله متهبب حلو ملون وبعيد عن باب القصيرين اللي بتزلني بيه علي طول استني الهانم منزله صورته في الجرنال
عاد بعد قليل ليفرد الجريده علي ساقها قالت
#امممم زوقها حلو زي بباها بس الصوره مش بينه اوي مفيش صور ليهم مع بعض
قال بغيض #صور دي بجحه منزله الفرح اون
لاين علي موقع الجريده
قالت بحماس #طب هات اللاب وتعالي نتفرج عليه
#ميعاد علاجك ياسهام
#عشان خاطري ساعه واحده بس عاوزه اشوف زوقها
زفر بقوه واحضر اللاب ليفتحه ويجلس بجوارها لتظهر صوره ليان بثوب زفافها ليدمع هو ثم يظهر هذا الدخيل الذي اختطف دميته الصغيره ودون اذن منه لتعلق سهام
#الله دا حلو اوي وملون
قال بغيض #نجفه انا قاعد جنبك
قالت باسمه #دا زي ابني
#ابنك دا ايه دا بينك وبينه كام سنه بس
#طب خلاص خلاص اتفرج بس
ليري هذا الدخيل علي ظهر فرسه ليحمل دميته الجميله نعم حانق بشده ولكن شيء ما بنظرت هذا الدخيل لابنته جعلت قلبه يطمئن
#الفرح حلو اوووي شقيه ليان زي بباها شكلهم بيحبوا بعض اوي ياماهر عارف انا فرحانه اوي كان نفسي اوي ابقي معاها بقت شبه سميه
بالضبط فاكر يوم فرحكوا كنت بهرب من عنيك وانت كمان
#انا مش خاين ياسهام ،،،،،سميه كانت بنت عمي انا اللي مربيها علي ايدي بس غصب عني محدش بيتحكم في قلبه
ربتت علي خده # عشان كده بقولك متحاربهاش انت اكتر واحد عارف ان القلب محدش بيتحكم فيه
تنهد بقوه #حاضر ياسهام هحط عليها عصفوره
#عصفوره ازاي يعني
#هخلي محمود يجيبلي اخبارها ،،،،،بس محمود بقي راجل راجل يعني،،،،، ممشياه بالريموت بتتحكم فيه من بعد،،،،،،، انا عارف ان الكلام اللي كان بيقوله في المكتب هي اللي محفظهوله عشان لما حب يجود من عنده ويدافع عن صاحبه كنت هقتله
#هو صاحب محمود يعني من سنه خريج ايه بقي
#هندسه
قالت بحماس #يعني زميل
#طوعيني هسافر ااقتله في دبي انا مش طايق امه خلقه
#قلبك ابيض يااحلي ماهر في الكوكب هي البطوله هتتلعب امتي
#بكره الظهر
#هتتعرض مش كده
#بتتعرض علي القنوات الاجنبيه بتسالي ليه
#يعني خدني في حضنك بقي.   
نظر اليها للحظات وقال باسما
#طب مينفعش اعمل حاجه تانيه
لتحمر خدود الجميله خجلا فيهتف
#يااااااه وحشتني اووي ياسهام
وكزت كتفه #بس بقي مش تكسفني
شدها علي صدره ليربت علي كتفها
#ديما بتشيلي كل الهم اللي جوايا
#عشان انت جوا قلبي ياماهر
قبل جبينها وقال
#ممكن تاخدي الدوا بقي وبعدين تنامي في حضني
هزت راسها موافقه تحرك ليعطيها جرعتها ويشدها بين ذراعيه نعم هو عاشق ليس له غبار عاشق كاد ان يفقد عشقه ونبض قلبه وهو يري عذابها وهزالها ،،،،،،لعين المرض ولعنته اصابت محبوبته،،،،،،،،،،،،،،،، لم يكن من السهل ان يعرضها لاستئصال رحم،،،،،،،،، تبعه علاج كيميائي ليقضي علي مابقي منها،،،،،،،، حبيبته تذبل يوم بعد يوم تنطفئ شعله عيناها المتوهجه بلونها البني المميز انتهي عهده بشعرها الكستنائي اللامع ،،،،،،ليعود بها فيصدم بالطامه الكبري زواج ابنته الوحيده بدون علمه تنهد بقوه وتامل وجهها الناعس ليطبع قبله علي جبينها
#لو تعرفي ان انتي اللي مصبراني علي العيشه دي