وهبتني حياه

عشق ليان

ليان
العشق ... هو شعور متملك يسيطر عليك دون اراده . تنبت لك اجنحه وتتحرر من جاذبيه الارض .. ليرفعك فوق سحابه ورديه لتري كل شيء مختلف زرقه البحر خضره العشب .... كل يوم يثبت لها انها كانت محقه في اختيارها وتمسكها بهذا العشق ،،،،،يزيد يكملها في كل شيء تستطيع فهمه من لمعان عيناه ،،،،،رائعه هي الغيوم الساكنه بها  انقضي شهرعلي جنتها بين ذراعيه،،،،،، الفت نوبات جنونه الشغوفه،،،،،، احبتها كلا بل عشقتها تستطيع ترجمته بديتها من عيناه ..،،،،. تعشق دور الاب الذي يمارسه عليها ليمشط شعرها  يدللها كطفله ،،،،،شهرمر كالبرق من فرط سعادتها يزيد يغار من اي شيء وكل شيء ،،،،،وهي تعشق غيرته ،،،،،،،،اول يوم للعمل علق علي كل شيء ترتديه ،،،،،،،بدا من شعرها المسترسل نهايه بحذائها ذات الكعب العالي،،،،،، للان لاتفهم ما سر مقته للكعب العالي ،،،،،،يزيد عاد للحياه من اجلها ... تم اعاده تشغيل المصنع ..  يتدرب بجد مع رعد احيانا تشعر انهما روح واحده ... تذكر ا ول يوم رجوعها عندما اقتحم محمود مكتبها كالعاده يحمل كوب قهوته
#حمدلله علي السلامه ياعروسه منوره الجرنال
رفعت عيناها عن الاوراق ونظرت اليه
#هات اللي في ايدك ده
وضع القهوه امامها ليجلس امامها
#انتي مش هتبطلي بقي الطبع الزفت ده
#لما تبطل تعتبر ان مكتبي الغرزه بتاعه ابوك
اخرج علبه لفافته وناولها لها
#اتفضلي ياختي
ابعدت يده وقالت
#داانت صاحب سو بطلت ياخفيف
#ايه ده بجد  بركاتك يايزيد ... طب طمنيني ايه الاخبار معاه
احتضنت نفسها وقالت بابتسامه
#وحشني اوووي ... المهم اكرم علوان عاوزني في مكتبه كمان نص ساعه
# مانا كنت جيلك عشان كده متعرفيش عاوز ايييه 
#عارفه طبعا حسين الزفت قالب الدنيا 
قال باهتمام
#طب هتعملي ايييه
اتسعت ابتسامتها وقالت بتاكيد
#متقلقش .. قلتلك ياما في الجراب وجراب للحاوي مبيفضاش
تنهد بقووه #طب مفيش اخبار عن الباشا
#لاء سيبه دلوقتي لما يبقي يرجع ابقي افكر انا في دماغي حاجات تانيه ... لسه مازن مختفي
قال بتاكيد
#اه .........انتي فتحتي عليكي الحرب من كل حته ياليان
عقدت ذراعيها
#وانا قدها اوووي متقلقش ... عارف انا عمري ماكنت مبسوطه كده ... يزيد  احسن حاجه حصلتلي في حياتي يامحمود ....
هز كتفيه #ربنا يسعدكوا متزعليش مني ياليان انا بس قلقان عليكي
هبت واقفه وقالت بتاكيد
#عارفه ومقدره دا كويس اوي .... تعالي بقي نروح لاكرم
بعد قليل دخلوا الي رئيس مجلس الاداره الذي قابلهم ببتسامه
#اهلا  بالثنائي المميز ايه ياليان هو اللي بيتجوز بيحلو اوي كده
#انا طول عمري قمر      بس انت اللي مش واخد بالك
اكرم #ياسلام علي التواضع
جلست امامه وقالت باسمه
#دي ااقل حاجه عندي .... خير
حرك اكرم القلم بيده وقال
#شوفي ياليان انا مش بدخل في حياه حد الشخصيه
ابتسمت #حسين عامل زوبعه وقالب الدنيا انا مستعده اعفي حضرتك من الحرج واستقيل بس حياتي الشخصيه مش مجال نقاش مع حد
اكرم #طبعا لاء انا مقدرش استغني عن عقليه زيك ... بس السؤال بقي ليه حسين عامل كل ده انا عاوز اسمع منك
عقدت ذراعيها
#شوف الحكايه كلها ان ابو حسين واخوه كانوا بيتاجروا في المخدرات وعندهم حته ارض حظهم انها كانت جنب الارض بتاعه معتز مرجان وهو اللي بلغ عنهم وماتو فعلا في السجن
قطب #انتي متاكده من المعلومات دي
#طبعا وممكن حضرتك ترجع لسجلات السجن ... طبعا حسين مسكتش ،،،،وشهر بيزيد علي صفحات الجرنال ده ،،،،ونشر قضيه خلع في صفحه كامله معتز مرجان  كان هيرفع قضيه ووقتها كان هيكسبها ويجيب ضرفها،،،، بس هو مات ،،،،،بس بقي انا ناويه كده اجيب حقه وانشر الموضوع برضه في صفحه كامله
حك اكرم ذقنه
#يعني الموضوع كله تار بايت
قالت بتاكيد
# وياحظه الزفت اللي يقع تحت ايدي،،،، بس اوعدك بسبق صحفي يقلب الدنيا وقريب اوووي
#عن ايه
#لاء الصحفي الشاطر ميكشفش ورقه كله .....
ابتسم #خسارتك في الرياضه انا عاوز عقل زي ده في الحوادث
#بلاش الحوادث لحسن الباشا عنده حساسيه منها .... بس في موضوع ممكن يمسك انت شخصيا
#موضوع ايه
#عماد هو اللي ماسك الشئون القانونيه واتسربتلي معلومه بتقول انه بيضرب من فلوس الاعلانات
#امممم تمام هشوف انا الموضوع ده
هبت واقفه #يبقي كده تمام لو حسين سالك قلي انك كنت بتباركلي علي الجواز وصرفتلي شهر مكافاه،،،،،،، ميرسي علي الشهر
انفجر الرجل ضاحكا
#دا انتي نويهاله بقي
#علي ميه بيضا ...يلا سلام
قالت جملتها لتترجل للخارج بصحبه محمود الذي همهم
#ليان انا مش فاهم حاجه
جلست خلف مكتبها
#وانت من امتي بتفهم
#طب انتي قلتي كده لاكرم ليه
تنهدت #شوف اكرم بقاله فتره لازق في الجرنال مسالتش نفسك ليه
هز راسه نفيا
#ااقولك اكرم شاكك في حسين زيي بالظبط الحكايه كلها اني حطيت حته جبنه رومي للفار اللي بيلعب في عبه ،،،،،،،عاوزه حسين اليومين اللي جايين تحت ضغط عشان يطرطش ظلط
#انا مش فاهم انتي شاكه في ايه وايه علاقه عماد 
#عماد الزفت ده كل الدوتير بتتقفل عنده هو اللي كان واقف حراسه علي ذخيره الحي ليله الحادثه ...وهو اللي رفع القضيه بتاعته القتل برغم انه عارف انها فشنك  ،،،،،،،وعلاقته دلوقتي بالست زفته  .. مفيش اخبار عن مازن 
تنهد بقوه
#لاء مازن اختفي من البلد من يوم كتب كتابكوا ... واللي اتعرف انه طلقها علي يد محضر ... طب فهميني موضوع ايه اللي هتنشريه
#يزيد مرجان ملك الحلبه يعود للسباق بعد انقطاع عشر اعوام
قال بسعاده
#انتي بتتكلمي بجد يزيد هيرجع
#قلتلك يامحمود يزيد هيرجع عشاني ،،،،،بس مش هنشر الاليله السباق ...لازم ارد كرامته وارجعله اعتباره .... عاوزاك ترقبلي الزفت ده تمام ... وتدعبس ورا حته الارض بتاعتهم وابقي عدي علي الحسبات ااقبض الشهر بتاعي وهات بيه حاجه حلوه للعيال يلا سلام
#انتي راحه فين
#يزيد بيرن عليه يلا سلام بقي
قالت جملتها وترجلت للاسفل لتتجه نحوه قال باسما
#وحشتيني اووي عارفه انا بكره الجرنال ده اوي عشان بياخد حبيبتي مني ...
تاملته بنظره عاشقه
#مفيش حاجه في الدنيا تاخدني منك
ليقترب المجنون ويهمس
#وحشتيني اوي
عضت علي شفيها وهمست
#وانت كمان يازوزتي
تلك الغيوم التي تعشقها بعيناه ارتجافه شفتيه
مع يزيد ابواب جنه تفتح لتطل علي روعتها لتتلمس شفتيه بسبابتها ،،،،،ليذمجر هو عاشق انهكه العشق يريد التهام معشوقته لتهمس
#طب ااااااناجل التسبيل دلوقتي بدل مانتمسك بفعل فاضح
حدق بوجهها وانفجر ضاحكا لينطلق بالسياره لداخل البلده
#انت رايح فين
اوقف السياره تحت احدي المولات
#هناجل التسبيل شويه كمان عشان حبيبتي هتجيب هدوم
قالت بحنق
#هدوم ايه انا عندي هدوم كتير جدا
ربت علي .خدها
#الهدوم بتاعتك دي تلبسيهالي في البيت احنا هنجيب حجات واسعه وطويله كده ولذيذه زيك 
قالت بحنق
#بس
قال بحزم
#مفيش بس هتنزلي تنقي ولاانزل انا اجيب حجات علي زوقي
قالت بغيض
# لاء وعلي ايه،،،،، داانت معرفتش تنقي كرافت بتحطني قدام الامر الواقع تمام بس استحمل بقي
ليترجلا من السياره وهي تستمع لضحكاته العابثه .....طرق علي الباب تبعه صوت منصور
#الغدا جاهز ياليان يابنتي
قالت بصوت مرتفع
#تمام ياعم منصور هنزل اهووه
رفعت هاتفها واتصلت به لياتيها الرد سريعا
#اتاخرت ليه 
#معلش ياليو بس سهيله بتولد ورعد محدش هيعرف يهديه غيري
#تمام انا جيالك
#خليكي ياحبيبتي
قاطعته #كل حاجه مع بعض نسيت
قالت جملتها لتبدل ثيابها وتتحرك للخارج
#علي فين يابنتي
#معلش بقي ياعم منصور هروح ليزيد ولما ارجع هبقي اسخن انا سهيله بتولد ادعيلها
ابتسم منصور وتابعها تخرج
#ربنا يخليكوا لبعض
ترجلت للاسطبل لتستمع لهمهمات الطبيب مع يزيد وانين سهيله اقتربت لها يزيد
#متقربيش منها ياليان ممكن تاذيكي
ولكنها في مكان اخر حيث تلك العيون الدامعه الممتلئه بالالم ،،،،،زمجره خرجت منها وهي تراها تقترب رفعت يدها لتربت علي عنقها المتعرق وتقترب اكثر لتهمس باذنها
# متخفيش ... هتبقي كويسه
دوما تستمع ليزيد وهو يتحدث عن الخيل ،،،،،،انها كالبشر تمتلك احساس ومشاعر تفهمك بوضوح ولكنها للمره الاولي تختبر هذا،،،،  الفرسه بالفعل هدات قليلا واستكانت تحت يدها،،،، التي تربت علي عنقها ... لحظه قرب فريده من كائن اسطوري ....لتصهل بقوه معلنه عن مولد مهر جديد ... لتتامل خروجه بخوف ورهبه كبيره لدرجه جعلتها ترتعش ودموعها تسقط  بالفعل لتجد ذراعي يزيد يحاوطنها ترتمي بين ذراعيه
#دي بتتالم جامد اوي
ليرفع وجهها يمسح الندي عن خديها ويهمس بانفعال
#كده الالم خلص دلوقتي بقت كويسه عشان انتي طمنتيها ،،،،،،اول مره اشوف حد قريب للخيل زيي. .شوفي فرحانه ازاي بيه
التفت لتري المهره التي تحاول النهوض من علي الارض بقدميها الصغيره ووالدتها تدفعها براسها
#دا جميل اووي
#دي مهره ... اول مهره تحضري ولدتها تتسمي علي اسمك
قفزت بسعاده
#بجد هتسميها ليان
هز راسه موافقا ليقبل جبينها يعطي بعض الاوامر للطبيب والسائس يامر باحضار رعد الصاهل لتشاهد دفيء اسري رائع مع سهيله ورعد وليان الصغيره ..